ZAKHARIA 3:4 - Allah Wene Fano Wene Hupla Inane

⁴ A'nogo were'ma at malaikat a'nogo nen he pogoroba at lebethagarek mene omanogo inoba yagaisikhi logolik, ”Ap yi nen asu sinduk weak laberek werek ari nonggologo hugisani o,” ikhesik he aren Yosua ba ikhi logolik, ”Hat haweak he an nen mondogat hugisigi o, nen hat he hasu ket mene laberanogen wokhesigin o,” iluk yagati laga.

ZAKHARIA 3:4 ပူးပေါင်းရင်းမြစ်များ

2 SAMUEL 12:13

A'nogo yagatikhemo, at Daud en Natan mel yagatikhe: ”An At Tuhan elokhoma mondok weagat hilingiti o,” iluk yagatikhe. Yagatikhemo, at Natan nen he, ”Hat weak hilingiten mene andi, Allah nen sagalogo herakfisikhemo re, hebe wa'lasigin lego.

1RAJA-RAJA 22:19

A'nogo yagatikhemo, at Mikha nen wene ekhe mel yagatikheat: ”At nineisena Tuhan ebe hurek welagarek oba takhta ba hurek were'ma, agoromi malaikat yonggo lakfisikherek mene omanogo re At era'lukwe omanogo mendek logolik were'ma isigi. Nen yogondak he At Tuhan ane ikhe mene re yi'nogo yi hinesanggo holini!

MAZMUR 51:9

An hobuk nebe horek mene logouwagaluk, sobalnabin o. An o anggup mola andi hangge logouwagaluk, fanorogo horogo nobagain o.

YESAYA 43:25

A'nogo hilingiti lagep meneat he, An Allah nobabut he, hiren weak hilingiti lagep mene andoma sagalogo leget hinobagambik, hobuk nendawimo ebethikhi logogin mondok lego.

YESAYA 44:22

Haren weak hilingiti lagen mene re An nen ohena hakhogo palogo lakfigik, Nen haweak hilingiti lagen mene re An nen ohena hikweak meneba nen hakhogo kwe palfigik igirek, An nen mondogat fikhalogo leget figi hilingi'mo re, hambotkwe sugulogo An noba eme o,” iluk ikhe isikhe.

YESAYA 52:1

Hat Yerusalem yi, heluk asimbik he menlame o! Hendawinggen hambuget fakhan! Hasu re halong werek mene laberan! Yerusalem kota tegelek mondok welagen mene yi re, hat hanggwe ambe palekwe andi nen afuni emerek mene ekhe kwi waga logogun mondok lego.

YESAYA 61:10

A'nogo ikhemo, it afuni Yerusalem mene nen mel aga: ”Nineisena Tuhan Allah fano hilingninabi'lago andi nen ninendawimo fano agik, ninagaiyegetik, ikhi lago. Ap inagagwi inom lomborinafi logolik, inalilingge fanorogo helagarek andi hak, Tuhan nen su labetarek hak ninagap telninabigin mene wo'nisigik, ninomame aga logouwagaluk hilingninafik, ikhe andi.

YESAYA 61:3

it afuni o Sion werek mene inendawimo heiselhu welagik, fong watu welagik agarek mene omanogo inoba, hobuk inendawimo inagaiyek hikhi logouwagaluk fanorinafik, ”Ninggi'nogo hilingisugun he,” iluk inobakheindok palagarek mene andi, inendawimo fanorinafunem Allah awuniba fogerati logogun wene yagaisigik, uagaluk laknobai waga aro. It a'nogo yagaisamo, inebe re e Tuhan onggwarek enggi nen awi yate mene hangge logogun. A'nogo logolik, fano hilingitik, higithogo hilingitik, ugunem, Tuhan mondok legeisogo fikhi logogun.

YEREMIA 52:33

At he, hele warogo logolik, asu laberek welagaikhe mene omanogo nonggologo herakfisaluk he, amu mene elok labesu hak welagaikhe, at ebe logolik andoma re, hun raja aiba omanogo sumburu ninggik, uang at ebe eluk logolik oba yi mene ti mene at endawimo amolo anggugu mene huniroageluk hundik-hundik wogetu mondok welagaikhe.

YEHEZKIEL 36:25

Andi mondogat hilingfuluk hit hinebe hinanggembu oba nen inom nen yi weak ti weak hilingutunem hinebe emethinobagaikhe mene andiba nen inom An nen i eil wurik meneba sobalhinabigin.

YEHEZKIEL 42:14

It imam ambi Tuhan awi wuri'mo andoma nen yabu mondogat hilingfuluk endakwe fikhit elokhoma andoma wulibi laluk halok he, su iren O Obalik Hore'ma andi yabu hilingiti logolik labetu mene omanogore nonggologo senggelek andomaba fikhi logogun. Andoma mondogat hilingfuluk enek he, it inasu amu mene laberaluk he afuni kabokse'ma inambit laga logogun o,” iluk yaganete.

MIKHA 7:18

Nineisena Allah, Hat hemberek higit mene ekhe werek lek, it hagainafuri fena werek mene inaweak hilingiri'lagwi mene omanogo haren sagalogo leget fisikhi lagen. Nen Hat he wene ninoba fuluk aninurogo welagen lek, oba nen hebekhogo re hendawi hundik hilingninafi lagen mene huli warek lek mene andiba hagaiyek ninoba fugu welagen.

