ZAKHARIA 2:6 - Allah Wene Fano Wene Hupla Inane

^6-7 Tuhan nen At againafuri inoba ikhi logolik he, ”An nen hit hinebe o onggut-onggut, esanggo-esanggo telfol hisasigi. Oba nen, yogondak he, yago! Hit afuni hele warogo fisagarek oba welagep mene andoma re, o Babel en heise wilibimbik weak-weak hinambotkwe o Yerusalem we'ni o.

ZAKHARIA 2:6 ပူးပေါင်းရင်းမြစ်များ

KEJADIAN 19:17

A'nogo wulibi lagaukwasik, it malaikat inebe pire aremnogo ekhe nen mel yagaisasikhe: ”Hinebe telobagaigen he, weak-weak lani o. Laga logolik, hineilenggen hinambotkwe yetlasi wagik, o tonggwe horokhogo yoma kamo igik, ugun mondok lego. Hinebe wa'lagep hanogo nen he, o tom oba yatmaat andoma weak-weak heise lani o,” iluk yagaisasikhe.

MAZMUR 44:2

Nineisena Allah Haren o attak hilingitigin mene andoma inom yi mene ti mene elalhigin mene andoma inom faget, it ninambu ninombalagen a'nogo hilingitikhe iluk it welagaukwaba andoma tindelhunem nit ninebe lombogen mondogat ninesanggo holhugu aro.

YESAYA 48:20

O Babel andoma nen weak- weak wulibi lan o, Wene ari yikwe tikwe andoma sagarogo yagaisilik laga logoino o. Tuhan nen he At amingmingengge Israel mene a'nogo mondogat inagap telogo fisikhemo iluk mondok hinagaiyek oba hinanggilukhogo sagarik laga logoino o!

YESAYA 55:1

Tuhan nen ikhi logolik, ”Hit hinebe mondogat i nelethinabi'lago mene andoma re, i foukhogo werek enggere na we'ni o. Hit hinauang lek mene re we'ni o, gandum we onggolek hela wesimbik na we'ni! Anggur inom amusu inom foukhogo werek enggere, weat hela we'ni o!

YEREMIA 1:14

A'nogo igimo Tuhan nen ikhi logolik he, ”Abet utara fikhiren enggin-fenggin hokhorogo lege'luk waga logolik he afuni o kweang yiba werek mene mondogat inoasi wesigin o.

YEREMIA 15:4

An nen he afuni o kweangma werek mene mondogaren inamel-melhogo kumurisikhi logouwageluk hilingfisagain. Andoma mondogat he hun Manasye at Hizkia amlogo a'nogo o Yerusalem oba andoma afuni Yehuda mene faget raja logolik hilingiti laga mene andi ambisangma hilingisigin o,” ikhe.

YEREMIA 3:18

Israel he Yehuda inom sebesimbik he it inebe ambine o sabu huginibi logoin oba andoma abel utara fikhiren wesugun. It he o kweang An nen it inombawi inoba it eise asuageluk wogisasigiba andoma sugulogo wesugun o,” ikhe isikhe.

YEREMIA 31:10

Tuhan nen ikhi logolik, ”Yago, hit yi afuni ti afuni hinunggulenu lombok andoma nen holini o! I laut fena fikhit andoma An nane ikhi lagi mene andi yagaisa lani. An nagainafuri An nen telfol isasigi mene omanogo re, An nen andogorogo fisa wesimbik afuni nen domba halharek hak, An nen halinafi logogin.

YEREMIA 31:38

Tuhan nen ikhi logolik, ”Inenggi ekhe asi wesigin oba re o Yerusalem elonggo mondogat helep oba wurogo liabek mene menara enu Hananeel oba nen he pikhit kwe ambe enu Pintu Gerbang Sudut ikhi lagaukwa huli andoma mondogat An nonggwarek nawi kota a'nogo ambotkwe wusugun.

YEREMIA 31:8

An nen it inebe nekhengge utara fikhiren woginarek wesigin, it inebe kweang wurep-wurep andoma nen waganogo andogerinabi wesigin. Afuni ineilenggen humunik mene inom, ap ineisok hambelek mene inom he it inom seberogo wesugun, andi nen hemi ineagwi ket takhogoin mene inom, inomalik inalabutmo mondogat wurik asigin mene inom ogore, inom wesugunat. It inebe re esa hokhorogo o kweang yiba wesugun.

YEREMIA 50:8

Yago nagainafuri Israel mene re o Babel heise lani! Ap amu mene re hobuk inombo'ne loageluk he hit tak lani.

YEREMIA 51:45

Ariginik enggere yago hit afuni Israel mene re, andoma nen heise lani o! An na'mage mondok lagaikhemo hilingitinggere hit hinebe ogal fakhani.

YEREMIA 51:50

Tuhan nen afuni Israel mene o Babel werek mene inoba ikhi logolik,” Hit he ap inoati lagep meneba nen wulifep mene andi re, nenangorogo welagi'lek weak-weak wulibi lani o! Hit hinawi hinebe welagep oba andoma nen eil uanhogo welagep oba nen he An hineisena Tuhan nebe faget inom o Yerusalem faget inom wenggel hano,” ikhe.

YEREMIA 51:6

An nen Babel aniniba hilingiti laga mene a'nogo inom, nen at obabut hilingiti laga mene inom ambisangma higithogo unggum oba fagain sambul a'nogo re, yogondak yiat hilinglaga. Ma re at aweagen wasugun sambul andi re hirogo hinoasinogo hinonggwarek hinagap telogo re o Babel en heise wulibi lani o.

