ZAKHARIA 7:11 - Allah Wene Fano Wene Hupla Inane

¹¹ Oba nen he An nagainafuri inendawi mondok omame logolik iren holu re inabit mondok welagaikha, nen holu inabiren he inesanggo to'moti lagaikha.

ZAKHARIA 7:11 ပူးပေါင်းရင်းမြစ်များ

2 TAWARIKH 33:10

A'nogo nek hilingitunem he Tuhan nen afuni Yehuda mene inom, at Manasye inom, it hilingiti lagaukwa mene a'nogo faget wenagisasikhe oba nen he, it a'nogo holhi lek weak mondok hilingitu welagaukwa.

NEHEMIA 9:17

Haren yi mene ti mene faget mondogat fano hilinginafi lagagin mene andi inom, elalin mene hokhoat hilingiti lagagin mene andi mondogat inom, hologo hilingisu inabiren he, inendawimo eberek welagi'lek inonggoret fisasukwa andi. A'nogo inonggoret fisasukwasik, inonggwaregen fogerakhikhi logolik, it inoe ap ekhe nen it woginarek o Mesir inambotkwe lagaukwasik afuni Mesir mene inamingmingengge logouwageluk fisa loageluk, wenagaisogo fesukwa andi. A'nogo meneat he, afuni weak hilingitunem hat Allah nen sagalogo legetfisigik, inebe hendawirinafik, ha'mage horogat het-perigi'lek herakfisigik, egendek andi. Inebe hendawinggen hundik mondok logolik, it inebe kofologo herakfisigi'lek farinarek mondok welagagin andi.

NEHEMIA 9:26

A'nogo meneat he, it Hagainafuri nen, At awe a'ma logolik ane hologo hilingiti logogun ninabit, iluk herakhobagasukwasik, ap hat hane yagaisikhi logolik, hinafe hebela'luk hineisena Allah awe a'ma kwi we'no, iluk yagaisikhi lagaukwa inap omanogo inebe inoati lagaukwa andi. A'nogo inoatu logolik, hat hebe inendawimo seramet hobagagu mondok welagaukwa andi, neisena.

NEHEMIA 9:29

A'nogo telinafi logolik, wene haren komotninafigin wene andi hologo hilingiti logouwageluk, inenggali warogo komorinafi lagagin andi. A'nogo meneat he, inonggwaregen fogerakhikhi logolik, wene komotninafigin wene andi herakfisikhi lagaukwa. It afuni ekhe nen wene komotninafigin wene andi hologo hilingitunem haren fano inelugerinafendek meneat he, iren a'nogo herakfisikhi lagaukwa. It inungguloak mondok helep hangge logolik, inendawimo nen seramet fuluk, inesanggo furogo holhi'lek, higithogo hilingiti'lek, hilingiti lagaukwa andi.

KELUARAN 10:3

A'nogo yagatikhemo, at Musa Harun emberek raja oba lagaukwasik he, mel yagatukwa: ”It afuni Ibrani mene ineisena Tuhan Allah nen he, mel ikhe: Hat An nawe a'ma soma iluk werek aple habit andi huli ki huli nen logogin nogo? Haren An nagainafuri foge'nabi loageluk lakfisano o.

YESAYA 28:12

Lakfei wesimbik Tuhan nen he hit hinebe mondogat faget set waruguba obalik ekhe wokhisagain iluk ili'lago oba nen, hiren ninabit iluk At ane ikherek mene a'nogo ane oak sagalhi lagebat.

YESAYA 46:12

Ap winik-wonok ikhi lagep mene yoma sani, hiren anggikhi logolik inomame agaikharek mene re yatma werek iluk anggikhi lagep mene andi re An nane hinesanggo holini o.

YESAYA 6:10

A'nogo yaganetesik ekhe ikhi logolik he, ”A'nogo hilingitunem it ineilenggen higik, inesanggo holhik, futfigik, uluk it inobabut hebella'luk he An noba inambotkwe wagunem, An nen it inebe fano hilinginafi hanogore, inendawinggen helep hak harot fisigik, inesanggo tagumet fisigik, ineilenggen humun fisigik ino o,” iluk yaganete.

YESAYA 65:12

Hit mondogat hina'mage lagakhi lagep mene andi ambisangma re hinebe wa'lasugun o. Andi re An nen wolhinafigi sambul he hiren onggo isigip lek, nen An nane ugu kwelek hiren holek welagagip legat andiba hogoin. Hit he An nane sagalogo fuluk wene weak mene omanogo hilingisuogeluk enek he hinagaiyekhogo hilingiti lagep.

