ZAKHARIA 6:3 - Allah Wene Fano Wene Hupla Inane

³ nen kuda henaganek mene re esi mola mene, nen enggaminogonek mene re kuda esi ambigit waganek mene, andem en lisogo woginarek lagunem isigi.

ZAKHARIA 6:3 ပူးပေါင်းရင်းမြစ်များ

KEJADIAN 31:10

Nen, wam kambing ai liabugun horok agunem he, an nen nabi wokhugunem he kambing ai mene abirengge andoma re esi lelfenggenek mene inom, enggen palek mene inom, hesesengge palek mene inom were'ma hikhi lagagi.

DANIEL 2:33

Mene re, at agore, posiemanggen meneba hilingik, nen, eisok he, fena posiemanggen mene, nen fenakwe re kweang tangge meneba misikwe seberogo hilingik mene yethegen andi noe.

ZAKHARIA 1:8

An neilenggen hugunem en he, malaikat ekhe kuda elokhe mep mene oroa'ma sagalirogo waga laga. Wagasik he, at a'nogo e murad salma fanggongma andoma kamo i wagunem higi. Nen, at ombo'ne re kuda fenakwe eil mep mene inom, elokhe yanggorek mene inom, mola mene inom miren mene hakhogo mendek were'ma higi.

WAHYU 19:11

Wene a'nogo yaganetesi'mo nen ombo'ne re, pogot healagunem wam enu kuda esi kut mene amboroba, ap ekhe enu re Hombunhogo igik. at ekhe re Eberogoat igik, agarek mene, hurek logolik, weim higithogo yafik, wene higithogo inoba figik, kotik, ilik nugunem yethigi o.

WAHYU 20:11

A'nogo higiri'mo nen, ombo'ne re, Allah kain welagarek oba obuluk hokho kut mene were'ma, at ebe andoma welaga higi. A'nogo were'ma pogot kweang mondogat at agaiserogo legasugun andi nen he, hobuk ineilenggen hogoin legat aga laga higi.

WAHYU 6:2

A'nogo ugunem, neilenggen yethigi hak he, ap ekhe sikhe waluk kware-kware ap inenupogot ikfisagarek mene unggul oba ikfagama, wam kuda esi mola kut mene amboroba hurek logolik, o sebeligeluk sebelik nugunem yethigi o.

WAHYU 6:8

Holhirik, yethigi hak he, wam kuda esi afuni wa'lasuogeluk inelokhonggen mola agarek andi hak mene nugunem yethigi o. Nen, inebe wa'lagaikharek andi ero, afuni hangge agasik he, wam andi amboroba oba hurek nikhi laga. A'nogo nugunem, at ombo'ne re, kweang a'ma pagarek andi, afuni hanggeat agasik he, emberek nugunem yerisigi. A'nogo nikhi logolik, afuni kweangma mene mondogat inebe enggaminogo oba nen minggilogo fisaluk, henagan oba inoati'lek herakfisaluk, ekhe nek afuni ekhe nen karok oba inoatunem wa'lagik, sumburu nele nen wa'lagik, ou ero hokho meneba wa'lagik, mene olomene inom, wam maro inom inaigen libilinafunem wa'lagik, ikhi logouwageluk eisewerek fisagama nugunem yerisigi o.