YEHEZKIEL 11:16

Andi faget he An nen iren hilingisuageluk hilingiti lagi mene yi hagaila'lak hele warek were'ma andoma yagaisa lan o, An nenat it inebe woginarek wagagisik o yatma yi afuni ti afuni inunggulenu hokhorogo were'ma inanggelekwe it inanggweang ebene andoma telfol isasigi. Oba nen it inebe andoma werek kwelek An ninom hundik mondok logogun.

YEHEZKIEL 17:21

Tentara aren mene ap mondok fano inap omanogo re weim yafi logolik inoasumo wa'lasugun, nen it fena longgo imbik heise wulibi logoin mene re o unggut-unggut telfol ilogoin. Andiba re An nagainafuri nen he An Tuhan nane mondogat ikhe iluk inelu asugun,” ikhe.

YEHEZKIEL 5:10

Ineisugwi inagaisawi nen inonggwarek ineagwi ninggi logogun, nen ineagwi nen he inonggwarek ineisugwi inagaisawi ninggi logogun. A'nogo hilingiti logouwageluk An nen it inoba unggum wogisagain. Ineluk logogun mene re An nen mugusogo ekhema-ekhema telfolisagain.

YEHEZKIEL 5:12

Afuni fenakwe ekhe minggilogo re ou amben weak meneba nen inom, sumburu ouwagen inom, o kota yiba asi wesigin mene andiba nen mondogat wa'lasugun. Fena ekhe minggilogo re karogen o kota endakwe fikhiren inobakhe tegethigik inoasigin. Nen fenakwe ekhe minggilogo re An nen o unggut-unggut higithogo telfolisigik, karok fanghogo sikmuk isigik, igin.

DANIEL 11:4

Oba nen at omame logogin mene a'nogo hokho aga logolik andem he o kerajaan aren mene a'nogo minggilaga logolik akhogo enggaminogo hilinglasigin. A'nogo hilinglasumo re raja at eisok erokwe mene lek oba nen it ekhe amu mene nen at obali'mo ferinarek logogun, oba nen it he at omame logogin andem hak hilingik logogun lek.

AMOS 9:9

An nen wene hobuk melalogo yagahisigik, afuni nen beras eanggeba fuluk folharek andi hak, An nen it Israel mene a'nogo tegelinabigin o. It inanggelekwe hilingik logou lek mene andoma waganogo herak fisoageluk he An nen inunggulenu amu mene werekwe andomaba agam fagam isagain.

ZAKHARIA 1:16

Yogondak he, An nebe nambotkwe o Yerusalem sugulogo lambik o kota andiba inagap telogo fisa lagain o. An nawi a'nogo nekhengge wusimbik he o kota Yerusalem andi hobuk ambotkwe fanorogo wusugun o,” iluk yaganete.

MATIUS 24:31

A'nogo waga logolik he, an nen it malaikat Allah pogoroba nen yonggo lakfisa wagarek mene omanogo yonggo lakfisikhi logolik he, nambinggong ane hokho mene pak ugunem he, iren afuni an nen wenaginafigi mene omanogo, o unggut elikwe, yikwe, po'likwe, ma'likwe, yi awi ti awi o pogot ero-ero a'lima nen mondok andogerinabugun o,” iluk yagaisasikhe.

MARKUS 13:27

Pi waga logolik he, it malaikat Allah nen yonggo pelakfisa wagarek mene omanogo, afuni Allah nen wenaginafikhe mene halok, o po'lima, ma'lima, elikwe, yikwe welagaikharek mene andogerinabuageluk pogot ero-ero yi awi ti awi a'lima lakfisagain o,” iluk yagaisasikhe.

ULANGAN 28:64

At hineisena Tuhan nen hit hinebe mondogat o yi awi ti awi kweangma yoma afuni inunggulenu amu mene inanggelekwe nalek-falek hisogoin o. A'nogo hilinghinobagaumo re andoma nen amu mene faget allah ap-ap hilingfuluk kembu e inom helep inom oba elalek mene, it hinombawi nen ogo mondok inonggot mene, nen hiren ogo hinonggorat mene andomaba apne wanhi logogun.

WAHYU 18:4

A'nogo yagatikhesi'mo nen ombo'ne re, at Allah ane pogoroba nen ekhe mel ikhe: ”Afuni nen, yi mene ti mene ambola'ma oba lou'-louk filik lagagarek andi hak, it afuni nen, at he andi inom weak hilingitu mondok welagaikharek mene andi pogoroba higit lagaikhemo, an Allah nendawimo eberek mondok welagi andi nen he, an nen it wene inoba fembik weagerinabigin. It weagerinafi logolik, hit an nagainafuri mene it hinom logolik, it inobabut waganogo weak hilingisumo hinom weagethinabi nogo nen he, it herakfisaluk heise wulibi we'ni o.

RUT 4:1

At Boas a'nogo o kota kwi louwogeluk lagaikharek oba, leget pa'leget kwe ambe pale'ma, afuni andogotarek oba andoma lagaikhe. Lagaikhesik omanogo hurek were'ma nen he at Boas nen ap andi hun Elimelek werekwe mene a'nogo ebekhalem andoma lagunem hasikhe. Lagunem he Boas nen at a'nogo wolhikhi logolik, mel isikhe: ”Nagailak, hebe ya hu'lasime o,” isikhemo ap a'nogo wagaikhesik aremnogo hu'lasi wagaikhe.