ZAKHARIA 7:6 - Allah Wene Fano Wene Hupla Inane6 Nen ekhe iren inamburu ninggik, inagai ninggik, hilingitu logolik it inoba homot fisikherek mene omanogo nek herarik laga lagaikha o, iluk ikhe yagaisano, ugunem higi. အခန်းကိုကြည့်ပါ။ |
ZAKHARIA 7:6
15 ပူးပေါင်းရင်းမြစ်များ
Inunggulenu andi mene nen heinok wo'niikhi logolik, ”Tuhan eilenggen higi'lek kwelek andoma nenahalok ninambe heang logogun nogo? Aren futninobagagu lek kwelek oba nen nenahalok nit ninendawinggen sebel fakhaluk logogun nogo?” iluk agarek. A'nogo ugunem Tuhan nen ikhi logolik, ”Eberogo nenat, hiren hinambe heang logoligen he hit hinonggwarek hinenggi werek agu mene nek herakhigik, ap onggo faget yabu hilingitarek mene omanogo hinomameba sebelogo fisigik,” ikhi lagep.
Iren An noba wam warogo wo'netu aplere mondok inagaiyek. Nen wam a'nogo eino palek he it nili'lagwi, oba nen An Tuhan nen he iren a'nogo warogo fei weri'lagwi mene andoma re mondogat nabit. Yogondak he An nen it inaweak hilingiri'lagwi mene andoma eberek logolik he it inaweak onggo unggum inoba fagain o, An nen it inebe inambotkwe sugulogo o Mesir lakfisagain.
Hit ap pok mene inanggele'ma andoma logolik hiren anggur inom wam inom Tuhan endawimo agaiyek hoageluk fuluk wogeti logogun lek. Hiren ninggi logogun mene andoma re, ap ware'ma fongma andoma logolik nunggunem emetlagaikharek a'nogo hak emethinafi logogin. Nunggungge andoma re we hinalabutmo homot hinobauwageluk ninggi logogun oba nen endebengge ekhe o Tuhan awi wuri'mo omanogo wogosugun nen iluk waluk laga logogun lek.
”Afuni o kweang yiba werek mene inebe mondogat inom, nen it imam lak inoba yi'nogo yagaisano, iren tugi fuap meneba inom sabit meneba inom hinambe pok welagik, le yagaisogo welagik, hilingitu werek kwelek enek tujuh puluh tahun hilingiti lagaikha mene andi re iren An nobaget esinet nobagaikhi logolik hilingiti lagaikha re lego.
Andi re Tuhan nen ap nabi bene nen o fem attak-attak andoma o Yerusalem oba afuni inebe inangge sik-pikhogo were'ma welagaukwaba andoma a'nogo yagaisikhi lagaukwa. Andem oba afuni re o kota nen esanggo-esanggo andoma re welagaukwa lek, we abel selatan fikhit inom, barat fikhit inom he, tom alemkwe andoma nek welagaukwa.
Nen, At nineisena Tuhan Allah nen, hit hinebe fanothinafik, hinamburu hinangge yi mene ti mene fanotfigik, ugunem he, hiren yi mene ti mene hilingitunem fano nek aga logogin andi nen, hit hinebe hinagainafuri hinom misigat lambukhogo o andoma nineisena Tuhan eilhanem andogetfuluk, hinendawimo hinagaiyek hikhi logolik, hinaggo hinamburu yi mene ti mene mondogat andoma ninggi logoino o.
Waluk laluk he, andoma nen hinauang a'nogoba hiren ti mene ninamolo hinendawimo anggugu higithogo, sapi, domba, kambing halok ogo, anggur amusu halok ogo, i omame enduk arik weak mene halok ogo, onggo palaluk he, andoma At hineisena Tuhan Allah elokhoma nen hit inom, hinagainafuri inom, seberogo ninggi logolik hinagaiyegeti logogun.
A'nogo anggasikhe meneat he, At nineisena Tuhan nen Samuel mel yagatikhe: ”At ari ebe An nen wenati mene re lego, andi nen he hat hendawimo nen ebe fano, oakhuse uan andi nen ebe yiat higi, iluk anggagun o. Afuni re, inagap endakwe nek isagarek meneat he, An he, inendawinggenma isigirego,” iluk yagatikhe.
ကြော်ငြာတွေ