ZAKHARIA 2:5 - Allah Wene Fano Wene Hupla Inane

⁵ Tuhan nen wene wati logolik, At onggwarek ebe o kota andi faget pa'leget higit endu meneba haningisogo logolik along palogo fisogo logogin, nen, At ebe re along-palonghogo logolik omame hokho mene logogin, ikhe iluk yagasi lan o,” ugunem higi.

ZAKHARIA 2:5 ပူးပေါင်းရင်းမြစ်များ

MAZMUR 125:2

Tom-tom andoma nen o Yerusalem haningisogo kwelabek werek a'nogo hak, At Tuhan nen it againafuri omanogo o yogondak huli nen hobuk huli andoma mondok mondogat sebelogo ferinarek logogin.

MAZMUR 3:3

It inebe fena hokhorogo nen ikhi logolik he, Allah nen at lebethagain lego iluk ili'lagwi.

MAZMUR 46:5

At Allah ebe awi kota esin legoma welagarek oba i ekhe elesi wulibisogo o kota Tuhan Awi mondok horek mene a'nogoba kwelabi lagunem he, o a'nogo oba fanot fikherek.

MAZMUR 48:12

Haren afuni Sion mene inom, Yehuda mene inom inaselei mene omanogo inoba unggum wogisikhi lagen andi nen he, it inagaiyegen inanggilugeti logouwak.

MAZMUR 48:3

Allah andom Sion oba andi re, eil mondok fanore'ma re wolonghogo liabek. O kota Raja Lego mondok welagarek mene awi andi re, yi afuni ti afuni o kweangma welagaikharek mene nen inagaiyegetarek awi wurik.

MAZMUR 85:9

Niren ninambotkwe sugulogo weak hilingisi lago lek halok he, hit hinendawi serogo logobagaigen hinobagagin iluk Aren nit againafuri ninoba wene watnisikhe. Arigini'mo an he, At nineisena Tuhan Allah ane ili'lago mene andi nek nesanggo holek logoile namolo welagi o.

YESAYA 12:6

Hit afuni o Sion oba welagep mene yoma sani, hinagaiyegeti logoni. Wuni hinagaiyek oba wati logoni. Israel mene ineisena Allah Mondok Horek mene andi re, Ombak-bak mondok werek, At ebe re hinanggele'ma werego, iluk wuni wati logogun.

YESAYA 31:9

It inoe raja re ailo nen heise longgo igin, ap sikhe fisogo inap perwira aren mene omanogo re youk lambik, it inagoromi weim yafu mene faget bendera omanogo herak fisaluk longgo ugun,” iluk Tuhan o Yerusalem oba andoma nen At endawimo agaiyekhogo iluk wam warogo noletik, apne wanhik, fogeratik, agarek mene a'nogo nen mondogat ane ikhe.

YESAYA 32:18

Allah againafuri re enggin-fenggin meneba omanogo nen fikhalogo wilibimbik he liok layokhogo logolik inabolok lek mondok logogun.

YESAYA 33:21

Andoma nen nit nineisena Tuhan ebe along werek mene a'nogo inuk nisugunem hogoin. Nit ninebe re ap nit ninom weim palek mene nen inangge kapal oba we'luk ninoasi wesu lek oba i esanggo langsek mene esanggoma andoma logogun.

YESAYA 4:5

A'nogo hilingfuluk he tom Sion oba afuni mondogat andoma kabogesugun mene inom he Tuhan nen linggene re ohena hilingfigik, nen hubanggo re endu so'le inom ombak-bak eterek mene inom hilingfigik igin. Allah onggwarek ebe nenat o kota andi sebelogo logolik along palogo fisogo logogin.

YEREMIA 31:39

Andem en huli-huli re punu Garep fikhit lagasik andoma nen he nunggulik he o Goa ba andoma.

YEHEZKIEL 38:14

Andi faget he Tuhan Lego Mondok welagarek mene a'nogo nen wene yi at Gog yagasuageluk laknobagai waga, ”An nagainafuri Israel mene inailo legengge fano liokhogo were'ma andem, hat wesimbik pin talogo kwi wesigin.

YEHEZKIEL 42:20

Arigini'mo re o Tuhan awi wurik mene andi re kweang unggut enggaminogo hilingik oba wuri'mo re, esanggo andoma ebe lombok he 250 meter en hilingik welaga. Kweang andi faget leget pa'leget we misik obaluak andiat waganogo kwelabe'ma re, pa'leget andi nen he kweang Tuhan obaget enogo werek mene a'nogo inom kweang hesangge mene inom faget hulirek welaga.

YEHEZKIEL 47:3

Lagunem he sige tomuk ilirenggetugu mene a'nogoba ilirengge wal hikhi logolik, ap andi nen an hondo'narek he abel timur fikhit i a'nogo wulibi lagarek higit 500 meter hakhogo uanhogoat andoma lagasik he, an noba yaganeti logolik i ari palogo wulibi lan o, iluk yaganete. Andi yaganetemo i a'nogo ima kugunemen he huli-huli re neisok nangguli bene hilingik welaga.

ZAKHARIA 1:16

Yogondak he, An nebe nambotkwe o Yerusalem sugulogo lambik o kota andiba inagap telogo fisa lagain o. An nawi a'nogo nekhengge wusimbik he o kota Yerusalem andi hobuk ambotkwe fanorogo wusugun o,” iluk yaganete.

ZAKHARIA 2:10

Tuhan nen ikhi logolik, ”An he hit hinanggele'ma logogin enggere, afuni Yerusalem mene oma hinagaiyek oba wuni wa'ni o!”

ZAKHARIA 2:11

Hinenggi andem oba re, afuni inunggulenu hokhorogo Tuhan ambit At againafuri mene asugun iluk waga logogun. Nen, At ebe hit hinanggele'ma were'ma, an he At Tuhan nen hit hinoba laknobagai wagama iluk hinelu asugun o.

ZAKHARIA 9:14

Nen At Tuhan ebere At againafuri mene inoba inugisigik, Nen At andok he eilabut hakhogo pising-pasang isigik, Tuhan Omame Mondok Hokho mene a'nogo nen weim yabi kwikhi logolik enekhogo iluk he trompet ane futhigik, nen selatan fikhiren sogoi sielu hokho mene funha wagik, igin.

ZAKHARIA 9:8

An nen nanggweang faget kagalek logolik, it ap pok mene esa logalek kwe andi kwe nen lagu mene re inanggwe palhi logogin. An nen it ap inenggi omameba sebelinarek werek mene andoma An nagainafuri mene hobuk weaget fisanogoluk hilinginabigin lek. Andi re, it enggin-fenggin hili'lagwi mene An neilenggen mondogat isikhi lagi andi nen hilingisigin,” iluk ikhe.

WAHYU 21:23

Nen, o kota andoma Allah amulit yatik, Domba Eak a'nogo esage hangge yatik, selekhogo yatu kwelek andi nen he, mo inom, tugi inom, yati logogun legat welaga higi.