ZAKHARIA 5:3 - Allah Wene Fano Wene Hupla Inane

³ Iluk yagatimo, aren an noba yaganeti logolik, ”Buku andiba re o kweang yiba homan ugu werek mene faget palek werego. Nen, abel fena fikhit he afuni yogot wanharek mene inebe mondogat he o kweang yiba nen mugusogo wulakfisagain mene faget palek werek, nen, endenogo abel fena fikhit he afuni yugunat hombuk pali'lagwi mene re mugisogo wulakfisagain mene faget palek werek.

ZAKHARIA 5:3 ပူးပေါင်းရင်းမြစ်များ

KELUARAN 20:15

Yogot wanhubo.

AMSAL 29:24

Ap inenggi abisak wanharek mene inom seberogo hilingiri'lagwi mene andi re, it inonggwarek inebe inabiren hilingiri'lagwi. Nen aren pilingitunem higithogo fagetu halok he at unggum oba fogoin. Oba nen aren ane legat logogin halok he Allah nen homan oba fagain.

AMSAL 3:33

Ap weak hilingitarek mene inaiba re Tuhan nen homan ikfisikherek, oba nen, ap At oba lombokhogo welagaikharek mene inaiba re fanot fisikherek.

AMSAL 30:9

Nen an nenggi werek agi halok he, an nen ikhi logolik, an he, Hat ninom hundik logou re nabit igi hanogo. Nen an nenggi lek mene agi halok he, an nen afuni inangge hinasumo nen he Hat henu sebelogo figi hanogo o,” iluk isikhe.

YESAYA 24:6

Iren a'nogo hilingiri'lagwi andiba re Tuhan nen kweang oba homan fikhi logolik, afuni unggum wogisagain. It mondogat alperelinafi logolik, we endebengge nek inagap telogo fisagain.

YESAYA 43:28

ap An eisewerek mene nen An nawi wuri'mo omanogo emerogo figik isukwa andi. Ma re, hit afuni Israel mene it ekhe nen inendawimo seramet hinobagauwagaluk inenggiba hinobagagik, hit Yakub en tagomangge mene yi hinebe mondok legethinabuageluk herakhinobagagik, igin andi o,” iluk ikhe.

YESAYA 48:1

Hit ap Yakub en tagomangge mene yi sani, nen Yehuda nen tagomangge meneba nen hunggulenu Israel mene salogo welagen mene yi inom he hinesanggo fanorogo holini o. Hane nen he At Allah re Israel mene ineisena iluk ikhi lagen, nen Tuhan enuba hombuk palhi lagenat. Meneat he hat hane ikhi lagen mene andoma re eberogo ikhi lagen lego.

YEREMIA 23:10

Nit ninanggweang oba oma re afuni Tuhan oba tiphogo hilingiri'lagwi lek mene nek hokhorogo werek. It he inobaharo mene omanogo nek hilingitu logolik inomame a'luk logouwageluk menfisugu mene omanogoba we kwanirogo yugunat hilingiri'lagwi. Tuhan nen homan ikfisugunem he engga o leimo omanogo mondogat pukliok ugunem he, o kweang yi nogo mondogat fong watu werek.

YEREMIA 26:6

Hiren we hinendawinggen omamerek aple omanogo nek hilingiti logogun halok he, o wene kabogeti logolik, An nobaget hilingiti lagep oba ari re An nen o Silo hilingfesigi hakhogo hilingfagain o. Ma re yi afuni ti afuni inunggulenu lombok kweangma welagaikharek inaben he o Yerusalem enu igisogo homan fisikhi logogun,” ikhe.

YEREMIA 5:2

Iren ikhi logolik nit he Tuhan obaget apne wanhi lago iluk ili'lagwi, oba nen iren a'nogo hilingiti logoligen he fuk.

YEREMIA 7:9

Hiren he ap inangge hinatik, ap watik, babi lagik, hineranhogo wene igik, Baal oba warogo wogetik, nen dewa hit hinonggot mene omanogo apne wanhik, hilingiti lagep.

YEHEZKIEL 2:9

A'nogo yaganetemo neilenggen yethasigi re, enggimo suesingga yinggilik mene fisogo logolik noba pisarogo lakfei wagunem higi.

