ZAKHARIA 2:1 - Allah Wene Fano Wene Hupla Inane

¹ Nabikanggo ekhe hobuk meneba hasigi re ap misik ekhe hele ilirengge enggim fisogo were'ma higi.

ZAKHARIA 2:1 ပူးပေါင်းရင်းမြစ်များ

YESAYA 54:16

Nen it ap senjata wusugun iluk endumo werati logolik, endu fisari'lagwi mene andoma An nenat elalinafigi. Ap senjata ba inoasugun iluk sikhe senek inap andoma re An nen enek hilingfisasigi.

YEREMIA 31:39

Andem en huli-huli re punu Garep fikhit lagasik andoma nen he nunggulik he o Goa ba andoma.

YEREMIA 48:25

Moab omame werek mene a'nogo re omame leget fikhe, nen along werek mene re wolelenggenhogo legetfikhe. Iluk An Tuhan nen nane mondogat igi,” ikhe.

YEHEZKIEL 40:3

An wo'narek andoma lagama neilenggen hugunemen he ap mene ekhe amulit no perunggu amulit yararet hikherek andi hakhogo kwe hokho mene fikhit andem mendek welaga. Mendek logolik enggimore hele ilirengge linen mene fisogo logolik e ilirenggetu mene inom senek welaga.

YEHEZKIEL 40:5

Andi nen an neilenggen yethugunemen he Tuhan awi re leget haningisogo wagane'ma higi. Higiri'mo nen he ap andi nen ilirengge e mene uan hogore tiga meter en hilingik meneba ilirenggeti laga. Oba nen he leget pak mene andi esia'leba wurogo liabek mene re tiga meter en hilingi'mo, leget andi ayogouk sap palek mene ogore tiga meter enat hilingik welaga.

YEHEZKIEL 47:3

Lagunem he sige tomuk ilirenggetugu mene a'nogoba ilirengge wal hikhi logolik, ap andi nen an hondo'narek he abel timur fikhit i a'nogo wulibi lagarek higit 500 meter hakhogo uanhogoat andoma lagasik he, an noba yaganeti logolik i ari palogo wulibi lan o, iluk yaganete. Andi yaganetemo i a'nogo ima kugunemen he huli-huli re neisok nangguli bene hilingik welaga.

YEHEZKIEL 47:4

Andi nen aren 500 meter ekhe ilirengge walethikheat, nen andemen i re neindep huli hilingik welaga. Andi nen aren 500 meter ekhe ilirengge waletikhemo nen he i agum he nobakhe bene hilingik welaga.

DANIEL 7:7

A'nogo higirik, neilenggen kumutu were'ma nen he, enggaminogo mene ekhe weinam aga, At andi omame mondok hokho mene re, inailo a'luk youk hokho la mene higi. At aik he, hokhondek mene re, posiemanggen haroweak andi hak hilingik welaga, aren senggelhungge omanogo warogo sebel fakhaluk misigam pilisikhi laga higi. Nen abu'nengge omanogo eisogen aldandam isikhi laga. It attak-attak weinam agaikha mene aremnogo re hunogoat hilingik kwelek, at andi nek he amurogoat hilingi'mo higi. At andi andimuk ungguloak oba 10 nen wilibik welaga.

ZAKHARIA 1:16

Yogondak he, An nebe nambotkwe o Yerusalem sugulogo lambik o kota andiba inagap telogo fisa lagain o. An nawi a'nogo nekhengge wusimbik he o kota Yerusalem andi hobuk ambotkwe fanorogo wusugun o,” iluk yaganete.

ZAKHARIA 1:18

An nabikanggo amu mene ekheba hugunem en he, an nen sapi andimuk enggaminogo mene were'ma hasigi.

WAHYU 11:1

A'nogo yaganetasik hobuk he, e ilirengge sige tomuk hangge mene wo'netasik he, mel yaganeta: ”Allah awi wurik inom, at anggo warogo noletarek mene obuluk a'nogo inom, ilirenggeba walhigik, afuni Allah awi wuri'mo at fogerasi kwili'lagwi mene halok mondogat henggi wenaginabi lan o.

WAHYU 21:15

Nen, at malaikat an wene yaganeti laga mene a'nogo nen, o kota a'nogo inom, kwe ambe palek omanogo inom, leget pa'leget waganek a'nogo inom, ilirengge emas meneba walhageluk fisogo were'ma yethigi.