ZAKHARIA 2:9 - Allah Wene Fano Wene Hupla Inane

⁹ ”Tuhan amu negen hit hinom weim yabigin o! Nen, Hit he, it hinamingmingengge higit ferinarek welagagip mene andoma nen weaget hinabugun. Andi ebe hilinglagu halok he, Tuhan Omame Mondok Hokho mene a'nogo nen an laknobai wagama iluk hirogo hinelu asugun aro,” ugunem higi.

ZAKHARIA 2:9 ပူးပေါင်းရင်းမြစ်များ

YESAYA 10:32

Yago! O yi sambul he hit hinaselei mene o kota Nob oba logolik he iren inenggi yinggilogo re punu Sion oba kota Yerusalem fikhit andoma mumet hili'lagwi.

YESAYA 11:15

Tuhan nen he i kalok hokho mene Suez a'nogo iringisogo fagain. Aren sogoi aganhan mene funha wesumo re i Efrat a'nogo akhogo re 7 nen hilinglasumo i ebe we horok liarogo hilinglasumo re afuni nen ineisok sandal kwelabegengge i a'nogo elok palhi logogun.

YESAYA 12:6

Hit afuni o Sion oba welagep mene yoma sani, hinagaiyegeti logoni. Wuni hinagaiyek oba wati logoni. Israel mene ineisena Allah Mondok Horek mene andi re, Ombak-bak mondok werek, At ebe re hinanggele'ma werego, iluk wuni wati logogun.

YESAYA 13:2

Punu unggul asili waganekwe andoma lagaluk he poksu liak fuluk hane ap weim aninirogo yafarek mene omanogo inoba kweti logolik, kota winik wonok agarek aiba andi ebekhe ambe palek kwe andoma pin kuakhogo iluk henggi pilinget feino o.

YESAYA 14:2

Afuni Israel mene inawi eroma Tuhan nen wogisasikheba andoma nekhengge wesuageluk he it inunggulenu hokhorogo nen leberinabugun, nen o andoma nen he it inunggulenu andoma mene re it Israel mene inamingmingengge a'luk logouwageluk hilinginabugun. It Israel mene nen he it ap sebelinarek welagaukwa mene omanogo iren ogore sebelinarek logogunat. Nen it inane omameba yagaisikhi lagaukwa mene omanogo it Israel mene nen ogo inane omamerogo yagaisikhi logogunat.

YESAYA 19:16

Inenggi ekhe asi wesigin oba re inunggulenu Mesir mene andi re hemi nen hilingisu hak youk lambik inailo asugun. Tuhan Omame Mondok Hokho mene a'nogo nen enggi legeisogo it unggum wogisugunem ineilenggen hambik he inailo nen inoak leigeti logogun.

YESAYA 26:1

O andi sambul he o Yehuda kweang oba andoma afuni nen wuni wati logogun mene re yi: ”Nit ninawi kota yi re omame mondok hokho awi werek, O andi aleget he At Allah nen helep leget oba omamerogo wokfikhemo re, yoma nit ninagap elok telek welago.

YESAYA 33:1

Nit ninaselei mene andoma re alomat laga logouwak! Niren it inangge ekhe telhi lago lek oba nen ninangge teluogeluk hilingitik, henarogo hilingiti lago lek oba nen iren henarogo hilingitik, agarek. Oba nen he arat telogo helaluk inom henarogo hilingi'luk inom he, it inonggwarek inobaat afuni nen hinatik, henarogo hilinginafik ugu mene hilinglasugun o.

YESAYA 33:21

Andoma nen nit nineisena Tuhan ebe along werek mene a'nogo inuk nisugunem hogoin. Nit ninebe re ap nit ninom weim palek mene nen inangge kapal oba we'luk ninoasi wesu lek oba i esanggo langsek mene esanggoma andoma logogun.

YESAYA 4:5

A'nogo hilingfuluk he tom Sion oba afuni mondogat andoma kabogesugun mene inom he Tuhan nen linggene re ohena hilingfigik, nen hubanggo re endu so'le inom ombak-bak eterek mene inom hilingfigik igin. Allah onggwarek ebe nenat o kota andi sebelogo logolik along palogo fisogo logogin.

