ZAKHARIA 3:1 - Allah Wene Fano Wene Hupla Inane

¹ Nabikanggoba ekhe amu mene higi re yi'nogo: Tuhan nen at Yosua Imam Agung a'nogo malaikat Tuhan elokhoma aremnogo mendek were'ma yethoageluk inuk niikhemo yethigi. Nen at Yosua fikhit he Iblis mendek logolik oba hikhibet hikhi laga.

ZAKHARIA 3:1 ပူးပေါင်းရင်းမြစ်များ

KEJADIAN 3:15

Hat inom, he yi inom, hemberek mondok weak logolik, aren tagongge mene inom, haren tagongge mene inom, hinom weim palek mondok logogun o. A'nogo logolik aren tagongge mene nen he, hat hungguloak sagalogo hoatunem, hat haigen it ineisok onggut libilinafi logogin o,” iluk yagatikhe.

KEJADIAN 48:16

A'nogo wo'narek nikhi logolik, ebe malaikat higit a'lugen, an nebe weaget nabuhak were'ma telnafi lagaikhe andi. Ma re, Arenat yenggerugwi yi fanorinafi logouwago. Yenggerugwi yi inalisikhogo re, an nenu inom, Abraham enu inom, Ishak enu inom, ugu mondok logouwak. It inombalagen tagongge mene inebe kweangma o yi awi ti awi mondok hokhorogo sik-pik imbik logouwak,” iluk yagatikhe.

1 TAWARIKH 21:1

At Iblis nen he it afuni Israel mene alomarogo fisagain iluk endawimo anggasikhesik, andi nen he aren Daud endawimo kagalhi logolik he, ap inenu lisu palogo wenasuageluk hilingitikhe.

2 TAWARIKH 29:11

Nagainafuri e, hit he Tuhan obaget wene kabogetik, At obaget enek hilingitik, amben fanongge a'nogo noletik, it afuni holhu mene wene kabogetuba melalinafik, hilingiti logouwageluk At Tuhan nen wenakhinafemo re, hiren higilik-higilik la fuk,” iluk yagaisasikhe.

EZRA 10:18

It inagagwi inunggulenu endakwe mene woginarek welagaukwa mene a'nogo inenu palek he yi: It ap imam mene inunggulenu lomboget higik ineisok erokwe lombok he: Yosua mene ineisok erokwe lombok agaila'lak inom, Yozadok againafuri: Maaseya, Eliezer, Yarib, Gedelya inom andoma.

EZRA 2:2

It afuni andoma wagunem melalinafi lagaukwa mene re hun Zerubabel, Yesua Nehemia, Seraya, Reelaya, Mordekhai, Bilsan, Mispar, Bigwai, Rehum, Baana inom andem. It afuni Israel mene nen inunggulenu akhogo hilingik mene omanogo ineisok erokwe lombok ap inebe wagaukwa mene inom, wenagaisogo hele warogo welagaukwaba omanogo nen inaiba wagaukwa mene re inebe inenu palek he yi:

EZRA 5:2

A'nogo yagaisugu were'ma re, it ap nabi pire aremnogo nen ugu mene a'nogo holhukwasik he, hun Sealtiel amlogo Zerubabel inom, Yozadak amlogo Yesua inom he, o Tuhan Awi Yerusalem nekhengge fakfesukwasik wutunem it ap nabi pire andem nen leberisikhi lagaukwa.

MAZMUR 106:23

Andiba re At Allah nen it inebe mondogat leget fisagain iluk hilingitunemen he, Musa At Allah nen wenatikhe mene a'nogo nen kwe palfesikhe. Musa ebe tulem menlagaikhesik it inili wanhikhe andiba re, Allah a'mage lagasikhe mene a'nogo lombuk isikhe.

MAZMUR 109:6

At andi obaget awene katokhogo paluageluk, ap kwanirogo hilingiri'lago mene ekhe menfein o, at ebe it aselei mene andoma nen oba wene hikhip hoak.

