ZAKHARIA 6:14 - Allah Wene Fano Wene Hupla Inane

¹⁴ Mahkota andi An nailoba andoma fembik he Heldai faget inom, Tobia faget inom, Yedaya faget inom, Yosia faget inom inobaget ebeti logogun.

ZAKHARIA 6:14 ပူးပေါင်းရင်းမြစ်များ

2 RAJA-RAJA 25:18

At Nebuzaradan nen a'nogo waluk laga logolik, ap Allah eisewerek mene inoe kain enu Seraya ebe inom, leberisikhi lagaikhe mene enu Sefanya andi inom, ap inebe henagan mene Tuhan Awi wuri'mo kweba wulibik kwigik ugunem kagalek welagaukwa mene inom, ap inebe fuaben mene ap raja onggwarek endawinggen ago wati lagaukwa mene attak woginarek lagi'lek o kota welagaukwa mene inom, ap tentara inoe kain mene ebe inom, at awe a'ma mene it tentara inobaget lisu palhi lagaikhe mene inom, ap kaindek ekhe inebe 60 nen inom, inebe fakfisasikhe.

KELUARAN 12:14

A'nogo hinoati'lek herakhinobagagin andi nen, hiren he, Nineisena Tuhan nen he o yi sambulat ninoati'lek herakninobagasikhe iluk, An noba ebetnafi logolik, ninggi logogun mene attak-attak erora'no. A'nogo naluk he, hobuk tahun ebe lombok oba, hiren Pesta Paskah andi hakhogoat ninggi logoino ikhe, iluk yagaisano,” iluk Musa Harun emberek inoba yagaisasikhe.

KELUARAN 28:29

At Harun Allah awi wurik hore'ma a'nogo kwigiluk he, aren afuni inunggulenu Israel mene inenu amik sebelek mene a'nogoba hesesengge waganek mene a'nogo laberaluk kwikhi logogin. Andiba re, An Tuhan nen it nagainafuri andi eberisugu mondok logogin.

ZAKHARIA 6:10

Aren ikhi logolik he, ”It ap o Babel en yogondagat sugulogo wagaikha mene, hun Heldai inom, Tobia inom, Yedaya inom, inomen An nobaget faga mene andoma wanin o. Wanimbik he faga mene andoma re weak-weak o hun Zefanya amlogo Yosua aiba andoma waluk lan o.

ZAKHARIA 6:11

Iren faga mene emas inom perak inom andoma mene re makhota misik ekhe hilingisimbik he hun Yozadak amlogo Imam Agung andi ungguloba puget feino.

BILANGAN 16:40

Andi re ap Israel mene nen inendawinggen eberek logolik we it Harun ambisangma mene nek he Tuhan obaget amben engge dupa nolhi logogun oba nen ap amu mene re ekhe noli waga logogun lek iluk eberek logouwageluk hilingitukwa andi. Afuni wene melalek andi sagalogo hilingiti logogun halok he, it Korah inom agoromi at ombo'ne laga lagaukwa mene inom legetfisasikhe andi hak hilingfisagain. Andi mondogat he Tuhan nen wene melalogo Musa bene nen Eleazar yagatikhe mene higithogo nek hilingitikhe andi.

BILANGAN 31:54

A'nogo hilingitukwama re, Musa inom imam Eleazar inomen emas omanogo waluk he, Tuhan nen it inunggulenu Israel mene awe a'ma fetninarek logouwageluk Tuhan Awi Sabu sale'ma omanogo waluk lagaukwa.

MATIUS 26:13

Nane eberogoat yagahisak. He yi eberek logouwageluk afuni wene fano wene a'nogo, o yi awi ti awi yagaisilik nikhi logolik he, ’He andi yi'nogo hilingitikhe,’ iluk abok fano ikhi logogun o,” iluk yagaisasikhe.

MARKUS 14:9

Nane eberogoat yagahisak. He yi oba eberek logouwageluk he, afuni nen wene fano wene a'nogo o yi awi ti awi yagaisilik nikhi logolik he: He andi nen yi'nogo hilingitikhe, iluk abok fano ikhi logogun,” iluk yagaisasikhe.

KISAH PARA RASUL 10:4

Yagatikhemo, at Kornelius eilenggen at oba lurogo fikhi logolik, ailo agaikhesik he, ”I, noe. Nenahalok,” iluk isikhemo, aren he, ”Hat samban igik, afuni inenggi lek inelagaik mene leberisigik, ikhi lagen andi re, Allah elu agasik hoba eberek werego.

YOSUA 4:7

yi'nogo yagaisikhi logoino: O endamat, niren nineisena Allah nen Peti Wene Warogo wo'ninafikhe iluk hilingik a'nogo waluk wulibi wagunem, i Yordan yaga'lagaikhesik firok isikhemo, waluk wulibi wagagu mene o, iluk yagaisikhi logoino. Wene andi, it afuni nen hinedawimo ebethisikhi logou hak, helep andi nen, Allah nen ti'nogo hilingitikhe iluk hit afuni Israel mene hinendawimo ebethisikhi logogin o,” iluk yagaisasikhe.

1 SAMUEL 2:30

An hit afuni Israel hineisena Tuhan Allah nen attagat wene wathisikhi logolik: Hit hinagainafuri inom, iren tagomangge mene inom, inebe An eisewerek a'luk mondok logogun o, iluk wene warisasigi andi. A'nogo meneat he, afuni An agaugwetnabugun mene halok An nen it agaugwerinafirek, nen inendawimo seramet nobagagu mene halok An nen seramet fisigiregat, andi nen he yogondak An nen wene warisasigi mene andi herakfisagain o.