ZAKHARIA 7:14 - Allah Wene Fano Wene Hupla Inane

¹⁴ Sogoi sielu nen hakhogo An nen furisugunem he ninggi'nogo hilingisugun iluk o kweangma afuni pok mene inaiba omanogo laluk welagaukwa. Kweang mondok fano mulire'ma yi nogore afuni werek lek oba, inareng tiring-terengse'ma unggulasili wagane'ma hilinglaga andi o,” iluk yaganetunem holhi.

ZAKHARIA 7:14 ပူးပေါင်းရင်းမြစ်များ

2 TAWARIKH 36:21

At Tuhan nen nabi Yeremia bene nen wene ikhi logolik he, ”Iren he tahun-tahun Sabat a'nogoba fogerati legengge nek hilingitu nen he o Yerusalem oba inom, Yehudaba inom andoma 70 tahun andi re kweang iringik mondok logogin,” iluk isikhe aple a'nogo higithogo hilinglagaikhe.

MAZMUR 58:9

It andi re no sogobenggen obalik lagarekwe amunggulal andi hak hilinglasuak, nen omalik ket taginafu mene o selek ineilenggen higi'lek wagaikharek a'nogo higit asuak.

YESAYA 17:13

It wagunem he i fu waga logolik esinggen founalik wagarek hak weri'lagwi. Oba nen he Allah nen inoasigiluk ugu nen it a'nogo heise re yatma lili'lagwi. It heise lagunem he sogoi en engga puk mene punu alilukwe nen furogo lagarek hak, athe kweang age sogoi sielu nen funhugunem hak, lili'lagwi.

YESAYA 21:1

Tuhan nen o Babel oba hilinglasigin mene faget yagaisoageluk isikhe mene re yi: Sogoi sielu anini mene o leikwe nen kwanirogo funfan hilik wagarek hak, o kweang mondok inailorekwe andoma re enggin mene inoba asi wesigin.

YESAYA 60:15

Hat he inabiret hobagakhi logouwageluk herakhobagagik, hafe winghonghogo logouwageluk hilinghobagagik, ikhi logogin lek. Oba nen he hat he hundik-handik inagaiyek hoba fugu mene inom, henu legeisogo fikhi logouwageluk inom, hilingisogo hobagagin.

YESAYA 66:15

Ibi eberogo nen, Tuhan hobuk endu inom wesigin. At he angge kereta andi sogoi sielu nen hilingiterek hak, Nen At a'mage endu amulok hak lagakhi logogin mene a'nogo At ebe waga logolik anini afuni inoba filik wesigin.

YEREMIA 12:10

Ap pok mene yi aple ti aple hilingitu inelu mene nen An neabukwe unggul warisigik, nen An neabu anggur yabu waganek kwe re it ineisogen pusel-pasel isigik ili'lagwi. Nawi elokhe mondok fano mene omanogo re iren hebekhogo o leimo inareng tereng se'ma higit hilingisogo fili'lagwi.

YEREMIA 23:19

Tuhan anini andi re sogoi sielu nen abologet hikhi logolik weaget fikherek andi hakhogo afuni inobaharo weak mene andi re a'nogoat hilinginabigin.

YEREMIA 30:23

Tuhan a'mage lagaikherek mene re i fu wagunem inom, sogoi sielu wagunem inom hak hilingi'mo re, ap inaniniba hilingitarek mene re inoaterek. Ma re Aren hilingisigin iluk endawimo wenggelherek mene a'nogo oan hilinglagi'lek werek kwelek he palfikherek mondok lego. Ma re hobugen enek he Aren hilingiterek mene andoma hiren elok fut fogoin o,” iluk ikhe.

YEREMIA 36:19

Andi isikhemo re iren ikhi logolik, ”Hat inom Yeremia inom he hina'lasi lano. Nen, hit hina'lasugun oba andoma re aben ogo ekhe hisanogo,” iluk yagatukwa.

