ZAKHARIA 8:16 - Allah Wene Fano Wene Hupla Inane

¹⁶ Hiren hilingiti logogun mene ebe re yi: Hiren hinane uogeluk halok he, eberogo mene nek hinagaila'lak inoba yagaisigik, nen, o wene katokhogo palharek oba omanogo nen wene tegeti logolik hinendawinggen se asu hak mene nek ikhi logolik higithogo tegeti logoino.

ZAKHARIA 8:16 ပူးပေါင်းရင်းမြစ်များ

MAZMUR 15:2

It afuni andi inebe re, weak hilingiti'legengge fano nek hilingiti logolik, inendawinggenma higithogo wenggelharek meneba, inane eberogo mene nek agarek mene inom,

MAZMUR 34:15

Inobabut weak hilingitarek mene andi agaiserogo herakfisaluk, fano mene nek hilingiti logoino o. It ekhe hinom lambul fuluk, hinebe fano seberogo welagaikharek mene andi, hinomamerogo hilingiti logoino o.

AMSAL 12:17

Ap inane eberogo mene nek agarek oba re tiphogo hilingitarek mene a'nogo omameratarek, nen ineraren wene lalogo agarek obare lalinafarek mene a'nogo legeisogo fagarek.

AMSAL 12:19

Ineranen wene agarek mene re we ferekhogo nek weinam agarek, oba nen eberogo wene andi re mondok-mondok logogin.

YESAYA 9:7

Tuhan nen afuni Israel mene weak mondok hilingitunem wene inoba mondogat fesikhe.

YEREMIA 22:3

”Hiren hinobabut higithogo hilingiti logolik katokhogo hilingiti logoni o. Afuni enggin-fenggin inoba fisugunem werek mene andoma it enggin inoba fugu mene inenggimo nen lologo wulakfisikhi logoni. Hiren ap pok mene inoba inom, yenggerugwi suarek mene inoba inom, hemi sogwe mene inoba inom sebelogo fisigik, hinaniniba hilingfisigik, u fuk. Afuni o yi nen weak hilingiti'lek kwelek inebe pinggi inoasu fugat.

YEHEZKIEL 18:8

Aren he angge afuni inoba hobuk nekhengge wogosugun nen iluk wogisikhi logolik he to'mongge ekhe inom wogisikherek lek, athe inanini meneba hilingitarek mene andoma abitsek logolik ap wene palhunem andoma re aren wene higithogo nek tegeterek.

YEHEZKIEL 45:9

Tuhan Lego Mondok welagerek mene a'nogo nen ikhi logolik, ”Yago, hit ap Israel hinap hinenu werek mene yoma sani, hiren weak mondok hilingiti lagep mene andoma re arat hilingitebo! Hit hinendawimo nen anggaluk afuni holhu mene sebelogo fisikhi lagep mene andi re herakfisani o. Hiren he eberogo wene inom katokhogo hilingitarek awene inom hilingiti logoni o. Hiren we ibi-eberogo misigam iluk ogo An nagainafuri inanggweang oba nen mugusogo wulaginabugun hanogo. Iluk An Tuhan Lego Mondok welagirek mene a'nogo nen wene andi hit hinoba yagahisigi.

IMAMAT 19:11

Yogot wanhik, lalinafik, hineranen wene yagaisigik, ikhi logogun lego.

AMOS 5:15

Inobabut weak hilingitarek mene andi hinabit logolik, fano hilingitarek mene andiat hinendawirogo logoino. A'nogo hilingiti logolik, wene higithogo hilingitarek mene andiat omamerati logoino. A'nogo hilingisugun andiba re, Tuhan nen, afuni Israel mene fena ineluk logogun mene omanogo endawi hundik hilinginafi logogin logou hak.

AMOS 5:24

Hit hinobabut he, i elesi wulibisogo lagarek andi hak, wene higithogo pilingitarek mene andiat esinet figik, i elesi agai lagu mondok welagarek andi hak, higithogo nek hilingiti logouwogeluk esinet figik, ikhi logogun andi nek he mondok fano.

MIKHA 6:12

It ap kaindek inenggi werek inap hit hinawi kota andoma werek mene nen he inaniniba nek ap inenggi lek mene omanogo sebelogo fisagarek. A'nogo hilingitunem hit hinebe mondogat he hineranhogo wene lalinabugun mene nek hilingiti lagep.

