ZAKHARIA 4:7 - Allah Wene Fano Wene Hupla Inane

⁷ Nen, hat helokhoma andoma tom hokho mene kwe palek logogin oba nen ogore, higilogo laga logogin o. An Nawi a'nogo re haren wusigin, harenat helep attak-attak mene ubule fagain sambul andi re afuni nen ikhi logolik, ’Mondok fani-fanorek agi!’ ikhi logogun.” iluk yaganetunem higi.

ZAKHARIA 4:7 ပူးပေါင်းရင်းမြစ်များ

EZRA 3:10

It ap tukang omanogo nen Allah awi a'nogo wusuogeluk tik watunem a'nogo re, it imam-imam omanogo, inasu endakwe uan mene laberogo, inebe mondogat he, pinggong ane hokho mene a'nogo inenggim lombok wanhukwasik he inobalik lombok tegelik lagaukwa. A'nogo were'ma afuni inunggulenu Lewi mene ap Asaf en tagongge mene omanogo re andoma mendek logolik, abologet hugu mene magendek mene omanogo inebe lombok fisogo welagaukwaat. Fisogo logolik, attagat at Daud en, Wuni pinggong oba yi'nogo wati logogun, iluk isikhemo awene palek werek higithogoat, pinggong andi wati logolik, Tuhan fogeratukwa.

MAZMUR 114:4

No kambing en hilingiterek hak o tom-tom omanogo nen mulugetik, domba eak en hilingiterek hak punu-punu omanogo holombokhogo lagagik pigik hilingiti lagaukwa.

MAZMUR 114:6

Nenahalok hit tom-tom oma muluk mulugenggeti logolik welagep? Nen nena mene weregen hit punu-punu oma re holombokhogo lagagik pigik hilingiti lagep nogo?

MAZMUR 118:22

It ap o helep meneba wuti logolik, helep yi weago, iluk herakfisaga mene a'nogo, obuleat ya'laga o.

MAZMUR 84:11

Nineisena Tuhan Allah, hawe a'ma fetninarek welagendek mene, nit hagainafuri ninebe hendawi nen, fano mene wo'nisigik, agaugwet ninafik, hilingninafi lagen. It afuni weak hilingiti'lek tegelek logolik hoba we'luk, fano mene kino yagahetunem, ”Wokhisagain nabit,” ikhi lagen lek. O ekhe amumo yoma, ninenggi seribu oba logogun andi weak mene re, ninenggi misik oba Hat hawi wuri'mo andoma logogun andi nek he esin mondogo. It afuni weak hilingitarek mene, inaiba welagi'lek, neisena Allah hawi wuri'mo, kweba kagalek logogun andi mondok esin andi nen he, an nen wenakhigi andi o.

YESAYA 28:16

A'nogo anggikhi lagep andi nen he, Tuhan Omame Mondok Hokho mene a'nogo nen yi'nogo ikhe, ”An nen he helep ubule mondok omame mene hambuk lele warogo o Sion oba andoma fagain o. Helep misik andi ebere omame mondok hokho mene ninghogo ubule warogo were'ma helep andiba lisu yi'nogo palek logogin: ’Hit afuni hinendawinggen at oba himbirik logogun mene re hinenggali hogoin lego,’ iluk palogo foumo logogin.

YESAYA 41:15

Yethan, hat hebe re An nen e gandum enggen perelharek mene re, ebe ket mene enggat werelek kabuk hilingi'mo, aik pire erarek mene hangge hilinghobagaumo re, Haren he tom-tom andoma perelik laluk wolelenggen isikhi logogin o, punukwe andoma haren afulfulengge hakhogo furogo leget fisikhi logogin.

YEREMIA 33:11

Oba nen he o andoma bene re inane inagaiyekhogo agarek mene inom, inamolorogo agarek mene inom, afuni iginafi logolik inane agarek mene inom, holhi logogun. Nen afuni nen An nobaget hai warogo noba waluk lagu mene iluk inangge fugu mene waluk laga logolik wuni ugu mene ogore inesanggo holhi logogunat. Iren ikhi logolik, ”Tuhan Omame Mondok Hokho mene andi oba hai wasuok, At mondok fano logolik endawi hundik oba nek hilinginaferek mene andi re etok mondok logogin mene hilingi'mo re oba hai wasuogo ikhi logogun. O kweang yiba re An nen attak hilingik welaga hak sik-pikhogo hilingfagain o. Iluk An Tuhan nen nane mondogat igi,” ikhe.

YEREMIA 51:25

Babel hat hebe re tom eil nagulogo waga logolik o kweangma mondogat wolelenggenhogo fikherek hak hilingik welagen. Oba nen hat he, An Tuhan nemberek walhogoin. An nen he, nenggi pisarogo lithea wesimbik he, tom helep unggul oba nen limbil habi wesumo re endu nen nambik wul asuageluk herakhobagagin.

MIKHA 1:4

A'nogo pi waga logolik tom unggul andoma At eisogen sebelik wagunem he, hendali endu amulogen nunggunem lebelek agarek andi hak hilinglagik. Nen i tom oba nen wilipluk lagarek hak kweang he mesagen waluk o tonggokwe pi lagik, ikherek.