YEREMIA 44:6

Andiba re, An na'mage a'nogo o kota Yehuda ba inom o Yerusalem oba ebekhe kwe andoma inom inoba figi andi. Andoma mondogat he An nen endu nolhimo re, mondogat endu hali nonggo nek kabok lagagunem yogondak hiren ogo hineil hikhi lagep aro.

YEREMIA 5:15

Hit afuni Israel mene yi sani, Tuhan nen he unggulenu misik mene ekhe o yatma nen hit hinoasi wesuageluk lakfei waga. Unggulenu andi re o attagat andoma welagaukwa inap, inane re hit hinonggot mene, nen inebe re mondok inomame werek inap weri'lagwi,

YEHEZKIEL 12:19

An Tuhan Lego Mondok welagirek mene a'nogo nen, unggulenu andoma mondogat faget, afuni Yerusalem mene inanggweang oba werek andoma faget igi mene omanogo haren yagaisano. It inamburu ninggi logolik, inoak leigeti logouwak, inagai ninggi logolik inailo nen inoak abolok ikhi logouwak. It afuni mondogat andoma welagaikharek mene nen he hundik-handik wene melalek sagalhu mondok werek andiba re it inanggweang oba andoma pukhogo iringlasigin.

YEHEZKIEL 22:15

An nen afuni hat hinom welagep mene o ekhema-ekhema hesangge pesangge hilingfisambik he, yi afuni ti afuni inunggulenu lombok welagaikharekwe omanogo lakfisagain, An nen hat weak hilingiti lagen mene andi mondogat pal fouwageluk hilingisogo hobagagin.

YEHEZKIEL 5:10

Ineisugwi inagaisawi nen inonggwarek ineagwi ninggi logogun, nen ineagwi nen he inonggwarek ineisugwi inagaisawi ninggi logogun. A'nogo hilingiti logouwageluk An nen it inoba unggum wogisagain. Ineluk logogun mene re An nen mugusogo ekhema-ekhema telfolisagain.

DANIEL 8:9

Andimuk aremnogo mene misik ekhe re andimuk endep mene ekhe wulifesik hokho aga logolik wurilogo re selatan huli andomaba asi lagik, timur fikhit asi lagik, nen kweang elokhe fano mene fikhit andoma asi lagik, ikhi laga.

HOSEA 9:17

Afuni Allah againafuri nen he Allah an nen obaget hilingiti lagi mene a'nogo At ane holhu re ninabit iluk herakfisagama, it inebe re afuni inunggulenu amu mene inanggelekwe leil wati logogun o, iluk ikhe.

YOEL 2:3

O kweang andoma elokhe kwe re lei en ninggerek hak yi engga ti engga mondogat yago mene leget figik, attak he o andoma nineisena Tuhan eabumo Eden hangge welagaikhe mene a'nogo hobuk pulue nen weaget fembik oba nen he, o leimo kweang amusu le'ma welagarek andi hak hilinglasigin. Afuni poloksek ekhe wulifi'lek felelenghogo inoatarek andi hak, iren yi mene ti mene yago mene ekhe herakfigi'lek mondogat weaget fisogoin.

IMAMAT 26:22

An nen maro aik anini mene hit hinanggelekwe lakfei wesumo maro andoma nen hinagainafuri senggelogo pilisigik, hinanggo senggelinafik, hilingitunem hit hinebe endebengge were'ma hinaiba ebekhe kwe andoma mondogat tiring tereng ikhi logogin.

IMAMAT 26:33

Hineabu helikhi legep kwe andoma hesangge linisikhi logogun, nen hinawi wurik he we meisalegenek kabok lagakhi logogin. An nen hit hinaiba eroma andoma weim liabumo hit hinailo nen linggi longgo ugun.

AMOS 1:14

A'nogo hilingita andiba re, An nen endu o kota Raba leget pa'leget waganek meneba lakfei wagik, iren himbirengge wurik mene andoma endu fatik igin o. Andem sambul he, ap weim yafi logolik inane hokhorogo sup ugunem inane inesanggo holhik, weim sogoi hokhorogo funha wagarek andi hak anini weak mondok yafunem isigik, ugun o.