YEREMIA 11:10

Iren he weak it inombawi nen An nane hologo hilingiti'legengge hilingiti lagaukwa mene omanogo hilingiti logolik, iren mene tugwi kembu amu mene omanogo apne wili'lagwi, An nen yi'nogo ti'nogo hilingiti logoino iluk yagaisasigi mene a'nogo higithogo hilingiri'lagwi lek. It Israel mene inom Yehuda mene inom he An nen it inombawi inom wene wat-wat agagu mene a'nogo taganhogo nek hilingiri'lagwi.

YEREMIA 13:10

Inunggulenu mondok inobaharo weak mene ari nen he inendawinggen peterek logolik An nane holi'lagwi mondok lek. Andiba re it he sarung horogengge mondogat weak welaga andi hak hilinglasugun.

YEREMIA 17:23

A'nogo isigi oba nen hit hinombawi nen An nane holfigik, futnobagagik, ikhi lagaukwa lek. It inebere inendawinggen peterek logolik nane hologo hilingiti'lek welagik, inane fa'niugu aple ogo inabirat welagik, hilingiti lagaukwa.

YEREMIA 17:27

Oba nen he hiren An nane hologo hilingiti'lek, linggene Sabat mene andi An nobaget enogo figi'lek, nen linggene sabat mene andiba kwe ambe palekwe andi nen hinasungge salmakhaluk wulibi lagik hilingiti logogun halok he, o Yerusalem kwe ambe palekwe andoma inom ap raja ebe were'ma andoma inom An nen endu oba mondogat foumo re endu andi re nagulu elo'lek logogin o, iluk ikhe yagaisano,” isikhe.

YEREMIA 19:15

Tuhan afuni Israel mene ineisena Omame Mondok Hokho mene a'nogo nen yi'nogo ikhe, ”Hit he hinendawinggen mondogat peterek logolik holhu mene inom hinabit mondok welagep andi nen he o kota yiba inom, o desa-desa esanggo-esanggo haningisogo werek mene andomaba inom yi enggin ti enggin hinoba feigiluk foukhogo figi mene lakfei wesigin o,” ikhe iluk yagaisasigi.

YEREMIA 35:15

Hundik-handik An nen namingmingengge nabi omanogo lakfisa wagunem iren hit komothinafi logolik, hinobabut agametik, hinobaharo welagep mene andoma sebelhik, ini o, iluk yagahisikhi lagaukwa. Iren yagahisikhi logolik he, ”Hit he o kweang An nen hit hinombawi inoba wogisasigiba yoma logobagaigen he kembu ilah apne wanhik, it inobaget hilingitik, ikhi logou fugo, iluk yagahisikhi lagaukwa. Oba nen hiren he fut figi'legengge welagik, holhi'legengge hilingitik, ikhi lagep andi.

YEREMIA 36:31

Hat inom, it hat hambisangma mene inom, ap hat ha'ma yabu hilingiri'lagwi mene inom he hiren hinaweak hilingitep mene andomaba An nen unggum hinoba fagain o. Hat hebe inom, nen afuni Yehuda mene inom, Yerusalem mene inomen he An nen hinoba fei wesigin iluk fouget figirik welagi mene a'nogo faget futfikhi lagep le'ma re, An nen he hit mondogat hinoba enggin mene andoma fei wesigin o,” ikhe.

YEREMIA 42:21

Nen yogondak he an nen nit nineisena Tuhan Allah a'nogo ane ikhe mene mondogat yagahisigi, oba nen hit he wene yagahisigi mene a'nogo higithogo hilingiti logou hinabit mondok welagep.

YEREMIA 44:16

”Nit he haren Tuhan enu igisogo nit yaganisikhi lagen mene andoma ninesanggo holugun lego.

YEREMIA 5:21

”Yago, hit ap hinobabut mondok hebelek lek morue mene yoma sani, hinesanggo fanorogo holini o! Hit he hineilenggen werek oba nen he hikhi lagep mondok lek, nen hinesanggo werek oba nen he holhi lagep he legat!

YEREMIA 5:3

Ibi eberogo nen he Tuhan neisena, Haren it higithogo hilingiti logouwageluk yagaisugu le'ma hangge hilingiri'lagwi. Haren it fut fouwageluk inoati lagen oba nen he iren inobakhe nene hilingiri'lagwi. Haren it lombukhogo hilingiti logouwageluk sebelogo fisikhi lagen, oba nen he iren yanggulninabuak anggili'lagwi lek. It he inendawinggen mondok omamerek logolik inaweak oba nen agam esure inabit mondok werek.

YEREMIA 7:24

Oba nen he, iren holhi'legengge hilingitik, fut figi'lek welagik, hilingiti lagaukwa. A'nogo hilingiti logolik iren he ina'mageba nek wene mondok kwanirek mene omanogo hilingiti lagaukwa. It inebe re fano aga lagaukwa lek, meneat he ekhe inom mondogat inanini weak mene aga lagaukwa.

