ZAKHARIA 8:19 - Allah Wene Fano Wene Hupla Inane

¹⁹ ”Tugi enggaminogo nek mene inom fuap mene inom sabit mene inom nomolo mene inom, oba andoma re sumburu ninggi'lek inambe pok logolik hilingitarek mene oma re afuni Yehuda mene nen he, mondok inagaiyekhogo inanggiluk oba ebetu mondok logogun. Eberogo wene inom, fano liokhogo welagaikharek awene inom hinendawirogo logoni o!” iluk ikhe isikhe.

ZAKHARIA 8:19 ပူးပေါင်းရင်းမြစ်များ

2 RAJA-RAJA 25:1

A'nogo werek kwelek, at Zedekia nen he, ”An he afuni Babel mene inoe raja Nebukadnezar andi re nabit,” iluk isikhe andi nen he, at Nebukadnezar agoromi tentara weim yafarek mene mondogat woginarek, at Zedekia nen 8 tahun inoe raja welagaikhesigen, tahun ekhe 9 oba tugi afuni Israel mene nen inenggi wenati lagaukwa higithogo, 10 meneba, tanggal 10 werek kwelek wagaikhesik, afuni Yerusalem mene inoasigiluk o pin kwi wagaikhe. A'nogo wagaikhesik, inawi tenda ba o kota Yerusalem leget enda'ma andoma wutukwasik, leget pa'leget wurik mene abel endakwe yining-haning te'mekhogo waganogo fesukwasik kagalek welagaukwa.

2 RAJA-RAJA 25:25

A'nogo yagaisasikhemo, lagaukwasi'mo nen, tahun andi mene tugi it inenggi wenati lagaukwa higithogo 7 ba, inenggi ekhe it ap Elisama omba, Netania amlogo enu Ismael, ebe ap it raja lagen tagongge meneat welagaikhe mene andi, ap ekhe inebe 10 nen inom o Mizpa wagaukwasik ap Gedalya ebe wati logolik, ap Yehuda mene inom, Babel mene inom, at inom welagaukwa mene inomat inoatukwa.

ESTER 8:17

Andi hakhogo re, it afuni Yahudi mene werekwe o kota ebe lombok inom, propinsi ba inom, o ekhema-ekhema inom omanogo surat raja nen enu salik loageluk wulafikhe mene a'nogo enu salik lagaukwama inesanggo holhukwa kwe omanogo re inagaiyek hokhorogo hilingitukwasik he seni isarik lagaukwa. A'nogo hilingitunem he afuni o andoma mene it Yahudi mene inoba inailo welagaukwa mene omanogo re nit hit Yahudi mene ninom asugun o, iluk it inoba sebesi wagaukwa.

ESTER 9:22

Andi re linggene andi sambul enek iren afuni inaselei mene omanogo mabenet fisasukwama it inendawi heiselogo ou hugu welagaukwa. A'nogo welagaukwa mene a'nogo obali'mo re inagaiyek hasukwa mene andi faget hilingiti logogun isukwa. Andiba linggene andem oba re iren seni isatik, i sumburu nouwogeluk misi'mo kabogetik, nunggungge sumbut-sumbut agik, afuni inenggi lek meneba inangge wogisigik, hilingiti logouwogeluk isukwa andi.

MAZMUR 30:11

Tuhan neisena, nane hesanggo holnabimbik he hendawitnabin, Haren an nebe lebetnabin!

MAZMUR 34:15

Inobabut weak hilingitarek mene andi agaiserogo herakfisaluk, fano mene nek hilingiti logoino o. It ekhe hinom lambul fuluk, hinebe fano seberogo welagaikharek mene andi, hinomamerogo hilingiti logoino o.

YESAYA 12:1

Lingge ekhe weinam asi wesigin meneba re, hiren wuni ikhi logolik: ”Tuhan, attak he Haren an noba hobaharo welagen, oba nen yogondak he Hat hobaharo a'nogo arat lombuk ikhe, Haren an nendawimo konnafi lagen ma re, an nen Hat hai wathafi lagi.

YESAYA 35:10

Afuni Tuhan nen inagap telinabigin mene re inambotkwe sugulogo o kota Yerusalem inagaiyekhogo kwi waga logogun, it inagaiyek hokho mene asumo inelokhe heanerogo logogun. Iren inagaiyek higik, inanggilugetik, ikhi logogun. Inendawi ou hagarek mene inom, anggolo hurane hagarek mene inom andoma mondogat legasigin.