MIKHA 4:1

O hobuk logogun oba andoma re, punu amu-amukwe andoma sebelek hak werek kwelek, punu Tuhan awi wuri'mo andi nek he, mondok mitmorengge andom wolonghogo liabek logogin. A'nogo wolongse'ma re afuni inunggulenu lombok he, andoma uluk-uluk waga logogun.

HABAKUK 3:6

Hebe menlasi wagunem he, kweang abolok igik, heilenggen nayo hayo ugunem he, afuni inunggulenu lombok inoagelekwe leigetik, agarek. Tom isa attagaren etok mondok welagarek mene omanogo re sunuk-sanakhogo lobaget figik, punukwe inom, alokwe inom, o endamaren werek mene omanogo wolelenggenhogo legetfigik ikhi lagen, Hat o attagaren heisok filik-filik nikhi lagen kwe mondogat tamuk-tamakhogo lobaget figik, hilingiti lagen andi.

ZAKHARIA 4:8

Andi nen Tuhan nen wene ekhe yagaisoageluk an noba lakfei waga logolik,

ZAKHARIA 4:9

yi'nogo ikhe, ”At Zerubabel en he, an nawi a'nogo ubule fikhe, nen, aren he, o andi mondogat wusigin. Nen, andi eberogo agu halok he, An Nagainafuri nen he hat Zakharia re An nen lakfei wagama iluk inelu asugun.

MATIUS 21:21

at Yesus nen he, ”Wene eberogoat yagahisak. An nen e ara yi hilingiti hak, hiren a'nogo hilingisugunat mene re, andi nek hilingisugun fuk. Hinendawinggen menenei uan horok ebeti'lek, we hinendawinggen Allahba eberogoat himbiret fembik, hiren he, tom yi yoma nen sanokhogo i laut yenggele'ma a'lima pokhogo lan o, iluk yagatep halok he, hilinglasigin aro.

MATIUS 21:42

A'nogo yagatukwama, at Yesus nen he, ”Hiren, Allah ane yi'nogo lisu palogo fesukwama enu salhi'lek welagep nogo? Iren he, It ap tukang o helep meneba wutarek mene nen o ebe wuti logolik, Helep yi weak, iluk herakfisasukwa mene andi obuleat ya'lagama o. A'nogo hilinglaga andi re, nineisena Allah Enupogot enat hilingite o, iluk nineilenggen hogosik he, Ohuk! iluk fogerati lago, iluk lisu palogo fesukwa mene andi enu salhi lagep lek nogo? Enu salhi lagebaro.

MARKUS 12:10

Hiren Allah ane lisu yi'nogo palogo fesukwama enu salhi'lek welagagip nogo? Iren he: It ap tukang helep oba wutarek mene nen o ebe wuti logolik he, ”Helep yi weak,” iluk herakfisasukwa mene andi obuleat ya'lagama o.

LUKAS 20:17

at Yesus ebe hebekhogo it omanogo eilenggen yerisasikhesik he, mel yagaisasikhe: ”It ap ekhe nen lisu palogo fikhi logolik he, It ap tukang o helep meneba wutarek mene nen, o ebe wuti logolik he, Helep yi weak, iluk herakfisasukwa mene andi ubuleat ya'lagama o, iluk lisu palogo fesukwa andi nenangge faget isukwa anggegep?

LUKAS 3:5

Tonggoma halok, legeisogo higiret figik, tom inom, punu inom halok, tamukhogo higiret figik, kwe kwanirek mene halok, higiret figik, sirek-harek halok, enagaisogo higiret figik, ikhi logoni o.

KISAH PARA RASUL 4:11

Attagat Allah aneba lisu mel iluk palogo fesukwa: Hit o helep mene wuti logolik, Helep yi weago, iluk herakfisegep meneat he, ubuleat ya'laga yi, iluk Yesus fagerat, lisu palogo fesukwa andi.

ROMA 11:6

It afuni nen fano ekhe hilingitukwaba, Allah nen inobabut palogo wenaginabilepma re, at obabut fano nen wenaginafikhe iluk ugun lek andi nen he, iren fano ekhe hilingitukwaba Allah nen inobabut palogo wenaginafikhe fuk. We, at obabut fano nen wenaginafikhe andi.

EFESUS 2:20

At Kristus Yesus ebe o tik esin hangge warek were'ma re, it ap aren inayonggo fuluk lakfisasikhe mene omanogo inom, it ap Allah ane yagaisili'lagwi mene omanogo inomen, oba loukhogo wuti lagaukwama re, hit hinebe niren oba loukhogo wurogo hinobagasugumo welagebo.

1 PETRUS 2:7

Hit hinendawinggen at oba eberogoat himbirik werek mene nen he, ”At fano mondok,” iluk futfikhi lagep andi. Meneat he, it ekhe inendawinggen at oba himbiret figi'lek mene faget enek he, mel isikhe: ”It ap tukang o helep mene wutarek mene nen, o ebe wuti logolik he, Helep yi weak, iluk herakfisasukwa mene andi obuleat ya'lagama o,” iluk isikhe.

WAHYU 16:20

Nen, i kweang enggen kwe mondogat inom, tom mondogat inom, legagik,