YEREMIA 7:26

Oba nen he hiren ekhe hinesanggo holhik, fut-figik, ikhi lagep lek. It hinombawi re horok harek hak welagaukwaba nen hit enek he hinungguloak mondok haro logolik, hinanini mondok hokho welagep andi,” iluk ikhe isikhe.

YEREMIA 8:5

Oba nen he, hit An nagainafuri nen hundik-handik An oboget nealuk hinunggul kwani-kwani lagalagep andi re nenahalok nogo? Hiren he hinanggembu a'nogo hinenggi pukhogo fetaluk logolik An nambit sugulogo wesu re mondogat hinabit welagep andi!

YEHEZKIEL 14:5

Tugwi kembu andoma mondogat oba re An nagainafuri inebe mondogat omanogo ninom eil uanhogo hilingninobagaga, oba nen he An nen onggo igin mene andiba re An nagainafuri andoma nekhengge sugulogo nambit wesugun logouwak,’ iluk ikhe o.

YEHEZKIEL 3:7

Oba nen unggulenu Israel mene andi re hat hane igin menere holugun mondok lek a'naga o. An nane ogo furogo holi'lagwi legaro, it he inungguloak helep hangge logolik nane sagalharek inap werego.

YEHEZKIEL 5:6

Oba nen Yerusalem en An nawene melalek a'nogo obokhogo herakfisikhemo re, it ap inunggulenu amu mene nen weak hilingiri'lagwi mene andoma re we endep hak hilingik kwelek, at enek he mondok hokhorogo wene oak sagalhu werek, andi nen negara ekhe it inera'lukwe maserogo werek mene andoma nen holi'lagwi lek mene andi re we endep hak hilingik kwelek, aren aniniba weak mondok hokhorogo hilingiti logolik An nawene melalek omanogo hologo hilingitu aple ogore abit mondok werego,” ikhe.

HOSEA 4:16

Yago, hit afuni Israel mene yi sani, hit he hinungguloak mondok helep higit welagep! Ariginik welagepma re, An nen ninggi'nogo domba engga noageluk o leimo halharek hakhogo halhinafi logogin nogo?” iluk ikhe.

ZEFANYA 3:2

O kota Tuhan oba eberek logouwageluk yagaisugunem ane wanhi'lek hilingiri'lagwi mene inom, At awene lenggalek oba yagaisugunem futfigi'lek hilingitarek mene inom, nen inebe faget At enggiba figi'lek hilingiri'lagwi mene inom, nen Aren lebetninabuageluk kino yagari'lagwi lek mene inom andoma re mondogat alomat lakhoago.

ZAKHARIA 1:4

It hinobawi nen hilingiti lagaukwa hak hilingiti logou fuk. O attak andoma it nabi nen weak hilingitarek mene inom, kwanirogo hilingitarek mene inom hilingiti logou fuk iluk yagaisikhi lagaukwa. Oba nen iren he, a'nogo hilingitu mene a'nogo hologo hilingiti'lek herakfisaluk An noba ogo tiphogo hilingiti lagaukwa lek.

MATIUS 13:15

It afuni yi ineilenggen higik, inesanggo holhik, inendawimo ebetik, ilugen he, inobabut hebelumo hobuk an nen fanorinabinogo iluk he, iren inendawimo pugagik, inesanggo tagum agik, ineilenggen mum agik, ineranenat ineilenggen pugetfigik, hilingitukwa o, iluk Allah nen isikhemo Yesaya nen lisu palogo fesikhe andi higit asuageluk yagaisikhi lagi o.

KISAH PARA RASUL 7:51

Hit afuni yoma hinobabut mondok weak hinesanggo holhi'lek hinagap hinenggalimo mene palek logoligat he, hinendawinggen tegele'lek logolik komore'lek hilingiti lagep yi ri! Hinombalagen: Allah Areagun ane andi ninabit, iluk ikhi lagaukwa hagat, hit it inobabut waganogo ikhi lagep yoma ri!

KISAH PARA RASUL 7:57

A'nogo yagaisasikhemo, it omanogo inane a'mit sup isukwasik he, inenggi inesanggo te'merogo, fungusek ambineat oba hop-hop kwisukwa.

IBRANI 12:25

It afuni Allah ane kweangma yagaisugunem inesanggo holu inabit welagaukwa mene, inebe ineluk herakfisigi'lek inoati lagaikhe andi. Halok he, nit yi ogo re, wene pogoroba nen yaganisugunem ninesanggo holu ninabit logogun halok he, ninoati'lek herakninobagagin anggegeba? Lego. Mondok ninoasigin andi nen he, at ane ugu kwelek hinesanggo holhi'lek, ”Ninabit,” iluk herakfisanogo nen he, hinebe hebelogo logoino o.