ZAKHARIA 8:17 - Allah Wene Fano Wene Hupla Inane

¹⁷ Hit hinagaila'lak inoba weak mene hilingfisogoin iluk inabok palu fuk. Nen, hineranhogo hinane nen lalogo hombuk palu fugat. An he, ineranhogo wene agarek mene inom tiphogo hilingitarek lek mene inom, ina'mageba hilingfisagarek mene inom andoma re nabit inoba fisikhi lagi o,” iluk yagaisugunem holhi.

ZAKHARIA 8:17 ပူးပေါင်းရင်းမြစ်များ

MAZMUR 10:3

It ap weak hilingitarek mene nen he iren weak hilingisugun iluk anggagarek mene omanogo nek legeisogo fakhagarek, ap an enek anggagarek mene andoma nen he inane hombuk palogo Tuhan ninabit iluk herakhobagali'lagwi.

MAZMUR 101:3

Weak hilingitarek mene andi re ekhe logouwageluk herakfagain mondok lek, wene weak mene inoba fuluk hilingitarek mene andi re an he mondogat nabit, Wene ariginik mene andi re an noba ekhe logogin mondok lek.

AMSAL 3:29

It ap hinom horokhogo welagep mene hat hoba eberogo anggaluk hilingisugun mene omanogo inoba it lalinabigin iluk hilingisu fuk.

AMSAL 6:14

At endawimo wenggelherek mene ero mondogat fili agaresik, aren wene weak mene felalogo fikhi logolik werek andiba yikwe tikwe omanogo yei wene nek palharek.

AMSAL 8:13

Tuhan ebe inailorogo welagaikharek andi re, weak hilingitarek mene inabit welagaikharek andi aro. Inonggwaregen fogerakhagarek andi inom, ”It ekhe elo'lek, an enek he, esin,” iluk anggagarek andi inom, inobabut weak hilingitarek andi inom, ineranhogo wene lalinafarek andi inom, an mondok nabit isigirego.

YEREMIA 4:14

Yerusalem, hat hagap telhabuakhogore hendawimo weak welagen mene ari horogo wulakfisan o. Ki huli nen hat hendawimo wene weak mene wenggelhu welagen mene andi fisogo logogin nogo?

YEREMIA 4:2

Hiren a'nogo hilingiti logogun iluk An nenuba hombuk palimbik, hineluk higithogo welagik, katokhogo hilingitik, eberogo mene nek hilingitik, hilingiti logogun halok he yi afuni ti afuni inunggulenu lombogen he An nen it fanoabet fisoageluk kino yaganeti logogun o, nen iren he An foget nobagakhi logogun aro,” Iluk ikhe isikhe.

YEREMIA 44:4

An nen he, hit hinoba hundik-handik ap An namingmingengge nabi omanogo inayonggo fuluk lakfisa wagunem, iren hit hinaniniba mondok hilingiti lagep mene An nabit anggigirek mene andoma a'nogo hilingitu lego, iluk yagahisikhi lagaukwa.

HABAKUK 1:13

A'nogo meneat he, it ap inobabut mondok weak logolik, ning-nanghogo lalinafarek mene andi inoba heilenggen isikhi logolik meneat he nenahalok hafe morogo welagen nogo? Hat hebe horek mondok logolik, it ekhe weak hilingitunem heilenggen logou hak nogo? Nen it ekhe higithogo hilingitu le'ma, Haren hebak hafe asu lek hak nogo? Andi nen he, it ap inobabut weak mene andi nen it inobabut fano mene omanogo weagerinafu kwelek meneat he, nenahalok hafe morogo welagen nogo?

ZAKHARIA 7:10

Nen it hemi sogwe mene inoba inom, yenggerugwi suarek mene inoba inom, ap pok hit hinanggelekwe werek mene inoba inom, athe it ekhe inoba enggin-fenggin werek mene inoba inom, hinomameba sebelinarek logou fuk. Nen, ekhe afuni hinom welagep mene inoba weak mene hilingfisogoin iluk inabok palu fugat,’ iluk yagaisikhi lagaat.

ZAKHARIA 8:18

Tuhan Omame Mondok Hokho mene a'nogo nen At againafuri faget wene yi'nogo yagaisano iluk an yaganeti logolik, mel ikhe:

MALEAKHI 3:5

At Tuhan Omame Mondok Hokho mene a'nogo nen ikhi logolik, ”An hobuk wesigin andi re hit wene hinoba figik kotik igiluk wesigin o. An he afuni hareise higirinafarek mene inom, pailak hilingitarek mene inom, ineranhogo wene fagetharek mene inom, ap yabu hilingitu mene faget onggo wogisikhi logolik henarogo hilingitarek mene inom, nen, hemi sogwe hea, yenggerugwi suarek mene hea, afuni pok mene hea inenggi omameba sebelinarek welagaikharek mene inom, it afuni An agaugwet nobagagi'lek hilingitarek mene inom mondogat ineilhanem it hilingiri'lagwi mene andoma An neilenggen kwelaginarek logogin nen. weak-weak wesigin o,” iluk yagaisasikhe.

MATIUS 12:35

Afuni inobabut fano mene re, inendawimo fano mene peterek logolik, kagalogo lagai wagunem he, wene fano meneat wulabi wagaikharego. Mene re, afuni inobabut weak mene, inendawimo weak mene peterek logolik, kagalogo lagai wagunem he, wene weak meneat wulabi wagaikharego.

MATIUS 15:19

Inendawimo nen wene weak mene ebetik, afuni inoatik, hemi ap inagagwi mene pailak fakfisigik, helimenggerugwi pailak fakfisigik, yogot wanhik, ineranenat it ekhe wene inoba figik, inabok wiik-weakhogo palhik, agarek andi re, inendawimo nenat kagalogo lagai wagunem wulafarego.

MATIUS 5:28

Meneat he, an nen wene yi yagahisak. Ap sa nen, he ekhe eilenggen yethaluk endawimo nen he, ”Eige. An he andi pailak hilingi'le e,” iluk anggikhe halok, endawimo nen pailak eberogoat hiliingite o.