YEREMIA 15:19

A'nogo yagatimo Tuhan nen onggo yaganeti logolik, ”Haren ambi, sugulogo hambotkwe wagen halok, An nen hat hebe wokhabumo re, hat hebe An namingmingengge mene asigin o. Afuni re hobuk iren hat hoba waga logogun, nen haren it were'ma ekhe laga logogin lego.

YEHEZKIEL 44:11

An nawi wuri'mo andoma iren yabu hilingiti logogun mene re we yabu hilingitunem leberisugu mene inom, kwe ambe pale'ma kagalek werek mene inom enek An nobaget hilingiti logogun. It he, An nobaget warogo nolhu mene iluk inom wo'netu mene inom omanogo senggelhik, palhik, ikhi logolik, iren An nagainafuri inobaget he femhogo hilingiti logogun.

YEHEZKIEL 44:15

Tuhan Lego Mondok welagarek mene a'nogo nen ikhi logolik, ”Unggulenu Israel mene nen An heraknobabagun oba re hun Zadok againafuri mene imam Lewi inap andoma nen An nobaget nawi wuri'mo andoma yabu higithogo hilingiti logogun. Andi faget we yogondak ogo irenat wam warogo asei inom amep inom waluk An nobaget fuluk wo'neti logouwak.

HAGAI 1:1

Hun Darius afuni Persia mene faget raja menlagaikhesik ferinarek werek kwelek tahun pirenek meneba re, tugi falfalik mene tanggal satu ba werek kwelek, Tuhan ane nabi Hagai bene nen yagaisasikhe. Wene hilingisuageluk Tuhan nen isikhe mene andi re hun Sealtiel amlogo Zerubabel afuni Yehuda mene inobaget gubernur welagaikhe mene andi inom, hun Yozadak amlogo Yosua ebe Imam Agung welagaikhe mene andi inomen hilingisuageluk yagaisasikhe.

HAGAI 1:12

A'nogo iluk yagaisasikhemo ap Zerubabel inom, Yosua inom, afuni Israel mene mondogat hele warogo o Babel lakfisasukwama nen sugulogo inambotkwe wagaukwa mene omanogo inomen he at Hagai Tuhan nen ayonggo fesikhesik lakfei wagaikhe mene a'nogo nen yagaisasikhe mene omanogo hologo hilingitukwa. Iren he, Tuhan oba inailo anggasukwasik he, Tuhan nen yi'nogo hilingi'no, ti'nogo hilingi'no iluk yagaisasikhe mene omanogo hologo hilingitukwa.

HAGAI 2:4

Ariginik kwelek oba nen he, yago hit hinebe mondogat yoma re! Hiren inendawimo weak a'luk hilingiti logou fuk. An nen hundik lebethinafi logogin enggere, yabu hilingiti lagep mene andi hilingitu mondogat logoino.

ZAKHARIA 1:13

A'nogo ugunem he, Tuhan nen malaikat a'nogoba onggo endawimo agaiyek asu hak mene yagatunem higi,

ZAKHARIA 1:19

A'nogo hasigisik an nen malaikat ane an noba isikhe mene a'nogoba heinok wokhikhi logolik, ”Andimuk andoma re, wene ebe ninggi'nogo mene faget?” iluk yagati. A'nogo yagatimo aren onggo yaganeti logolik, ”Andimuk andoma ebere o ”kerajaan” mondok omame mene nen afuni Yehuda mene inom, Israel mene inom, Yerusalem mene inom, pugulogo nalek-falek hilingfisasukwa mene ilirenggerogo were'ma hegen o,” iluk yaganete.

ZAKHARIA 1:9

A'nogo were'ma re, an nen heinok wogikhi logolik, ”Kuda oma re ebe ninggi'nogo faget nogo?” iluk heinok wokhigimo re, Aren onggo ikhi logolik, ”Oma ebe ti'nogo faget iluk andi re, An nen inuk heagain o.

ZAKHARIA 2:3

A'nogo yaganetesik malaikat an noba ane ikhe mene a'nogo wagunem he, malaikat amu mene ekhe inom ambi agunem isigi.

