ZAKHARIA 9:12 - Allah Wene Fano Wene Hupla Inane

¹² Yago, hit afuni hele warek welagep mene yi sani, yogondak he hit ninendawimo eberek logogun mene werek andi nen he, sugulogo we'ni o. An nen hit fanot hinobagagu mondok logogin enggere, hit hinalong pale'ma andoma sugulogo we'ni o. Holini: Hiren yi enggin ti enggin hugu welagagip mene andem obali'mo re An nen altap pireba fanot hinobagagin o.

ZAKHARIA 9:12 ပူးပေါင်းရင်းမြစ်များ

AYUB 42:10

At Ayub en agaila'lak inebe henagan aremnogo faget samban Allah yagatikhemo, hobuk Tuhan nen at Ayub ebe ambotkwe eilmo wulalhak hilingisogo fikhi logolik, angge yi mene ti mene mondogat attak welagaikhe mene lek agaikhe mene omanogo obulu'mo ebe higithogo wogetikhesik he, hobuk ekhe inom enggi pireba hakhogo oba loukhogo wogetikheat.

YESAYA 24:22

It inebe misi'mo andogorogo fisambik he hele warogo oumo kwelakfisagarek hak, hele warogo fisaluk kwelakfisagarek oba andoma werek kwelek enek he unggum inoba fagain oba a'nogo arat horok asi wesigin.

YESAYA 38:18

Ap wa'la'luk lagaikharek oba andoma nen Hat hobaget ekhe fogethafarek lek, ap warek mene nen he Haren tiphogo hilinginafi lagen mene a'nogo hilingninobagauwageluk ekhe eberek welagaikharek lek.

YESAYA 40:2

Ap Yerusalem mene re inendawinggen hambukhogo logouwago, sebelhinarek mene a'nogo arat wurep kobok ikhe o. Kwanirek mene iren hilingiri'lagwi mene omanogo re An nen mondogat leget figi o, iluk ikhe yagaisano. Nen it weak inoba fili'lagwi mene andoma inoba re An nen unggum altap pireba wogisigi o” iluk ikhe.

YESAYA 49:9

Ap hele warek welagaikharek mene re An nen lologo wulaginabi wagik, nen it mum se'ma werek mene re An nen selek oba woginarek wulibi wagik, igin. Punu lei pirim se'kwe oba nen ogore it inangge lek mene ekhe logogun lek, ebekhe laga-logogun kwe andoma mondogat he inamburu fouget fisikhi logogin.

YESAYA 52:2

Hat Yerusalem yi re, helokhoma wengik welagen oba andoma nen menlame o, wul age hagap oba yugul aga mene andoma horisan. Afuni Sion mene hele warek logolik, inalonggopma posiemanggen hele kelik mene andoma re lolisani o!

YESAYA 61:7

It afuni ekhe nen hinenggi pireba hobugalep hinenggali watik, hinenu weak hilingisogo hinobagagik, inendawimo seramet hinobagagik, isukwama nong agagip mene andi obali'mo re, hinaiba yi mene ti mene eise asugun mene andi, hinenggi altap pireba eise aga logolik, hinendawimo hinagaiyegetu mondok logogun o.

YEREMIA 14:8

Nineisena Hat he Israel inaben ninendawinggen hoba himbirik menere we Hat hami hamuat welagen o, nit wa'lasu hak were'ma telninafendek menere we Hat amu welagen. Oba nen Hat he nenahalok nit ninanggweang oba yoma ap pok mene higit welagen nogo? Hat he ap o ekhema lagaikharek mene nen hup inenggi misik nogoluk lagaikharek hak hilingiti lagen andoma re nenahalok nogo?

YEREMIA 16:19

Tuhan neisena, ”Harenat an hawe a'ma fe'narek logolik an nomame wo'neti lagen, An nelokhoma lek were'ma Harenat lebetniikhi lagen. Yi afuni ti afuni o kweang unggut-unggut welagaikharek mene andoma nen Hat hambit we'luk iren ikhi logolik, ”Nit ninombawi re tugwi kembu we eberogo lek mene fetaluk welagaukwa.

