ZAKHARIA 6:12 - Allah Wene Fano Wene Hupla Inane

¹² A'nogo hilingfembik he at yagati logolik, An Tuhan Nomame Mondok Hokho welagirek mene a'nogo nen ikhi logolik, ’Ap enu Asimit ikhi logogun mene andi nen he at ebe logogin huli andoma yi'nogo ti'nogo hilingiti logogin mene ambisangma fanorogo nek hilinglaga logogin o, nen aren he o Tuhan Awi a'nogo nekhengge wusigin.

ZAKHARIA 6:12 ပူးပေါင်းရင်းမြစ်များ

EZRA 3:10

It ap tukang omanogo nen Allah awi a'nogo wusuogeluk tik watunem a'nogo re, it imam-imam omanogo, inasu endakwe uan mene laberogo, inebe mondogat he, pinggong ane hokho mene a'nogo inenggim lombok wanhukwasik he inobalik lombok tegelik lagaukwa. A'nogo were'ma afuni inunggulenu Lewi mene ap Asaf en tagongge mene omanogo re andoma mendek logolik, abologet hugu mene magendek mene omanogo inebe lombok fisogo welagaukwaat. Fisogo logolik, attagat at Daud en, Wuni pinggong oba yi'nogo wati logogun, iluk isikhemo awene palek werek higithogoat, pinggong andi wati logolik, Tuhan fogeratukwa.

EZRA 3:8

Afuni Israel mene Yerusalem wagaukwasik oba nen, 1 tahun welagaukwasigen tahun ekheba, tugi it Israel mene inenggi wenati lagaukwa higithogo 2 meneba werek kwelek, o Tuhan Awi meisalhukwa mene a'nogo hobuk ambotkwe wusuogeluk attak-attak fakfesukwa. Fakfesukwa re, Sealtiel amlogo Zerubabel inom, Yosadak amlogo Yesua inom, emberek inagaila'lak inunggulenu misigat mene inom, imam mene inom, afuni Lewi mene inom, it afuni ekhe Babel woginarek lagaukwama welagaukwasigen, hobuk wagaukwa mene omanogo inebe mondogaren o wusugun mene a'nogo eroratukwa. Eroratu kwelek, it afuni Lewi mene fena inebe umur huli 20 tahun ambolkwe mene nen ferinarek logouwageluk menfisilik lagaukwa.

YESAYA 11:1

Raja Daud ambisangmangge mene re e mukfugu mene hak. Oba nen he, e ebe mukfugunem andimiba nen asimit suphogo lagaikherek andi higit hobuk Daud ambisangmangge mene nen raja ekhe weinam asigin o.

YESAYA 4:2

Linggene ekhe asi wesigin oba re Tuhan nen o kweang yiba yi mene ti mene yago mene fanot foumo re elokhe fano asigin. Linggene andi sambul he afuni Israel mene inagap telasigin mene re inagaiyek higik, inangge enggen ugu palugun mene faget wonoget fakhigik, ugun.

YESAYA 53:2

Tuhan endawimo anggikhi logolik At amingmingengge andi re e kweang amusu le'ma nen fulelogo lagaikherek hak lagauwak anggikherek. Niren at he fano pugun se'ma hogoin oba ekhe werek lek, nen nit ninamolo a'luk ninendawinggen wanu mene ogo ekhe werek legat.

YEREMIA 23:5

Tuhan nen ikhi logolik, ”Inenggi ekhe asi wesigin meneba re An nen ap raja misik ekhe mondok katokhogo hilingiterek mene hun Daud ambisangmangge mene menfagain o. Menfoumo re raja andi nen endawinggen kagalek logolik melalinafik, o kweang mondogat andomaba katokhogo mene nek hilingitik, eberogo mene nek hilingitik ikhi logogin.

YEREMIA 33:15

Andem higit he ap misik ekhe katokhogo hilingiti logogin mene ap Daud ambisangmangge mene re raja logouwageluk menfagain. Raja andi nen he o kweangma mondogat andoma katokhogo hilingitarek awene inom, eberogo hilingitarek awene inom enek hilingiti logogin.

YEHEZKIEL 41:1

Ap a'nogo nen an hondo'narek lagasik he senggelek tulem meneba andoma kwi laga, senggelek hokho mene Obalik Mondok Hore'ma a'nogo wo'narek laga. Lagasik, aren he o andoma abel elikwe yikwe inom tiang ninghogo liagaisogo wurik mene omanogo ilirengge walhikhe mene re fena-fana andoma uanhogo re tiga meter en hilingik welaga,

AMOS 9:11

Nineisena Tuhan nen a'nogo isikhesik ekhe mel ikhe: ”Nenggi ekhe horok asi wesigin meneba re, An nen Daud lego welagaikheba obali'mo kerajaan a'nogo legeisogo fagain. Yogondak kerajaan andi re o meisalogo pikherek hakhogo hilinglagama werek. Oba nen he, o hobat andoma An nen obalikwe pugunesimbik nekhengge wusumo re, o andi obabut he attak welagaikhe hagat hilingik logogin.

ZAKHARIA 13:7

Tuhan Omame Mondok Hokho mene a'nogo nen ikhi logolik, ”Hat karok yi menlasimbik he, gembala An nobaget yabu hilingiri'lago mene ari wasin o! Wat foumo re domba omanogo mondogat tel-fol uak. Oba nen he An pi wesimbik wam domba eagwi andoma koninafu logolik, ferinarek logogin.