ZAKHARIA 3:8

Imam Agung Yosua ao, hesanggo holin o. Nen hit at agaila'lak imam welagep mene andoma ogo, hit he o hobuk andoma fanorogo logogun mene faget enegengge re hit welagep. Hobuk andem oba re An namingmingengge enu, ”Asimit,” andi lakfei wesigin.

ZAKHARIA 4:14

A'nogo yagatimo aren ikhi logolik, ”Andem he, ap pire mene Tuhan o pogot kweang elalhikhe agun a'nogo nen At obaget hilingiti logouwageluk enogo menfisasikhe mene aremnogo re andem o,” iluk yaganetunem higi.

ZAKHARIA 6:11

Iren faga mene emas inom perak inom andoma mene re makhota misik ekhe hilingisimbik he hun Yozadak amlogo Imam Agung andi ungguloba puget feino.

MALEAKHI 3:1

A'nogo ikhi lagepma re At Tuhan Omame Mondok Hokho welagarek mene a'nogo nen wene onggo ikhe, ”An nanggwe fanorogo yati logouwageluk, An namingmingengge ekhe lakfei wesumo re, we ferekhogoat hiren An hera'nafi lagep mene Tuhan a'nogo An nawi wuri'mo andoma wesigin o. Ap an nen lakfei wesigin mene faget hiren hinendawimo eberek mondok welagep mene a'nogo wesimbik he, An nen wene wathisasigi mene andi fakhogo yagaisikhi logogin o,” iluk yagaisasikhe.

LUKAS 21:36

Yi'nogo ti'nogo mondogat hilinglasigin igi a'nogo hilinglagu kwelek he, hinomamerogo hinafe morogo logolik, hinenggali legat nelokhoma mendek were'ma, an abat ta'lasi wagagi a'nogo hisa wesigen he, hundik-handik sambanat ikhi logolik he, hinebe hebelogo logoino o,” iluk yagaisasikhe.

LUKAS 22:31

Yesus nen a'nogo yagaisasikhesik he, ekhe Petrus oba mel yagatikhe: ”Simon! Simon! hesanggo holin! Gandum afulfulengge fologo hebisagarek andi hak he, hit mondogat a'nogo, at Iblis nen hinebe folhinabigeluk Allah kino yagatemo aren elok iluk yagate meneat he,

ULANGAN 10:8

Wagaukwama, At nineisena Tuhan tom andiba nen afuni inunggulenu Lewi mene At faget hilingitik, Peti Wene Warogo Aren wo'ninafikhe mene elema kwalek andi waluk lagik, Aren afuni ekhe fanorinafi logouwagaluk enu hombuk palogo yagaisigik, ikhi logouwageluk inebe At onggwarek faget hilingitikhe andi. A'nogo hilingitikhemo, it yabu andi mene hilingitu mondok huli yogondak hilingitoat welagaikharek.

ULANGAN 18:15

We, an nen At ane yagahisigirek andi hak yagahisikhi logouwagaluk, Aren ap ekhe unggulenu nit mene ayonggo fembik hinoba lakfei wesigin o. A'nogo hinoba lakfei waga halok, hiren At ane hologo hilingiti logoino o.

1 PETRUS 5:8

At Iblis, hinom weak mene a'nogo nen, mene singa aik anini mene nen yi mene ti mene haumhogo nageluk ane kwe agan herarik nikherek andi hak, ”Sa hak weagetfagain,” iluk herakhinabik nikho andi, hinebe hebelogo hineilenggen fanorogo logoino o.

1 SAMUEL 6:20

It afuni Bet-Semes mene fong a'nogo watukwasik, mel isukwa: ”Tuhan Allah Mondok Horek logolik tegelek welagarek mene a'nogo elokhoma ap sa hagen elok mendek logogun anggegep? Nen Peti Wene Warek mene yi re nit welagoba yoma nen eil uanhogo logouwageluk koma waganogo fei louwok anggegep?” iluk isukwa.