YEREMIA 17:13

Tuhan nineisena, Hat he afuni Israel mene nen inendawinggen hoba eberek mene welagen o. Nen i inelugerinaferek mene re Hat hebeat welagen. Oba nen he it Hat herakhobagaluk lagaikharek mene inebe mondogat he inenggali asugun o. It he kweang welago mene yiba nen longgo imbik he afuni wa'la'luk lagaikharek oba andoma hela pugun.

YEREMIA 31:17

Hat hagainafuri inawi eroma wesugun hilingi'mo re, hat he hobuk faget hendawimo eberek logoin o,” iluk yagati laga.

YEREMIA 31:6

Eberogo nenat, hinenggi ekhe wesigin meneba re ap o kota kagalek werek mene nen Efraim tom oba nen humeti logolik, ”Nit he o Sion nineisena Tuhan Allah ambit lagauwogen we'ni o, iluk ikhi logogun,” ikhe.

YEREMIA 50:28

(Afuni o Babel en heise o Yerusalem wagaikha mene nen he, nit nineisena Tuhan Allah a'nogo nen it Babel mene nen Tuhan Awi wurik a'nogoba hilingfesukwa mene a'nogo faget onggo hilingfikhe mene tindelha.)

YEREMIA 51:10

Tuhan againafuri nen ikhi logolik,” Nit he eberogo mene fikhit welagongge a'nogo re Tuhan nen inuk nisikhe andi. Enggere nit he o Yerusalem lambik he nit nineisena Tuhan Allah nen hilingite mene andoma tindeli louwogen he we'ni o,” ikhi lagaukwa.

YEHEZKIEL 37:11

Allah ane an noba ikhi logolik, ”Afuni wa'lagaikharek mene yi, ap oak andoma ebere it inunggulenu Israel mene faget ilirenggerogo hilingik. Iren ikhi logolik he nit he iringik welago, ninendawinggen wenggelek mene werek lek, nen hobuk ekhe logogun legat, iluk inane ikho wikho werek.

HOSEA 2:15

A'nogo yagasimbik, at eabu anggur yabu andi hobuk ambotkwe fano hilingisogo wogotik, o Akhor tonggoma yi weak ti weak hilingiti lagaba andi hobuk fanot fikhi logogin oba hilingisogo figik, igin o. O andoma nen at ebe silerik oba o Mesir en wulibi waga logolik, An nebe wo'nafikhe andi hak wo'nabigin.

YOEL 3:16

Tuhan ebe andom Sion oba logolik, ane kwe igik, o Yerusalem logolik, ane unggunggu ane hangge pak igik, igin o. At ebe nen hilingitunem pogot kweang abolok igin. A'nogo abolok igin meneat he, nineisena Tuhan ebere At againafuri Israel mene inebikhit agik, awe a'ma fisaluk ferinarek welagik, igin.

MIKHA 4:8

Hit afuni Yerusalem mene yi. Wam domba konhu welagaikharek andi hak, Allah nen againafuri o yoma werek mene halinafu were'ma re, o kota yoma attak enu lego welagaikhe andi hak, a'nogo hilingisogo fagain o.

NAHUM 1:7

Tuhan andi re mondok fano, At againafuri enggin inoba were'ma awe a'ma ferinarek welagarek. Afuni At oba lombokhogo werek mene re Aren halinafu mondok werek.

IBRANI 6:18

Wene hombuk palogo yagaisasikhe andi re, nit Allah awe a'ma kwi wago mene halok ninendawimo nen, ”Fanotninabigin,” iluk eberek welago mene ninendawinggen hambukhogo logouwageluk nirat yaganisasikhe. Abok igik, hombuk palhik, wene pire isikhe andem, niren he, Allah eranen ikherek mondok lek, iluk ninendawinggen hambukhogo logouwageluk yaganisasikhe andi.

IBRANI 6:19

Aren he, ”Fanothinabigin,” iluk isikhe andi lek asigin lek. ”Ebe asigin,” iluk anggikhi lago mene halok, e so i nen waluk lanogoluk ninghogo yakfuluk welagaikharek andi hak, ninendawinggen pogoroba o senggelek hulu ti'mo meneba Allah were'ma andoma tibetfembik hambukhogo logouwogo.