ZAKHARIA 8:7 - Allah Wene Fano Wene Hupla Inane

⁷ An nen he, nagainafuri o ekhema-ekhema it felelenghogo woginarek lagaukwakwe omanogo nen inagap telinabimbik,

ZAKHARIA 8:7 ပူးပေါင်းရင်းမြစ်များ

NEHEMIA 1:9

A'nogo meneat he, hobuk hinafe hebelasimbik hinambotkwe noba wesimbik noba lomborogo logolik, nane hologo hilingisugun halok he, hit hinebe pugulogo o pogot ero-ero lakhinobagambik hobuk andogorogo an nobaget hilingiti logogun oba nonggwaregen wenagaisogo fakhasigiba andoma logobagaik iluk hinobagai wesigin o, iluk isigin mene andi hendawimo ebesin o, neisena.

MAZMUR 113:3

Mo ero lagai wagarek oba nen pikhit ubuk ikherek huli andoma nen he, At Tuhan enu nek fogeratu mondok logogun.

MAZMUR 147:2

At Tuhan nenat o Yerusalem andi ambotkwe wusigin, afuni hele warogo huginabi lagaikha mene omanogo Arenat woginarek inambotkwe fisa wesigin.

MAZMUR 50:1

Asaf Awuni. Tuhan Allah Omame Mondok Hokho mene a'nogo ane ili'lago o, Aren he yi afuni ti afuni o kweangma mo ero fikhit welagaikharek mene huli nen he mo ubuk ikherek huli welagaikharek mene inoba ane humeri'lago.

YESAYA 49:12

An nagainafuri yatkwe nen wagu mondok logogun, o abel utara fikhiren inom, abel barat fikhiren inom, o Sinim selatan fikhit andoma nen inom waga logogun o,” iluk ikhe.

YESAYA 59:19

At omame werek aple inom, esinet fagarek mene inom he, afuni mondogaren mo eroma nen he, erumbul fikhit andoma huli inailoti logogun. At ebe wagunem he, i eil omamerogo wagarek hak, athe sogoi omame nen i agum foinak lenggak hikherek hak hilingirik wesigin.

YEREMIA 31:8

An nen it inebe nekhengge utara fikhiren woginarek wesigin, it inebe kweang wurep-wurep andoma nen waganogo andogerinabi wesigin. Afuni ineilenggen humunik mene inom, ap ineisok hambelek mene inom he it inom seberogo wesugun, andi nen hemi ineagwi ket takhogoin mene inom, inomalik inalabutmo mondogat wurik asigin mene inom ogore, inom wesugunat. It inebe re esa hokhorogo o kweang yiba wesugun.

YEHEZKIEL 11:17

An Tuhan Lego Mondok welagirek mene a'nogo nen nane ikhi logolik he yi'nogo ikhi lagi, An nen it inebe telfol isasigimo welagaikharekwe andoma nen andogorogo fisambik inambotkwe sugulogo kweang it Israel mene wogisasigiba omanogo fisa wesigin.

YEHEZKIEL 36:33

Tuhan Lego Mondok welagarek mene a'nogo nen ikhi logolik, ”Hit hinaweak andomaba nen An nen mondogat horogo legethinobagambik, An nen hit hinawi kota andoma afuni kwimbik logouwageluk hilingfigik, nen o meisalek kabok lagali'lago mene andoma halogo figik, uageluk yagahisagain o.

ZAKHARIA 10:6

Tuhan nen ane ekhe inom ikhi logolik, ”It afuni o Yehuda mene re An nen inomamet fisagain o, Afuni Israel mene re An nen inagap telinabigin. An nen it inoba nendawirinafi lagimo re, woginarek nekhengge it inawi eroma fisa wesigin. An nen it ekhe inunggulenu mene inoba herakfisigi'lek wene warisasigi hakhogo, it inoba ogo mondok fanorogo hilinginabigin o. It ineisena Tuhan Allah re we An namu nek welagi hilingi'mo re, iren samban ugu mene An nen inane nesanggo holhi logogin.

MALEAKHI 1:11

Afuni inunggulenu lombok o kweangma yi awi ti awi welagaikharek mene nen An agaukhogo fogetnafarek andi nen he, iren an fogetnafi logolik, o ekhema-ekhema nen dupa amben fano mene Nenuba nolnetik, wam, yi mene ti mene An nobaget nobagaluk nolnesubaat nolnetik, agarek andi. Andi re, yi afuni ti afuni mondogaren An fogetnafu welagaikharek andi nen o.

ULANGAN 30:3

nineisena Tuhan Allah nen endawithinabigin o. A'nogo endawithinabimbik, o hinebe pugulogo afuni inunggulenu hunogoat mene inanggele'ma lakhinobagagin oba andoma nen hinambotkwe hinobagai wesimbik he, attagat fano logogun andi hak logouwagaluk hilinghinabigin o.