ZAKHARIA 13:1 - Allah Wene Fano Wene Hupla Inane

¹ Tuhan Omame Mondok Hokho mene a'nogo nen ikhi logolik, ”Linggene andi sambul he i elesi misik ekhe wulibi waga logolik, Daud ambisangma mene inom, afuni Yerusalem mene inom tugwi kembu fogerati logolik weak hilingiti lagaukwa mene omanogo horogo leget fisagain.

ZAKHARIA 13:1 ပူးပေါင်းရင်းမြစ်များ

MAZMUR 51:7

Eberogo nenat he an nagaisa alabutmo nenat weak ero noba agaikhemo re, nobabut weagat ta'nafikhe o.

YESAYA 12:3

I habub mene nen inendawinggenma sakot fisikherek hak, Allah nen hit hinagap telhinabigin andi nen hinagaiyegeti logogun.

YESAYA 4:4

Tuhan nen At omameba againafuri inawene katokhogo palhik, afuni nen perak endumo weragaisogo ebe mene enogo fagarek hak hilinginafik igin. Aren he o kota Yerusalem oba andoma nen ap inoatukwama inamep pisikhe mene andoma sobaligin.

YEREMIA 17:13

Tuhan nineisena, Hat he afuni Israel mene nen inendawinggen hoba eberek mene welagen o. Nen i inelugerinaferek mene re Hat hebeat welagen. Oba nen he it Hat herakhobagaluk lagaikharek mene inebe mondogat he inenggali asugun o. It he kweang welago mene yiba nen longgo imbik he afuni wa'la'luk lagaikharek oba andoma hela pugun.

YEREMIA 2:13

An nagainafuri nen he weak ebe pire mene yi'nogo hilingita: An nebe inelugerinafirek mene it inagai elesi a'nogo re inambotma heraknobagagasik, i mogo habulik mene forogo lagunem i yenggelu elo'lek welagarek andi higit hilingfakhaga o,” iluk ikhe.

YEREMIA 29:26

”Tuhan nen he hat hebe imam logouwageluk at Yoyada obali'mo menhobagaikhe o. Nen yogondak he hat o Tuhan aiba a'nogo yabu lego mene hilingiti lagen, hat heabu re ap lugu-lugwi palik mene nen an nabi welagi iluk ugu mene omanogo inalonggopma hele posiemanggen meneba homak fisugu mene welagen.

YEREMIA 33:8

An nen he iren weak An nelokhoma hilingiti lagaukwa mene andoma horogo herakfisagain, it inaweak inom nen ineranhogo wene lalinafi lagaukwa mene andoma inom An nen sagalogo legetfisagain o

YEHEZKIEL 36:17

”Afuni wa'lagaikharek mene yi re, afuni Israel mene it inanggweang oba werek mene nen iren weak mene hilingiri'lagwiba emerogo fakhugunem, An nen ebeti logolik, iren hilingiri'lagwi mene andoma re saliogengge hilingiri'lagwi anggikhi lagi, andi re hemi inamep lagarek mene hak hilingik.

YEHEZKIEL 36:25

Andi mondogat hilingfuluk hit hinebe hinanggembu oba nen inom nen yi weak ti weak hilingutunem hinebe emethinobagaikhe mene andiba nen inom An nen i eil wurik meneba sobalhinabigin.

YEHEZKIEL 36:29

Hit he yi weak ti weak hilingitunem emerogo hinobagali'lago mene andomaba nen An nen fikhalogo hinobagagin. An nenat gandum hokho-pokhorogo wilibuageluk hilingfoumo sik-pikhogo hilinglasigin, An nen hobuk hit hinamburu ouwak asuageluk hilinghinobagagin mondok lek

YEHEZKIEL 47:1

Ap andi nen an nekhengge sugulogo hondo'narek o Tuhan Awi wuri'mo kuguba solombonma andoma lagama, neilenggen higi re i elesi kwe andi a'ma nen fulogoumhogo timur fikhit andoma lagunem higi, nen o Tuhan Awi andi ogore elokhe timur fikhirat hilingik welaga. i andi re o Tuhan Awi wuri'mo kwe ambe palek mene a'ma andoma nen wulipluk he mezbah esanggo higithogo abel selatan fikhit andoma laga-laga.

IMAMAT 11:36

Yi mene ti mene amu mene re warek fili nen senhugu halok mondogat emetlaga logogin oba nen he, we i mogo inom nen i elesi agai mene inom enek he lek.

MIKHA 5:12

An nen hobuk he hiren tugwi kembu alik waganogo pugunet fuluk fogeratik, nen amu-amu mene andoma nen lebetninabigin iluk fogeratik, ikhi lagep kwe andoma wolelenggenhogo legetfisagain. A'nogo legetfoumo re hiren hinenggiba agauwak halfuluk fogerati lagep mene andi re ekhe fogerati logogun lego.

ZAKHARIA 12:3

Oba nen linggene andi asi wesigin oba re An nen Yerusalem andi re helep enggin mene hakhogo hilingisogo fagain o, nen it inunggulenu ekhe mene nen lekhogoin iluk hilingisugun mene re inebe alomat laga logogun. Ap kweangma werek mene inunggulenu lombok omanogo re misik sebe imbik he Yerusalem inom weim yabi wesugun.

YOHANES 1:29

Wene a'nogo isukwasik, nogo iluk, ohealekwe, at Yesus Yohanes oba wagunem eilenggen yet hasikhesik he, wene mel yagaisasikhe: ”Allah anggo domba mene nit afuni kweangma weak hilingitorek mene korogo herakfisagain mene a'nogo waga a'li hineilenggen yethani.

1 KORINTUS 6:11

Attak hit ekhe a'nogo hilingiti lagagip meneat he, yogondak he, Allah nen hinendawimo fano sobalogo hinobagaikhesik, hinebe at onggwarek faget fakhasikhemo welagebo. Wene hinoba welagaikhe mene andi, nineisena Allah Areagun nen ninoe Enupogot Yesus Kristus enuba, korogo wokhasikhesik Allah hinom hinambotkwe hunogo hinobagaikhemo welagebo.

1 PETRUS 1:19

Athe, onggo hokho meneba palogo telhinafikheo. Wam domba eak weak meneba fuk, we, domba eak mondok fano mene Allah faget amep wulagaisogo waresu hak, at Kristus amep wulagaisogo wa'lagaikhe andiba, hinonggo palogo telhinafikhe andi.

1 YOHANES 1:7

A'nogo meneat he, Allah ebe selek oba welagarek andi hak, nit ogo re, selek oba logolik, fano hilingiti lago halok, nit-nit nagailak-hagailak ninom hundik were'ma, nit weak hilingitunem at amlogo Yesus amep oba ho'ninafu mondok welagarego.

1 YOHANES 5:6

At Yesus Kristus kweangma pi wagaikhesik were'ma ima nek pelafukwa fuk. Ima pelafik, amep wulagaisogo watik, isukwa. A'nogo hilingitukwa iluk, at Allah Areagun nen wene eberogoat enek yaganisikherek mene a'nogo nen fakhogo yaganisikho welagarego.