ZAKHARIA 14:3 - Allah Wene Fano Wene Hupla Inane

³ A'nogo hilingisumo nen Tuhan wesimbik o attak it ap inunggulenu inap andi inom hilingiti lagaikhe higithogo it inom weim yabi wesigin.

ZAKHARIA 14:3 ပူးပေါင်းရင်းမြစ်များ

2 TAWARIKH 20:15

Aren ikhi logolik he, ”Ninoe kain lego mene inom, nerugwi nagaila'lak inom, Tuhan nen ikhi logolik he, it ap tentara hokhorogo andi inom he, hiren weim hinom yabugun lek, we At Allah nen enek yabigin enggere, hiren inailo a'luk hinendawi fisu fuk.

NEHEMIA 4:14

A'nogo fi sasigi meneat he, it ap omanogo inendawinggen inailo were'ma isasigisik he, it inom, inogogwi inom, kaindek ferinarek welagaukwa mene inom, inebe mondogat inoba mel yagaisasigi: ”Ap nit ninom selei mene andi inoba hinailo asu fugo. Nineisena Tuhan Omame Mondok Hokho logolik inailo mene hilingiterek a'nogo hinendawimo ebe'ni o. Eberek logolik, hiren hit hinagaila'lak inom, hinagainafuri inom, hinagagwi inom, hinawi wurik inom, mondogat telinabubagaigen hinomamerogo yabino o,” iluk yagaisasigi.

YESAYA 29:7

Andi nen ap pok mene esa-esangge o Yerusalem kota Allah obaget mezbah wurogo werek aiba a'nogo pin kwi wagik, hugesi wagik, tok kwelabi wagik, agarek mene andoma re aben hubanggo inabi wokhugunem weak-weak lek agarek andi hak mondogat longgo ugun.

YOEL 3:2

A'nogo hilinginafi logolik, afuni inunggulenu lombok inebe mondogat An nen andogorogo fisambik he, o tonggo fanoma wene inoba figik kotik igin oba andoma woginarek lagain o. A'nogo woginarek lambik he, iren An nagainafuri inoba weagerogo fisasukwasik it Israel mene inanggweang omanogo sumburogo helikhi logolik, An nagainafuri o ekhema-ekhema pugulogo wulaginafukwa andi nen he, o andoma An nen woginarek lambik wene inoba fagain o.

ZEFANYA 3:19

O andi asi wesigin sambul andiba re, afuni nen sebelhinarek logolik werek mene andi re An nen weagarogo fisagain, nen, ap ineisok wut warek mene re An nen inagap telogo fisagain, afuni hele warogo lakfisasukwa mene re An nen lologo woginarek hobuk fisa wesigin. It inomame leget fisugunem werek mene andoma An nen agamhogo re inelokhe heanerogo hilingfisagain, o yi kwe ti kwe nen inom, o kweangma yoma mondogaren inomen ogore, it andi re legeisogo fisigik, fogetfisigik, ugun.

ZAKHARIA 12:9

Inenggi andi sambul he ap inunggulenu lombogen Yerusalem inom weim yabi logoin iluk hilingiti logogun mene andoma re An nen inomame legetfisagain.

YOSUA 10:10

A'nogo wulifunem he, nineisena Tuhan nen afuni Amori mene inobabut mondok nonghonghogo hilinginafikhemo re, ineilenggen tentara Israel mene yerisasukwasik he inobakhe eintok palagaikhe. A'nogo hilinglagaikhemo, it Israel mene nen afuni inebe mondok hokhorogo o Gibeon nen inoatukwa. A'nogo inoatukwasik, fena ineluk mene re muginarek o tom Bet-Horon alema andoma pelakfisasukwasik, huli yatmaat o Azeka inom, Makeda inom, i ambutmo higit andoma mugisogo pelakfisasukwa.

YOSUA 10:14

At nineisena Tuhan nen afuni inendawimo inamolo mene inane hologo re, ebe afuni Israel werekwe agaikhesik weim yafunem, o inenggi misik sambul a'nogo hilingitikhe andi hangge re, o attak he a'nogo ekhe hilingitikhe lek, nen hobuk a'nogo ekhe hilinglasigin legat mene, we andi sambul hilinglagaikhe andiat.

YOSUA 10:42

Afuni Israel mene ineisena Tuhan he, it inebikhit a'luk it inobaget weim yabik lagunem a'luk he, we misigam weim yabik lagu meneba re, at Yosua nen raja-raja andoma inomame legaphogo fisasikhesik o it inomame a'ma welagaukwa mene omanogo telogo helasikhe.