MIKHA 6:8

Lego! We nineisena Tuhan nen nit fano mene hilingiti logouwageluk weinamhogo yaganisikhe mene ebere yi: Afuni amu mene inoba higithogo nek hilingfisigik, nen, inendawi hundik hilingitarek mene andi ero omamet figik, ninendawinggen sebelek logolik Allah ninom hundik welagik, hilingiti logogun andi nek he mondok esin o.

ZEFANYA 3:13

Nen, it afuni Israel mene o andoma inebe endebengge logogun mene re, iren afuni ekhe inoba iluk ogo weak inoba figik, ineranhogo wene yagaisigik, inane nen lalinafik ikhi logogun mondok lek. It he inangge yi mene ti mene sik-pikhogo were'ma inoba fanorogo nek logogun, nen iren afuni inoba ekhe inailoti logogun lek,” iluk, ikhe isikhe.

ZAKHARIA 7:9

”O attak andoma nenat tahun mondok hokhorogo hilinglarik wagaikhe andomaba nen engge An nawene melalek yi An nagainafuri mene inoba yagaisilik wagirek andi. An nen yagaisikhi logolik, ’Hit hinobabut higithogo nek hilingitik, hinendawi hundik hilinginafik, hinagaila'lak hinom nendawi-hendawirogo welagik hilingiti logoino o.

ZAKHARIA 8:19

”Tugi enggaminogo nek mene inom fuap mene inom sabit mene inom nomolo mene inom, oba andoma re sumburu ninggi'lek inambe pok logolik hilingitarek mene oma re afuni Yehuda mene nen he, mondok inagaiyekhogo inanggiluk oba ebetu mondok logogun. Eberogo wene inom, fano liokhogo welagaikharek awene inom hinendawirogo logoni o!” iluk ikhe isikhe.

ZAKHARIA 8:3

An nebe sugulogo o An Nawi Yerusalem kota mondok horek mene a'nogoba wesimbik andoma logogin o. Nen, o Yerusalem andi re kota tiphogo hilingitu mene iluk inelu mondok logogun, nen Tuhan Omame Mondok Hokho mene Andom andi re Punu mondok Horek mene iluk ikhi logogun.

MATIUS 5:9

Nen, afuni inom weagat were'ma, it ekhe nen lambulogo fisagarek mene andi, at Allah nen he, yi an nagainafuri o, iluk yagaisagain andi nen he, inendawimo inagaiyek hikhi logouwak.

EFESUS 4:17

An nineisena Tuhan ninom hundik logolik, aren yagahisa hak wene yi komorogo yagahisak. It afuni endakwe mene inobabut hilingiri'lagwi andi hak, hit hinobabut a'nogo hilingiti logogubo. It andi, we tulemat mene oba ebeti logolik he,

EFESUS 4:25

Nit mondogat ninebe at Kristus enggi eisok hangge ninom hundik welago andi nen he, ineranen agarek mene andi herakfisaluk he, hinerugwi hinagaila'lak hinom hinane eberogoat mene nek ikhi logoino o.

1 TESALONIKA 4:6

Andi mene faget higithogo hilingiti logolik he, hinerugwi hinagaila'lak ineil salogo inagagwi inaguni mene pailak fakfisogoin lego,” iluk Allah endawimo nen a'nogo anggaluk yaganisikherek andi. A'nogo ikherek andi nen, attagat niren ikhi logolik he: ”It afuni pailak a'nogo fakfisagarek mene halok, ninoe Enupogoren wene inoba fagain werego,” iluk, ninghogo komothinafugu andi.

WAHYU 21:8

A'nogo meneat he, it afuni ekhe inailo werek mene inom, Allah ane wanharesigen herakfisagarek mene inom, Allah abit mene hilingitarek mene inom, afuni inoatarek mene inom, pailak fakfisigik, fakfisoageluk hilingitik, agarek mene inom, wesagun anggwelek inoatarek mene inom, tugwi kembu oba himbirik logolik, fogeratarek mene inom, ineranen agarek mene mondogat inom, i laut endu mene yenggelek were'ma, hendali al hangge amben weak mene enu belerang inom amulok nunggu mondok welagare'ma andoma lakfisagain o. Lakfisagain andi re, inebe attak elama faget wa'lasimbigen hobuk wa'lasugun andi aro,” iluk yaganete.