DANIEL 9:11

Nit afuni Israel mene mondogaren he, Haren, Yi'nogo hilingiti logoino, ti'nogo hilingiti logoino, iluk komotninafigin wene andi ninesanggo hologo hilingiti'lek herakfisaluk, hunogo mene hilingiti lagagu o. Hat hane sagalogo weak hilingiti lagagumo, Haren he, Homan hinobagagin o, iluk hombuk palogo yaganisasigin mene andi hamingmingengge Musa nen lisu palogo fesikhe mene a'nogo ninoba fegenma o.

HOSEA 4:2

Iren hilingiti logogun anggaluk hombuk pali'lagwi oba nen, ili'lagwi mene higithogo hilingiri'lagwi mondok lek, it he ineranen wene igik, ap inoatik, yogot wanhik, pabi lagik, hilingitunem weak mene omanogo ekhe inom hilinglarik laga logolik, ap watu aple nek ekhe inom inoarik lagu mondok werek.

IMAMAT 19:11

Yogot wanhik, lalinafik, hineranen wene yagaisigik, ikhi logogun lego.

IMAMAT 19:12

Hineisena Tuhan Allah re, An nebe aro. Ma re An nenu weagasu hak andi nen he, hiren afuni yi mene ti mene abok yagaisikhi logolik, hinendawimo nen, Wogosigin lek, iluk anggikhi logolik halok, An nenu hombuk palogo abok yagaisogoin lego.

AMOS 3:10

Tuhan nen a'nogo ikhesik, ekhe mel ikheat: ”Afuni Samaria mene nen he, inawi fano mondok wuri'mo andoma yi mene ti mene weak hilinginafi logolik, telogo heligik, hugulengge wanhik, aga mene omanogoba mondok peterogo fakhaluk werego. A'nogo logolik, inobabut higithogo hilingitu aplere mondok inonggot werek.

ZAKHARIA 5:4

Tuhan Omame Mondok Hokho welagarek mene a'nogo nen ikhi logolik he, homan inoba asigin mene andi re it afuni yogot wili'lagwi mene inawi wurik lombok ebene inom, nen hesangge hombuk pali'lagwi mene inawi lombok inom andoma lakfei wesigin. Inawi andoma re, homan inoba fugu were'ma nek he o wurik mene omanogo wolelenggen tagalogo kaboksek logogin,” iluk yaganetunem higi.

ZAKHARIA 8:17

Hit hinagaila'lak inoba weak mene hilingfisogoin iluk inabok palu fuk. Nen, hineranhogo hinane nen lalogo hombuk palu fugat. An he, ineranhogo wene agarek mene inom tiphogo hilingitarek lek mene inom, ina'mageba hilingfisagarek mene inom andoma re nabit inoba fisikhi lagi o,” iluk yagaisugunem holhi.

MALEAKHI 3:5

At Tuhan Omame Mondok Hokho mene a'nogo nen ikhi logolik, ”An hobuk wesigin andi re hit wene hinoba figik kotik igiluk wesigin o. An he afuni hareise higirinafarek mene inom, pailak hilingitarek mene inom, ineranhogo wene fagetharek mene inom, ap yabu hilingitu mene faget onggo wogisikhi logolik henarogo hilingitarek mene inom, nen, hemi sogwe hea, yenggerugwi suarek mene hea, afuni pok mene hea inenggi omameba sebelinarek welagaikharek mene inom, it afuni An agaugwet nobagagi'lek hilingitarek mene inom mondogat ineilhanem it hilingiri'lagwi mene andoma An neilenggen kwelaginarek logogin nen. weak-weak wesigin o,” iluk yagaisasikhe.

MALEAKHI 4:6

Andi re, An hobuk waga logolik o hit welagep oba andoma nen weagethinabi wagi hanogoluk, at Elia nen ap inesugwi inom, inagainafuri inom inendawinggen misik sebe iluk logouwageluk hilinginabi wesigin andi,” iluk yagaisasikhe.

