ZAKHARIA 14:2 - Allah Wene Fano Wene Hupla Inane

² Tuhan nen yi afuni ti afuni inunggulenu lombok andoget fisambik o Yerusalem inom weim yabi kuageluk yagaisagain. Ma re kota andi telambik o wurik andoma mondogat sebelogo fakhigik, nen hemi o andi mene pailak hilinginafik, nen it afuni o andi mene inebe fena minggilogo re hele warinarek laluk inamingmingengge hilingisogo fisigik, nen fena minggilik logogun mene re o kota logouwageluk fisigik ugun.

ZAKHARIA 14:2 ပူးပေါင်းရင်းမြစ်များ

YESAYA 13:16

It inonggwarek ineilenggen kwelaginarek werek kwelek inomalik fou omanogo alperel isigik, inaiba omanogo telogo heligik, inagagwi omanogo inomameba pailak hilinginafik ikhi logogun.

YESAYA 4:3

Afuni inebe lombok o Yerusalem andoma herakfisamo logogun mene re, Allah nen telinabigin iluk tegelogo fisamo logogun andi nen he, it andi faget horek mene ikhi logogun.

YESAYA 5:26

Tuhan nen ap inunggulenu yatma mene wolinabumo it inebe weak-weakhogo nek wesugun!

YESAYA 65:18

An nen elalogo fesigi mene faget he hundik-handik hinanggilukhogo hinagaiyegetu mondok logoni. An nen o Yerusalem ket mene inagaiyek mondok hilingik awi elalogo fagain. Nen afuni andoma logogun mene re inagaiyegeti logogun.

YEREMIA 21:4

Tuhan afuni Israel mene ineisena Allah a'nogo nen yi'nogo ikhe iluk Zedekia yagasi loak, ”Zedekia, An nen he ap hat hagoromi sikhe sige weim yabugun mene fik foukhogo logolik, it ap raja Babel mene inom Kasdim mene inom hinawi leget endakwe labesi wagaikhasik werek mene andoma hinom yabugun iluk welagep mene andoma An nen oak waganogo fagain o. Tentara haren mene inasikhe andoma re An nen o kota enggen tulem andoma kaboget foumo logogin.

YEREMIA 34:1

Nebukadnezar raja Babel mene a'nogo agoromi tentara esa re it ap inunggulenu amu mene inom o negara amu mene inom at a'ma sebe iluk welagaukwa mene omanogo inom mangotukwasik iren o kota Yerusalem inom kota era'lukwe maserogo werek mene omanogo inom pin kwi wagaukwa sambul a'nogo re Tuhan ane an noba ikhe.

RATAPAN 1:10

At mene angge yi mene ti mene hokhorogo omanogo re at aselei mene nen telaga. A'nogo telagasik iren he o Allah Awi wuri'mo, it afuni Tuhan againafuri lek mene re o andi elonggoma kugun mondok lek, iluk ili werek aiba a'nogo kugunem aren eilenggen isikhe.

YEHEZKIEL 5:8

Andiba re, An Tuhan Lego Mondok welagirek mene a'nogo nen ikhi logolik, An he hat haselei mene asimbik he, it inunggulenu amu-amu mene ineil oba nen hat unggum wokhesigin o.

YOEL 3:2

A'nogo hilinginafi logolik, afuni inunggulenu lombok inebe mondogat An nen andogorogo fisambik he, o tonggo fanoma wene inoba figik kotik igin oba andoma woginarek lagain o. A'nogo woginarek lambik he, iren An nagainafuri inoba weagerogo fisasukwasik it Israel mene inanggweang omanogo sumburogo helikhi logolik, An nagainafuri o ekhema-ekhema pugulogo wulaginafukwa andi nen he, o andoma An nen woginarek lambik wene inoba fagain o.

YOEL 3:9

Wene yi, afuni inunggulenu lombok yagaisikhi logolik he, mel ino: Weim yabuogoluk fik fougetik, ap tentara inobabut mondok weak mene andogorogo fisigik, inagoromi inobabut mondok hibilik hebelek mene mondogat wesuageluk inayonggo figik, imbik he, weim sineli we'ni o.

AMOS 7:17

Tuhan nen ikhi logolik, hat hagwe re yanani hilingirik nugu mene hilinglasimbik, o kota kwe andoma yugunat hilingirik nikhi logogin. Nen, hat hagainafuri re inebe weim oba nen enek inoasugun. Hat hanggweang he ap amu mene inoba sumburisogoin, nen hat hebe re o kweang afuni Tuhan inonggot mene were'ma andoma nen wa'lasigin o. It Israel mene re inawi eroma nen yatma andoma woginapluk lakfisa logoin o,” iluk wenagetikhe.

ZAKHARIA 12:2

”An nen Yerusalem he, iwak anggur agai hinago mene hak hilingisogo fagain o, A'nogo hilingisogo foumo re o kweang it horok-horokwe werek mene andoma nen nogoin mene re, ap lugu-lugwi palhi logolik talo-talongge hilingitarek hakhogo hilingiti logogun, Nen, Yerusalem hukhogo kwelafu halok he o Yehuda anggweangma kota werek mene andoma, inomat hukhogo kwelaginabugun o.

ZAKHARIA 12:3

Oba nen linggene andi asi wesigin oba re An nen Yerusalem andi re helep enggin mene hakhogo hilingisogo fagain o, nen it inunggulenu ekhe mene nen lekhogoin iluk hilingisugun mene re inebe alomat laga logogun. Ap kweangma werek mene inunggulenu lombok omanogo re misik sebe imbik he Yerusalem inom weim yabi wesugun.

ZAKHARIA 12:9

Inenggi andi sambul he ap inunggulenu lombogen Yerusalem inom weim yabi logoin iluk hilingiti logogun mene andoma re An nen inomame legetfisagain.

MATIUS 22:7

A'nogo hilingitukwama re, at ap kain enupogot a'nogo esanggo holhikhesik, a'mage lagalik agoromi tentara mene lakfisasikhemo lagaukwasik, at ap kain amingmingengge inoatukwa mene omanogo inebe mondok warogo potfisasukwasik, inawi kota wurik andoma endu mondok fatukwa.

MARKUS 13:14

Wene a'nogo yagaisasikhesik he, ekhe mel yagaisasikhe: ”Hiren lisu palek yi re, enu salhi logolik fanorogo futfikhi logoino o. Afuni yi enggin ti enggi inoba fagain mene andi o wesa logogin oba kwi wesimbik mendek werek halok he, afuni o Yudea tongge werek mene andoma heise pugulogo tom ebene lagauwago.

MARKUS 13:19

O andi sambul weagat asigin andi re, attak Allah nen yi mene ti mene elalhikhe andi nen pikhit, o yogondak ya huli re, weak hokho andi hangge ekhe hilinglagi'lek mene, we misigam andi nek hilinglasimbik, hobuk ekhe hilinglasigin lego.

LUKAS 2:1

Andem higit he, ap kain Kaisar Agustus andi nen afuni o yi awi ti awi inenu lisu paluageluk wene yonggo wulakfisasikhe.