MIKHA 7:19

Nineisena, hobugen ogo nit hendawi hundik hilingninafik, ninaweak sebelogo legetfisigik ninobagagik, ikhi logoino o. A'nogo hilingninafi logolik niren ninaweak hilingiti lago mene andoma, Hat heisogen sibil sebelisaluk he i laut yenggele'ma ma'lima hugisa pino o.

ZAKHARIA 3:1

Nabikanggoba ekhe amu mene higi re yi'nogo: Tuhan nen at Yosua Imam Agung a'nogo malaikat Tuhan elokhoma aremnogo mendek were'ma yethoageluk inuk niikhemo yethigi. Nen at Yosua fikhit he Iblis mendek logolik oba hikhibet hikhi laga.

ZAKHARIA 3:7

”Haren ambi An nawene melalek a'nogo higithogo hilingitik, nen haren yabu hilingisuageluk An nen menhobagagi mene andi hilingitik, ikhi logogin halok he, hobuk mondok-mondok andoma ogo hat he An nawi elonggoma andoma faget melalhu mene logolik elokhoma andomaat halhi logogin o. Nen haren samban ugu mene re it malaikat An nebe horokhogo welagaikharek mene nen samban ugunem holhirek higithogoat haren ugu mene ogore hane holhi logogin aro.

ZAKHARIA 3:9

An nen he Yosua elokhoma andem helep misik unggut 7 nen hilingik mene fembik An nen hesesengge waganogo lisu palfagain o. Nenggi misik oba re, An nen o kweang yiba inaweak werek mene andoma mondogat hugisagain o.

MATIUS 22:11

Arat peterogo kwisukwama re, at ap kain enupogot a'nogo eilenggen isageluk oloba kwisikhe re, ap misigat ekhe su hemi iginafi logolik seni isago nuogeluk itarek mene ugu lek were'ma eilenggen yethasikhesik he, mel yagatikhe:

LUKAS 1:19

at malaikat a'nogo nen he, ”An Allah eilhanem mendek welagirek mene nenu Gabriel andi re nebe an aro. Fano wene yi yagahesuageluk, at Allah nen yonggo laknobagai wagama wagi o.

LUKAS 15:22

A'nogo yagatikhe meneat he, at eisena a'nogo nen amingmingengge mene omanogo yagaisikhi logolik he, mel yagaisasikhe: Lambik he, su fano mene a'nogo waluk weak-weak labetfei wagik, senggan fano mene enggimo ikfei wagik, sepatu eiso'ma ikfei wagik, weak-weak ini o.

YOHANES 1:29

Wene a'nogo isukwasik, nogo iluk, ohealekwe, at Yesus Yohanes oba wagunem eilenggen yet hasikhesik he, wene mel yagaisasikhe: ”Allah anggo domba mene nit afuni kweangma weak hilingitorek mene korogo herakfisagain mene a'nogo waga a'li hineilenggen yethani.

ROMA 6:23

Weak hilingitarek andi onggo re, wa'lagaikharek andi. Nen, ninoe Enupogot Yesus Kristus ninom hundik were'ma re, Allah obabut fano nen onggo legat nineluk mondok logouwageluk hilingninaferek andi.

1 KORINTUS 6:11

Attak hit ekhe a'nogo hilingiti lagagip meneat he, yogondak he, Allah nen hinendawimo fano sobalogo hinobagaikhesik, hinebe at onggwarek faget fakhasikhemo welagebo. Wene hinoba welagaikhe mene andi, nineisena Allah Areagun nen ninoe Enupogot Yesus Kristus enuba, korogo wokhasikhesik Allah hinom hinambotkwe hunogo hinobagaikhemo welagebo.

2 KORINTUS 5:21

Nit Kristus ninom huneto halok, at Allah nen onggwarek ninom ninambotkwe hunogo ninobagauwageluk nit fagerat nit ninobabut weak hilingitorek mene andi, at Kristus weak hilingiti'lek mene oba fesikhe andi.

IBRANI 8:12

It weak hilingitarek mene andi, an nen sebelogo legetfisaluk, hobuk nendawimo eberek logogin lego,” iluk yagaisasikhemo lisu palek werek.

WAHYU 5:11

Endawi a'nogo watasik oba nen, hobuk ekhe yi'nogo yethigiat. At Allah kain welagarek oba obuluk a'nogo inom, it Allah nen elalinafikhemo ineluk welagaikharek mene omanogo inom, ap inaluendek omanogo inom, inom tulem werek kwelek, inera'lukwe yiling-waling he, it malaikat esa yi teng ti teng inenggi wenasu mondok elo'lek mene logolik inane hokhorogoat mel ikhi lagaikha:

WAHYU 7:14

Heinok a'nogo wo'niugunem, an nen he, ”Noe, an nonggot. Hat enek he, helu welagen o,” iluk yagatunem, aren he, mel yaganete: ”It afuni yoma re, o kweangma were'ma afuni ekhe nen yi enggin ti enggin hokhorogo hilinginafunem, Allah nen telinafikhemo, inasu Domba Eak amep oba arat kut mondok sobalaga mene o.