NAHUM 1:3

Eberogo nenat At Tuhan andi re a'mage weak-weak lagaikherek lek. A'nogo meneat he, o yi awi ti awi At enek sagarek werek andi nen he afuni ekhe nen weak hilingitu halok he Aren unggum inoba fisikherek mene a'nogoba nen ekhe longgo u lek hak. At Tuhan ebe koma kwe lagu halok he, andoma sogoi sielu wiliferek. Nen At eisok sebelhugukwe andoma re, wul age hena higit palogo lagaikherek.

HABAKUK 3:14

Nit telfol nisogoin iluk wagunem, Hat handogen nit ninom weim palek mene esa logalogo weri'lagwi mene omanogo it sikhe fisogo mene tentara re sogoi sielu hakhogo wagu kwelek he, inanggele'ma pisinghogo kwelafi lagen. It afuni ekhe nen he samik-samok afuni inangge lek inelagaik mene sebelogo fisagarek mene hangge inagaiyegen endo ari'lagwi.

ZEFANYA 3:6

Tuhan nen ikhi logolik, ”An nen afuni inunggulenu hokhorogo mondogat legetfisigi. Nen, it inawi kota omanogo re An nen mondogat wolelenggenhogo lakfisigi, it inaiba inaleget pa'leget himbirengge waganek mene inom nen helep wurogo liabek mene inom he, An nen inawi meisalek enek hilingfisigi. It inawi kota re afuni inebe le'ma re, inareng tiring-terenghogo hilingik, nen ebekhe kwe ogo afuni inelokhe mondok lek.

ZAKHARIA 2:6

Tuhan nen At againafuri inoba ikhi logolik he, ”An nen hit hinebe o onggut-onggut, esanggo-esanggo telfol hisasigi. Oba nen, yogondak he, yago! Hit afuni hele warogo fisagarek oba welagep mene andoma re, o Babel en heise wilibimbik weak-weak hinambotkwe o Yerusalem we'ni o.

ZAKHARIA 8:1

Tuhan Omame Mondok Hokho mene a'nogo nen yi'nogo yagaisano iluk an noba yaganeti logolik mel ikhe,

ZAKHARIA 9:14

Nen At Tuhan ebere At againafuri mene inoba inugisigik, Nen At andok he eilabut hakhogo pising-pasang isigik, Tuhan Omame Mondok Hokho mene a'nogo nen weim yabi kwikhi logolik enekhogo iluk he trompet ane futhigik, nen selatan fikhiren sogoi sielu hokho mene funha wagik, igin.

ULANGAN 28:33

Afuni inunggulenu pok mene nen hineabu hinomame lekhogo wokfuluk enggen palhu mene omanogo helugunem he, hiren fena ekhe heligi logogun lek we hundik-handik ina'mage nen inomameba sebelhinarek mondok logogun.

ULANGAN 28:49

Afuni inunggulenu hiren ogo inane futfou elo'lek mene At hineisena Tuhan nen o kweang wurep fikhit andoma nen hit hinom weim yabuageluk lakfisa wesigin, waga logolik sue kuri nen hilingiterek hak sebelhinabi wesugun.

ULANGAN 28:64

At hineisena Tuhan nen hit hinebe mondogat o yi awi ti awi kweangma yoma afuni inunggulenu amu mene inanggelekwe nalek-falek hisogoin o. A'nogo hilinghinobagaumo re andoma nen amu mene faget allah ap-ap hilingfuluk kembu e inom helep inom oba elalek mene, it hinombawi nen ogo mondok inonggot mene, nen hiren ogo hinonggorat mene andomaba apne wanhi logogun.

ULANGAN 4:27

Nineisena Tuhan nen, hit mondok pugulogo o afuni inunggulenu hunogoat mene werekwe andoma lakhinobagaumo re, hit hinebe endebat enek hineluk logogun o.