ZAKHARIA 3:8

Imam Agung Yosua ao, hesanggo holin o. Nen hit at agaila'lak imam welagep mene andoma ogo, hit he o hobuk andoma fanorogo logogun mene faget enegengge re hit welagep. Hobuk andem oba re An namingmingengge enu, ”Asimit,” andi lakfei wesigin.

ZAKHARIA 8:9

Tuhan nen At againafuri inoba ikhi logolik, ”Hinendawinggen wurikhogo logoni o! Yogondak he, o An Nawi ambotkwe wusugun mene ubule fogoin oba it nabi nen wene ugunem holhi lagagip mene a'nogo re yogondak ogo holhi lagebat andi.

MATIUS 16:18

Nen, ekhe inom yagahesik. Hat henu helep u hak Petrus o. Nen, helep isa yiba himbirogo re, an nagoromi andogorogo fisaluk o hak wurogo inobagagi halok he, at kweang a'ma eisewerek a'nogo nen ninghogo ferinarek logogin lego.

MATIUS 26:61

”At yi nenat, ”Allah awi andi meisalogo lakfembik he, obali'mo, hobuk nenggi pireba wuti logombigen ekheba arat wurep kobokhogo wusigin o, iluk isikhe mene,” isukwama re,

MARKUS 14:58

”At yi nen he, Allah awi afuni inenggi nen wutukwa mene yi, an nen meisalogo lakfagain o. Meisalogo lakfembik obali'mo re, afuni inenggi nen wusugun lek. We, hunogoat mene nenggi pireba wuti logombik, ekheba, arat wurep kobokhogo wusigin o, iluk nineilhanem ugunem ninesanggo holhugu o,” iluk isukwa meneat he,

MARKUS 15:29

A'nogo menfisasukwama were'ma, afuni kwe andikwe lagik, wagik, ikhi logolik Yesus mel yagati lagaukwa: ”Aha! Haren he, mel isigin anggigi: Allah awi wurik yi meisalogo fembik he, nenggi pireba wuti logombigen ekheba re, arat katokhogo wusigin, iluk isigin a'nogo re, honggwarek hebe e ariba nen telogo pime o!” iluk inunggul kwanithikhi logolik inane asegen wokhikhi lagaukwa.

MARKUS 15:39

Yesus a'nogo wa'lagunem he, it ap tentara mene inoe kain mene Yesus elokhoma higithogo logolik, a'nogo wa'lagunem eilenggen hasikhesik he, mel yagaisasikhe: ”Ap yi eberogoat Allah amlogo higi o,” iluk yagaisasikhe.

LUKAS 1:78

Nineisena Allah obabut fano nen endawitninafikhesik, o hil lakfei wagarek andi hak, ninoba lakfei waga logolik,

YOHANES 1:45

Ombo'ne laga logolik, at Filipus a'nogo hobuk ap Nataniel emberek ambi agaukwasik mel yagatikhe: ”Nataniel. At Musa nen wene Allah nen komotninafikhe wene a'nogoba, ap ekhe abok ikhi logolik lisu palhik, nen, it ap Allah ane yagaisikhi lagaukwa mene omanogo nen abok ikhi logolik lisu palhik, isukwa mene a'nogo nit arat ninom ambi ago. At ebe re, Yusuf amlogo o Nasaret mene, enu Yesus aro,” iluk yagatikhe meneat he,

YOHANES 19:5

at Yesus alok mene kware-kware hak a'nogo ungguloba puksegengge, asu elokhonggen kibi-kibi warek hangge a'nogo uguat, wulibi wagaikhemo, at Pilatus nen he, ”Ap ari hineilenggen yet hani!” iluk yagaisasikhemo,

KISAH PARA RASUL 13:38

Nerugwi nagaila'lak. Wene yi hinelurogo logoino o. At Yesus Allah nen a'nogo eluget fesikhe andiba, hit weak hilingiti lagep mene andi, aren sebelogo legetfisoageluk yagahisikhi lago andi.

1 KORINTUS 3:9

Hit hinebe andi Allah eabu hak were'ma re, nit nemberegen Allah wokfisikhi lago. Ekhe re, hinebe Allah awi hak were'ma re, nemberegen Allah awi wurogo fisikhi lagoat.

IBRANI 10:12

A'nogo meneat he, at Kristus enek he, nit afuni weak hilingitorek mene faget enggi misigam wa'laga logolik, ebe mondok-mondok Allah wogetikhesik, era'lu enggi ebekwe hu'lasi lagaikhesik kain welagarek andi.

IBRANI 7:24

A'nogo meneat he, at Yesus enek he, Allah eisewerek eluk mondok logogin andi nen he, Allah nen, it afuni ekhe at obali'mo menfisagain lego. We, at amuat mondok logogin o.

IBRANI 7:4

Nit afuni Israel mene ninambu Abraham en weim andi yafi logolik, yi mene ti mene hugul wanhikhe mene enggi wenagaisogo fenakwe minggilogo 10 nen lagai wagaikhe mene, Allah faget fisasikhesik, at Melkisedek wogetikhe andi nen he, nit ninendawimo nen, ”At Melkisedek andi ebe kain mondok,” iluk anggogoin andi hani!

IBRANI 8:3

It ap Allah eisewerek inogogwi kaindek inebe lombok menfisagarek andi re, yi mene ti mene Allah wogetik, inanggo waretik, ikhi logouwageluk menfisagarek andi hak, nit ninoe kain Allah eisewerek andi re, yi mene ti mene ekhe nit faget Allah wogosuageluk werego.