YESAYA 51:11

Andiba afuni Tuhan nen fikhalogo fisagain mene re sugulogo we'luk, it o Yerusalem kwi waga logolik inagaiyegen ngai-wai liafi logogun, a'nogo hilingitunem inagaiyek hokhorogo hilingiti logolik inoba mondok heanerogo nek logogun. Fong watu mene inom, enggin-fenggin hugu mene inom omanogore mondogat legasumo re iren inagaiyegetik, inanggilugetik, hilingitu mondok logogun.

YEREMIA 36:6

Enggere, linggene afuni sumburu ninggi'lek werek oba a'nogo asi wagu halok hat hebe andoma lambik he hane hokhoba an nen naneba yagaheti mene andoma pilingisumo re Tuhan nen an yaganete mene andoma inesanggo holugun. Hat hebere ap Tuhan Awi wuri'mo werek mene andoma inom, nen o kota amukwe nen weri'lagwi mene andoma inomen hane ugunem fanorogo holuba halok menla'luk yagaisano.

YEREMIA 39:2

Nen, at Zedekia ebe raja werek kwelek enek tanggal sembilan tugi enggaminogonek mene tahun nesanggo meneba werek kwelek he o kota leget pa'leget waganek mene a'nogo selei mene nen langgukhogo lakfisagasik,

YEREMIA 52:4

ma re Nebukadnezar inom ap sikhe fisogo inap inebe mondogat inom he, at Zedekia raja logolik ferinarek werek kwelek, tahun sogo meneba were'ma tanggal 10 tugi ogo 10 meneba werek kwelek he o Yerusalem pin kwi wagaukwa. Iren he o kota a'nogo abel endakwe fikhit he o it inebe himbit fuluk werek oba wutukwasik he, ap maserogo kwelaginafi logolik leget pa'leget wanhukwa,

YEHEZKIEL 18:8

Aren he angge afuni inoba hobuk nekhengge wogosugun nen iluk wogisikhi logolik he to'mongge ekhe inom wogisikherek lek, athe inanini meneba hilingitarek mene andoma abitsek logolik ap wene palhunem andoma re aren wene higithogo nek tegeterek.

YEHEZKIEL 24:1

Nit hele warogo hu'ninabi lagaukwaba nen tanggal 10 tugi ogo 10 mene tahun he 9 meneba were'ma, Tuhan ane an noba yi'nogo yaganete,

ZAKHARIA 7:3

A'nogo lakfisa waga logolik, ”O Tuhan awiba meisalkhukwa mene andi faget niren tahun hundik-hundik andoma tugi fuap meneba werek kwelek he sumburu ninggi'lek ninambe pok welago aremnogo hakhogo logouwoga? Iluk imam inom, nabi inom inoba heinok woginabi lano,” iluk lakfisa wagaikha.

ZAKHARIA 7:5

”Afuni o kweang yiba werek mene inebe mondogat inom, nen it imam lak inoba yi'nogo yagaisano, iren tugi fuap meneba inom sabit meneba inom hinambe pok welagik, le yagaisogo welagik, hilingitu werek kwelek enek tujuh puluh tahun hilingiti lagaikha mene andi re iren An nobaget esinet nobagaikhi logolik hilingiti lagaikha re lego.

ZAKHARIA 8:16

Hiren hilingiti logogun mene ebe re yi: Hiren hinane uogeluk halok he, eberogo mene nek hinagaila'lak inoba yagaisigik, nen, o wene katokhogo palharek oba omanogo nen wene tegeti logolik hinendawinggen se asu hak mene nek ikhi logolik higithogo tegeti logoino.

ZAKHARIA 8:18

Tuhan Omame Mondok Hokho mene a'nogo nen At againafuri faget wene yi'nogo yagaisano iluk an yaganeti logolik, mel ikhe:

ZAKHARIA 8:3

An nebe sugulogo o An Nawi Yerusalem kota mondok horek mene a'nogoba wesimbik andoma logogin o. Nen, o Yerusalem andi re kota tiphogo hilingitu mene iluk inelu mondok logogun, nen Tuhan Omame Mondok Hokho mene Andom andi re Punu mondok Horek mene iluk ikhi logogun.

WAHYU 22:15

A'nogo meneat he, it afuni ekhe weak inabit mene hilingitarek mene inom, it wesagun anggwelek inoatarek mene inom, it pailak hilingitik, fakfisoageluk hilingitik, agarek mene inom, it afuni inoatarek mene inom, it inendawinggen tugwi kembu oba himbirik logolik fogeratarek mene inom, it inambeba nen lalinafik, yi mene ti mene hilingiti logolik, lalinafik, agarek mene inebe lombok inom, mondogat o kota andi abel endakwe logogun o,” iluk yaganete.