ZAKHARIA 12:3 - Allah Wene Fano Wene Hupla Inane

³ Oba nen linggene andi asi wesigin oba re An nen Yerusalem andi re helep enggin mene hakhogo hilingisogo fagain o, nen it inunggulenu ekhe mene nen lekhogoin iluk hilingisugun mene re inebe alomat laga logogun. Ap kweangma werek mene inunggulenu lombok omanogo re misik sebe imbik he Yerusalem inom weim yabi wesugun.

ZAKHARIA 12:3 ပူးပေါင်းရင်းမြစ်များ

YESAYA 60:12

Inunggulenu mene inom o kerajaan oba andoma inom hat hobaget hilingisu inabit mene andoma re, inebe weagerinabumo re mondogat longgo ugun.

OBAJA 1:18

An nagainafuri Israel mene re endu higit asimbik, yabukwe engga lei ninggerek andi hak it Esau ambisangma mene omanogo re mondogat endu nogoin. A'nogo hilinglasumo re Esau ambisangma mene andoma misik iluk ogo ekhe linet lasugun mondok lego,” iluk An Tuhan nen nane mondogat igi!

MIKHA 5:8

Hobuk it Israel mene nen he it inaselei mene mabenet fisaluk inebe mondogat legetfisogoin.

HABAKUK 2:17

Hit hinaniniba afuni o yi awi ti awi welagaikharek mene inamep wulagaisogo inoatik, inawi kota sili mondok weagerogo figik ikhi logolik, o Libanon andoma e mondok mugusogo sukwalet fesigip andi hak, hinebe a'nogo mugusogo leget hinobagagin o. Hiren wam, sue paik andoma mene warogo legetfisasigip andi hak, wam paik sue andi nen hobuk lagokhogo hinailo mene hilinghinobagagin aro.

ZEFANYA 3:19

O andi asi wesigin sambul andiba re, afuni nen sebelhinarek logolik werek mene andi re An nen weagarogo fisagain, nen, ap ineisok wut warek mene re An nen inagap telogo fisagain, afuni hele warogo lakfisasukwa mene re An nen lologo woginarek hobuk fisa wesigin. It inomame leget fisugunem werek mene andoma An nen agamhogo re inelokhe heanerogo hilingfisagain, o yi kwe ti kwe nen inom, o kweangma yoma mondogaren inomen ogore, it andi re legeisogo fisigik, fogetfisigik, ugun.

HAGAI 2:22

O kerajaan-kerajaan werek mene andoma re An nen mondogat meisalogo lakfisambik it inalong werek mene re An nen wolelenggenhogo legetfisagain. It inangge kereta amboloba lagaluk weim yafarek mene inom, it waluk lagaikharek mene inom he, An nen enden-fanden isagain, inanggo kuda mondogat he wa'lasugun enek, nen, it ap amboloba lagaluk lagaikharek mene andoma re it-it wat-wat logoin.

ZAKHARIA 12:11

Inenggi andi sambul he o Yerusalem oba andoma lenggu-lengga mondok hokhorogo ugun, andi re o lembah Megido Hadad-Rimon faget le aga lagaikha hakhogo le asugun.

ZAKHARIA 12:4

Inenggi andi sambul he An nen kuda andoma mondogat inafekwe nonghong isigik, nen ap amboloba lagaluk lagu mene re An nen lugu-lugirinafik, nen it afuni Yehuda mene re An nen kagalinarek welagik, hilinginabigin oba nen he it inaselei mene inanggo kuda re An nen eil puk mene hilingisogo fagain.

ZAKHARIA 12:6

Inenggi andi sambul he Yehuda inap ineisok erokwe omanogo re An nen e wurogo nolek meneba endu fagaisogo kwelakfugunem amulok kulung hikherek hak inom, athe gandum enggen palugun horokse'ma anggele'ma endu fagaisogo kwelakfugunem hilingiterek hak inom, hilingisogo fisagain. Nen, iren he inunggulenu inera'lukwe werek mene omanogo leget fisogoin. Oba nen afuni Yehuda mene re o kota andomaat logolik inailo legengge logogun.

ZAKHARIA 13:1

Tuhan Omame Mondok Hokho mene a'nogo nen ikhi logolik, ”Linggene andi sambul he i elesi misik ekhe wulibi waga logolik, Daud ambisangma mene inom, afuni Yerusalem mene inom tugwi kembu fogerati logolik weak hilingiti lagaukwa mene omanogo horogo leget fisagain.

ZAKHARIA 14:13

Inenggi andi sambul, ap inunggulenu lombok andoma inoba Tuhan nen inendawinggen nonghong isigik, nen inailo mene hilingfisigik, umo re ap inebe lombogen inagaila'lak fena fikhit logogun mene omanogo fak fisaluk inebe inoati logogun.

ZAKHARIA 14:6

Inenggi andi asi wesigin sambul he, o sogoi inom, meiso sogenggen es mene inom ekhe logogin lek.

MATIUS 21:44

[Sa nen ebe pile helep andiba pi waga halok, ebe mondok wolelenggen tagalasigin o. Nen, helep andi sa oba sebeli waga halok he, ebe mondok alperelogo wasigin o,”] iluk,

LUKAS 20:18

Ap sa nen ebe pile helep andiba pi waga halok he, ebe mondok wolelenggen tagalasigin o. Nen, helep andi sa oba sebeli waga halok he, ebe mondok al perelogo wasigin o,” iluk yagaisasikhe.

WAHYU 16:14

Munggwarengge andi inebe re, Iblis agoromi mene afuni inoba louk i wagunem hilingisu lek mene elalin hilingitarek mene a'nogo aro. It a'nogo wulibi wagaikhasik he, Allah omame hokho yi mene ti mene hilingisu higit enek a'nogo awi wei igin andiba weim inom yabuogeluk, ap inenupogot yi awi ti awi andogerinabuogeluk, weim yonggo laga lagaikha isigi.