ZAKHARIA 3:7 - Allah Wene Fano Wene Hupla Inane

⁷ ”Haren ambi An nawene melalek a'nogo higithogo hilingitik, nen haren yabu hilingisuageluk An nen menhobagagi mene andi hilingitik, ikhi logogin halok he, hobuk mondok-mondok andoma ogo hat he An nawi elonggoma andoma faget melalhu mene logolik elokhoma andomaat halhi logogin o. Nen haren samban ugu mene re it malaikat An nebe horokhogo welagaikharek mene nen samban ugunem holhirek higithogoat haren ugu mene ogore hane holhi logogin aro.

ZAKHARIA 3:7 ပူးပေါင်းရင်းမြစ်များ

1RAJA-RAJA 2:3

Tuhan nen yaganisasikhe mene andiat higithogo hilingiti logoino o. Hat he, we, o koma laluk, yi mene ti mene hilingitunem elok enek aga logouwagaluk, wene Allah nen, yi'nogo hilingiti logoino, ti'nogo hilingiti logoino, iluk wene isa hilingisogo komotninafikhe wene, Musa nen lisu palogo fesikhe mene a'nogo hologo higithogo hilingiti logoino o.

1RAJA-RAJA 3:14

Nen, haren heisena Daud hilingiti lagaikhe hak, An nen, nane, yi'nogo hilingi'no, ti'nogo hilingi'no, iluk yagahisasigi mene andi hologo hilingiti logogin halok, hebe umur uanhogo logoinogoluk hilinghabigin aro,” iluk yagatikhe.

1 TAWARIKH 23:32

Ekhe it yabu wogisikhi logolik he, Tuhan Awi sabu a'nogo halhik, Tuhan Awi wurik a'nogo halhik, it inagaila'lak hun Harun ambisangma mene a'nogo Tuhan obaget wene kabogeti logolik hilingitunem leberisigik, hilingiti logogun o,” iluk isikhe.

YESAYA 62:9

Oba nen he, hiren enggen taganogo kaboge'luk ninggi logolik Tuhan fogerati logogun, nen hiren anggur enggen taganhi logolik, hobuk ninggi logogun mene ogo re, An naiba obalik enekhogo hilingi'mo elokhoma omanogo nen ninggi logogun o,” iluk ikhe.

YEHEZKIEL 44:8

It he inonggwarek inamu nen An nawi wuri'mo hore'ma andoma wene kabogeti logolik hilingiti logou mene re iren yabu omanogo ap pok mene nen hilingisuageluk yagaisili'lagwi.

YEHEZKIEL 48:11

Kweang enogo fogoin oba andi re it imam Zadok againafuri tagomangge mene asugun. Iren Tuhan faget inamu nen hilingiti logolik, it ap Lewi fena inunggulenu misik mene nen, it Israel mene fenakwe omanogo weak hilingitunem inom weak hilingiti lagaukwa omanogo hakhogo hilingiri'lagwi lek.

IMAMAT 10:3

Wa'lagaukwama at Musa nen Harun yagati logolik, ”Tuhan nen Afuni An nobaget hilingiti logogun mene halok he, An Nebe horek welagi mene a'nogo legeisogo nobagakhi logolik fogetnafi logogun, nen An nebe nanggiluk welagi mene a'nogo afuni An nagainafuri inunggulenu mene inoba inugisikhi logogin, iluk, Tuhan nen ikhe,” iluk Harun yagatikheba nen he, at ane igi'lek wamborek welagaikhe.

IMAMAT 8:35

At Tuhan nen yaganeti logolik he, hit linggene hinenggi 7 nen oba andem he hup hundik lingge hundik hit o sabu sale'ma solombon oba hilingiti'lek andem At Tuhan nen yagahisugu mene hilingiti logolik logogun. Nen, hiren a'nogo halok he hinebe mondok wa'lasugun o, iluk yaganete,” iluk yagaisasikhe.

ZAKHARIA 3:6

A'nogo hilingitunem higimo nen he hobuk malaikat a'nogo nen he Tuhan ane ikhe mene Yosuaba yagati logolik he, yi'nogo ikhi laga,

ZAKHARIA 4:14

A'nogo yagatimo aren ikhi logolik, ”Andem he, ap pire mene Tuhan o pogot kweang elalhikhe agun a'nogo nen At obaget hilingiti logouwageluk enogo menfisasikhe mene aremnogo re andem o,” iluk yaganetunem higi.

ZAKHARIA 6:15

Afuni re inebe o yat-patkwe nen we'luk An nawi andi wutunem leberisa waga logogun. Nen, o andi mondogat wusugun halok he, An Tuhan Nomame welagirek mene a'nogo nen hat it inoba lakhobagai wagi mene andi inelu asugun. Andoma mondogat he, iren An ineisena Tuhan Allah nawene melalek andoma fi-furogo futfuluk hilingitu halok enek he a'nogo hilinglasigin o,” iluk yaganetunem higi.

ZAKHARIA 6:5

aren onggo yaganeti logolik, ”It he Tuhan pogot kweang elalhikhe mene a'nogo inom ambi agaikhasik he o kweangma yoma unggut enggaminogo aremnogo higithogo lili'lagwi ari o,” iluk yaganete.

MATIUS 19:28

at Yesus nen he, ”An nen eberogoat yagahisak. Hit an nombo'ne nikhi lagep mene yi re, yi mene ti mene Allah nen hobuk ket hunogoat hilingisumo nen, an abat ta'lasi wagagi a'nogo hobuk wesimbik, foge'nafu kwelek, nobalik oba andoma kain were'ma, hit nera'lu andoma hinobalik 12 nen talek oba kainat logolik, afuni Israel mene inunggulenu 12 nen omanogo hiren wene inoba figik, kotik, ikhi logogun o.

YOHANES 14:2

An neisena awiba andoma, o hit logogun oba obalik hokhorogo selek werego. A'nogo lek logoilepma re, an o hit logogun oba tegeli lagain, iluk yagahisele lego.

WAHYU 3:21

An arat nomame agagimo, neisena kain welagarek mene obulu'mo nemberek welago yi hak, sa nen omame asigin halok, an kain welagirek nobulu'mo nemberek logouwogeluk menfagain o,