MATIUS 25:41

Nen, it nenggi harekwe fisagain mene andi mel yagaisagain: An neisena nen hit homan hinobagaikhe mene yi ri! An sumburu nele were'ma, hiren mela'neti'lek, i nele were'ma, hiren wo'neti'lek, ap pok were'ma hiren wo'nafi'lek, su laberek lek were'ma hiren ekhe labetnobagagi'lek, ou warek were'ma inom, nenggi hele warek were'ma inom, nea lagi'lek hilingiti lagagibo. Halok he, an neisena nen, at Iblis agoromi inebe hokhorogo inom, endu aik hokhoma nagulagarek le'ma andoma logouwageluk inobalik halogo fisasikhemo andoma hela lani o, iluk yagaisagain.

LUKAS 21:35

paik sapna nen alperelogo waterek hak, an wene igi andi misigamat hilingiti logolik, afuni kweangma mene mondogat weagerinafi logolik, hit hinomat weaget hinabinogo iluk he, hinebe hebelogo logoino.

EFESUS 4:28

Hit ekhe nen yogot wanhi lagep mene halok, hobuk a'nogo wanhi'lek logolik, it inenggi lek mene leberisikhi logouwogeluk, hinonggwarek yabu hinenggi omamerogo wanhi logoino o.

1 TIMOTIUS 1:9

Eberogoat he, wene Allah nen komotninafikhe wene andi, afuni higithogo hilingitarek mene faget isikhe fuk. We, afuni komore'lek inesanggo holhi'lek hilingitarek mene inom, Allah inabit logolik weak hilingitarek mene inom, inebe Allah faget fisigi'lek Allah ane sebelogo hilingitarek mene inom, ineisena inagaisalak inebe mondok inoatarek mene inom, afuni ekhe hesanggeat inebe mondok inoatarek mene inom,

YAKOBUS 5:12

Nerugwi nagaila'lak. Wene ekhe esin mene yi yagahisak. Allah nen wene hinoba feinogo iluk he, hiren pogoroba mene ekhe enu hombuk palhik, kweangma mene ekhe enu hombuk palhik, hunogoat mene ekhe enu hombuk palhik, hombuk palhi logogubo. We, ”Io,” uogoluk halok he, tekhogo ”Ioat” ugun. Nen, ”Lego,” uogoluk halok he, tekhogo ”Lego,” ugun.

YAKOBUS 5:4

Hinagoromi hineranenat yabu hilingisuageluk inayonggo fuluk athe, inenggi onggo wogisigi'lek munenikhi lagep andi nen, iren he, ”Ninenggi onggo wo'nisawem!” iluk inane hokhorogo ili'lagwi andi holini! A'nogo hilingiti lagepma it inane andi ninoe Enupogot omame hokho a'nogo esanggo holhesik werego.

YOSUA 9:20

Niren wene mondogat watoma re inebe pinggi inoasuok lek, andi nen wene wato mene andi taganet foumo Allah nen nit wene ninoba feinogo.

WAHYU 21:8

A'nogo meneat he, it afuni ekhe inailo werek mene inom, Allah ane wanharesigen herakfisagarek mene inom, Allah abit mene hilingitarek mene inom, afuni inoatarek mene inom, pailak fakfisigik, fakfisoageluk hilingitik, agarek mene inom, wesagun anggwelek inoatarek mene inom, tugwi kembu oba himbirik logolik, fogeratarek mene inom, ineranen agarek mene mondogat inom, i laut endu mene yenggelek were'ma, hendali al hangge amben weak mene enu belerang inom amulok nunggu mondok welagare'ma andoma lakfisagain o. Lakfisagain andi re, inebe attak elama faget wa'lasimbigen hobuk wa'lasugun andi aro,” iluk yaganete.

WAHYU 22:15

A'nogo meneat he, it afuni ekhe weak inabit mene hilingitarek mene inom, it wesagun anggwelek inoatarek mene inom, it pailak hilingitik, fakfisoageluk hilingitik, agarek mene inom, it afuni inoatarek mene inom, it inendawinggen tugwi kembu oba himbirik logolik fogeratarek mene inom, it inambeba nen lalinafik, yi mene ti mene hilingiti logolik, lalinafik, agarek mene inebe lombok inom, mondogat o kota andi abel endakwe logogun o,” iluk yaganete.