ZAKHARIA 3:10 - Allah Wene Fano Wene Hupla Inane

¹⁰ Nen, inenggi andi sambul asi wagu halok he, afuni inebe lombogen inagaila'lak inom horok-horokwe welagaikharek mene omanogo inayonggo fuluk it ineabu anggur yabukwe inom inagayo ara erokwe inom yagokwe tulem andoma inendawinggen siserogo yi enggin ti enggin higi'lek logolik welagaikharek mene andoma hikhi logouwageluk inayonggo fikhi logogun o.” iluk yaganetunem higi.

ZAKHARIA 3:10 ပူးပေါင်းရင်းမြစ်များ

1RAJA-RAJA 5:5

Tuhan nen an neisena Daud oba yagati logolik he, An nen hat hobali'mo hamlogo raja logouwageluk menfoumo aren An nobaget hilingiti logogun oba Nawi ekhe wusigin iluk, abok wene warete andi nen he, noe an Salomo nen o wusigin nen iluk, hilingiti lagi o.

YESAYA 32:18

Allah againafuri re enggin-fenggin meneba omanogo nen fikhalogo wilibimbik he liok layokhogo logolik inabolok lek mondok logogun.

YESAYA 36:16

Hiren raja Hizkia ane holhu lek! An noe raja Asyur mene nen ikhi logoik he, hit hinawi kota hinebe welagep kwe andoma herakfisaluk an nawe a'ma asi we'ni o. Hit a'nogo hilingisugun halok he hobuk hiren hinagayo anggur enggen hinonggwarek hineabumo nen ninggik, nen e arah enggen hinonggwarek hinagayo enggen mene ninggik, hinagai mogo hinonggwarek hinagai meneat hinagaisogo ninggik, ikhi logolik werek kwelek enek he,

YEREMIA 32:15

Tuhan Omame Mondok Hokho mene, Allah Israel mene ineisena nen ikhi logolik he, hobuk he o kweang yiba o wurik inom, kweang inom, anggur yabu inom onggo palhik, hunitik ikhi logogun ikhe o,” iluk yagaisigi.

HOSEA 2:18

Andem sambul he, yi wam ti wam inom, sue tarogo nikherek mene inom, kisu kweanggwe pololangerik nikherek mene inom, mondogat wene warisikhi logolik, Hiren An nagainafuri weagerinafi logou fugo, iluk wene warisagain. A'nogo wene warisambik, An nagainafuri inaiba andoma inebe fano lioksek logouwagaluk, sikhe, sige, karok, weim yafarek mene andoma mondogat lilibukhogo legetfisagain.

MIKHA 4:4

Afuni inebe lombok he, it inangge anggur yabumo inom, inagayo ara erokwe inom fano liole'ma logogun. A'nogo logolik he afuni ekhe nen inailot fisogoin iluk hilingiti logogun lek, iluk At Tuhan Omame Mondok Hokho mene a'nogo nen wene wate andi.

ZAKHARIA 2:11

Hinenggi andem oba re, afuni inunggulenu hokhorogo Tuhan ambit At againafuri mene asugun iluk waga logogun. Nen, At ebe hit hinanggele'ma were'ma, an he At Tuhan nen hit hinoba laknobagai wagama iluk hinelu asugun o.