YESAYA 48:16

An nera'lu horokhogo we'luk he nane igin mene fanorogo holin o, o attagenat An nane ikhi logolik weinam fakhogo nek igirek, An nane ikhi lagi mene andoma mondogat he tiphogo nek hilinglagarego,” iluk ikhe isikhe. Yogondak he Tuhan Allah nen an laknobagakhi logolik, At onggwarek omame a'nogo an wo'nete.

YESAYA 60:18

Nen o kweang hat haiba andi re, ap ina'mage nen hilingita iluk ugunem ekhe holhi logogun lek, wilayah hiren meneba andoma nen o meisalhigik lakfisugu mene inom, weagerogo fugu mene inom, ariginha ugunem ekhe holhi logogun legat. An nebe re, leget pa'leget hakhogo fetharek were'ma re, hiren An hineisena nen telninabi'lago o, iluk fogetnafi logogun o.

YESAYA 60:19

Hat faget An heisena Tuhan seleget hafu mondok logogin mene asigin. An nombak-bak mondok hokho logolik selegerinafirek mene a'nogoba seleget hafu logogin. Arigini'mo re, haren o linggene mo sakhabuageluk inom, nen hubanggo tugi nen seleget habuageluk inom andomaba ekhe ebeti logogin lego.

YEREMIA 27:7

Yi afuni ti afuni inunggulenu lombogen he at obaget hilingitik, at amlogo obaget hilingitik, at omba obaget hilingitik, ugu werek kwelek enek he, o kweang andi sebelasigin huli andoma logogin. Andem sambul he it inunggulenu Babel mene re inunggulenu inomame werek mene andoma inoba inom, raja hokho mene inoba inom inobaget hilingiti logogun.

YEREMIA 28:9

Oba nen he, nabi andoma nen ambi afuni inendawinggen serogo liokhogo logou mene omanogo nek ugu halok he nabi andoma eberogo Tuhan nen lakfisa waga mene iluk ikhi lagaukwa, andi ogore iren ugu mene omanogo tiphogo asi lagu halok,” iluk yagaisasigi.

YEREMIA 8:19

Holini o! Afuni an nunggulenu mene o kweangma yi awi ti awi mondogat lenggu-lengga ikhi logolik yi'nogo ili'lagwi, ”At eisena Tuhan a'nogo re o Sion oba re ebe legen a? Nen yogondak he at eisena raja a'nogore koma werek?” iluk heinok wili'lagwi. A'nogo ugunem it ineisena Tuhan Raja a'nogo nen ikhi logolik, ”Nenahalok hiren kembu dewa mondogat weak mene andiba hineindep awi yagaisogo fogerati lagep nogo? Nenahalok hiren tugwi kembu wurogo hilingiti lagep oba An nendawimo ou pourogo hilingnobagakhi lagep nogo?” ikherek.

YEHEZKIEL 39:10

Andi nen iren e nolhu mene faget anggolo nen iluk yabukwe wusi lagik, e ogoikwe wusi lagik, ikhi logogun lek. Andi re senjata herakfisaga mene omanogo mondok hokhorogo hilingik logogin andiba re e nolhu mene higithogo elok logogin. Iren he afuni it inangge teligik, hugul heligik, aga mene omanogo iren ogo lagokhogore it mene omanogo teligik, hugul wanhik, ugunat. Iluk An Tuhan Lego Mondok welagirek mene a'nogo nen nane mondogat igi,” ikhe.

YOEL 2:27

A'nogo hilinghinafunem he, hit afuni Israel mene nen An hit hinanggele'ma welagirek mene inom, nen, An nebe hit hineisena Tuhan Allah welagirek mene inom a'nogo furogo hinelu asugun o. Allah amu mene re ekhe werek lek, we An namunek Nebe Allah welagi. Nen, it An nagainafuri mene andoma inenggali asugun lego!” iluk yagaisasikhe.

HABAKUK 2:17

Hit hinaniniba afuni o yi awi ti awi welagaikharek mene inamep wulagaisogo inoatik, inawi kota sili mondok weagerogo figik ikhi logolik, o Libanon andoma e mondok mugusogo sukwalet fesigip andi hak, hinebe a'nogo mugusogo leget hinobagagin o. Hiren wam, sue paik andoma mene warogo legetfisasigip andi hak, wam paik sue andi nen hobuk lagokhogo hinailo mene hilinghinobagagin aro.

