ZAKHARIA 4:9 - Allah Wene Fano Wene Hupla Inane

⁹ yi'nogo ikhe, ”At Zerubabel en he, an nawi a'nogo ubule fikhe, nen, aren he, o andi mondogat wusigin. Nen, andi eberogo agu halok he, An Nagainafuri nen he hat Zakharia re An nen lakfei wagama iluk inelu asugun.

ZAKHARIA 4:9 ပူးပေါင်းရင်းမြစ်များ

EZRA 5:16

A'nogo ikhemo re, at Sesbazar a'nogo o Yerusalem yoma wagasik he o Tuhan Awi ari faget helep ubule fei waga. A'nogo fei waga huli andi nen yogondak huli wutu mondok welagoba nen he, oan welagoat ari o,” iluk aga.

YESAYA 48:16

An nera'lu horokhogo we'luk he nane igin mene fanorogo holin o, o attagenat An nane ikhi logolik weinam fakhogo nek igirek, An nane ikhi lagi mene andoma mondogat he tiphogo nek hilinglagarego,” iluk ikhe isikhe. Yogondak he Tuhan Allah nen an laknobagakhi logolik, At onggwarek omame a'nogo an wo'nete.

HAGAI 2:18

O yogondak linggene yi re, tanggal dua puluh empat tugi sogo meneba werek kwelek, An nawi ubule fugu mene mondogat fegep! Enggere yogondak huli yi nen hilinglaga logogin mene andi futfikhi logoino o.

ZAKHARIA 1:16

Yogondak he, An nebe nambotkwe o Yerusalem sugulogo lambik o kota andiba inagap telogo fisa lagain o. An nawi a'nogo nekhengge wusimbik he o kota Yerusalem andi hobuk ambotkwe fanorogo wusugun o,” iluk yaganete.

ZAKHARIA 2:11

Hinenggi andem oba re, afuni inunggulenu hokhorogo Tuhan ambit At againafuri mene asugun iluk waga logogun. Nen, At ebe hit hinanggele'ma were'ma, an he At Tuhan nen hit hinoba laknobagai wagama iluk hinelu asugun o.

ZAKHARIA 2:13

Nineisena Tuhan o pogoroba ebe welagarek oba omanogo nen arat weri'lago andi nen he hit hinebe mondogat he At Elokhoma hinabolok lek logoni o.

ZAKHARIA 4:8

Andi nen Tuhan nen wene ekhe yagaisoageluk an noba lakfei waga logolik,

ZAKHARIA 6:15

Afuni re inebe o yat-patkwe nen we'luk An nawi andi wutunem leberisa waga logogun. Nen, o andi mondogat wusugun halok he, An Tuhan Nomame welagirek mene a'nogo nen hat it inoba lakhobagai wagi mene andi inelu asugun. Andoma mondogat he, iren An ineisena Tuhan Allah nawene melalek andoma fi-furogo futfuluk hilingitu halok enek he a'nogo hilinglasigin o,” iluk yaganetunem higi.

MATIUS 16:18

Nen, ekhe inom yagahesik. Hat henu helep u hak Petrus o. Nen, helep isa yiba himbirogo re, an nagoromi andogorogo fisaluk o hak wurogo inobagagi halok he, at kweang a'ma eisewerek a'nogo nen ninghogo ferinarek logogin lego.

YOHANES 17:21

Neisena, An nen kino yagaheti lagi yi re, mel iluk. An nen neisena hat nemberek hundik, nen, neisena haren an nemberek hundik welagorek andi hak, it a'nogoat inebe mondogat misigat logouwageluk kino yagaheti lagi o. A'nogo were'ma, it afuni kweangma mene nen ikhi logolik he, at andi re, eisena nenat eberogo nen lakfei wagaikhe higi, iluk futfouwageluk, it inebe nit ninom hundigat logouwogo.

YOHANES 3:17

Nen, an Allah amlogo kweangma yoma laknobagai wagaikhe andi re, yi afuni ti afuni wene inoba fuluk weagerinabuageluk laknobagai wagaikhe fuk. We, inebe telinabuageluk laknobagai wagaikhe o.

IBRANI 12:2

A'nogo laga logolik, omanggum ninendawinggen Yesus oba himbiret fouwageluk, arenat ninendawimo kagalhik, huli wurep oba fano katokhogo mondok asi loageluk, arenat kwelakninarek welagik, ikherek andi nen he, arat nit nineilenggen en waluk murok laga logouwogo. At endawimo nen he, ”Inenggali warogo inebe eba menfisaluk inoatarek andi hak, an a'nogo noasugun nenggali,” iluk anggigi'lek, we, ”An hobuk nendawimo nagaiyek anggagain,” iluk at ebe watu kwelek afe morogo wa'lagaikhesigen, hobuk eluk agaikhesik yogondak Allah kain welagarek oba andoma era'lu kainat werek.