HABAKUK 2:8

Hiren he, afuni inunggulenu lombok o yi awi ti awi welagaikharek mene, hinaniniba inebe inoatik, inawi kota meisalhik, inebe weagerinafik, ikhi logolik, inangge hinenggi abisak telogo helasigip andi nen he, hobuk it mene ekhe fena ineluk logogun mene nen, lagokhogo hit hinangge inenggi abisak telogo helogoin o.

ZEFANYA 2:9

An Nebe afuni inunggulenu Israel mene ineisena Allah, Nebe Neluk Mondok welagirek mene a'nogo nen enggere, An nen o Sodom inom Gomora inom oba hilingfesigi hakhogo it Moab inom, Amon inom ogore a'nogoat hilingfisamo pugulasugun o. O kweang andomaba re eluge agai mogo yenggelekwe hokhorogo were'ma o meisalek kabok lagakhi logogin kwe omanogo re engga weak mene wulibik logogin. Nen, it An nagainafuri mene fena endebat linet lasimbik wulibugun mene nen he, afuni o andoma werek mene telambik he, it inaiba andoma sebelambik logogun o,” iluk ikhe isikhe.

ZEFANYA 3:15

Tuhan nen he, hit hinaselei mene felelenghogo mugisogo wulakfisikhi logolik, hit hinoba unggum wokhisagain iluk mene a'nogo herakfisikhe o. Hit inebe re afuni Israel mene hineisena Raja a'nogo awe a'ma fethinarek werek, At Tuhan onggwaregen hilinghinobagaikhemo re, Yogondak hiren hinailoti lagep mene a'nogo hinailoti logou fugo.

ZAKHARIA 2:11

Hinenggi andem oba re, afuni inunggulenu hokhorogo Tuhan ambit At againafuri mene asugun iluk waga logogun. Nen, At ebe hit hinanggele'ma were'ma, an he At Tuhan nen hit hinoba laknobagai wagama iluk hinelu asugun o.

ZAKHARIA 2:8

Ap sa nen hit hinoasugun iluk hilinghinafu halok he, An nendawinggenma kagaukhogo noasu hagat hilingisugun o,” iluk ikhe. Andiba re, Tuhan Omame Mondok Hokho mene a'nogo nen an mimingnafi logolik wene a'nogo iluk andi it inunggulenu inap Tuhan againafuri telogo helasukwa mene andoma yagaisoageluk mimingnafi logolik,

ZAKHARIA 4:9

yi'nogo ikhe, ”At Zerubabel en he, an nawi a'nogo ubule fikhe, nen, aren he, o andi mondogat wusigin. Nen, andi eberogo agu halok he, An Nagainafuri nen he hat Zakharia re An nen lakfei wagama iluk inelu asugun.

ZAKHARIA 6:15

Afuni re inebe o yat-patkwe nen we'luk An nawi andi wutunem leberisa waga logogun. Nen, o andi mondogat wusugun halok he, An Tuhan Nomame welagirek mene a'nogo nen hat it inoba lakhobagai wagi mene andi inelu asugun. Andoma mondogat he, iren An ineisena Tuhan Allah nawene melalek andoma fi-furogo futfuluk hilingitu halok enek he a'nogo hilinglasigin o,” iluk yaganetunem higi.

ZAKHARIA 9:15

An nen it An nagainafuri mene eberogo nenat nawe a'ma ferinarek were'ma re, It inaselei mene inomame leget fisigik, Ap i sini'nuk palharek mene naluk inane kwetarek hak, iren weim elema nen ogo inane ngai-wai liafik, wam warogo amep mezbah ebene kweisalharek hak, andi higit it inaselei mene inamep kweisalhik, ugun o.

YOHANES 13:19

Wene andi hobuk arat eberogoat hilinglaga halok, at etok mondok welagarek mene a'nogo araro, iluk futnobagaigen iluk, yogondak wene andi oan hilinglagi'lek werek kwelek abok yagahisigi o,” iluk yagaisasikhesik he, wene ekhe mel yagaisasikhe:

YOHANES 16:4

A'nogo hilinghinafa halok he, hinendawimo nen he, wene yi, aren attagat yaganisikhe a'nogo arat hilingninabi'lagwi yi, iluk hinendawimo ebesubagaigen iluk, wene andi mondogat yagahisigi o,” iluk yagaisasikhe. At Yesus nen wene a'nogo yagaisasikhesik he, hobuk ekhe mel yagaisasikhe: ”An hit ninom yoma welago andi nen he, wene yi mondogat hit hinayonggo fikhi logolik yagahisigi'lek welagagi meneat he,