ZAKHARIA 12:2 - Allah Wene Fano Wene Hupla Inane

² ”An nen Yerusalem he, iwak anggur agai hinago mene hak hilingisogo fagain o, A'nogo hilingisogo foumo re o kweang it horok-horokwe werek mene andoma nen nogoin mene re, ap lugu-lugwi palhi logolik talo-talongge hilingitarek hakhogo hilingiti logogun, Nen, Yerusalem hukhogo kwelafu halok he o Yehuda anggweangma kota werek mene andoma, inomat hukhogo kwelaginabugun o.

ZAKHARIA 12:2 ပူးပေါင်းရင်းမြစ်များ

MAZMUR 75:8

Oba nen he, At Allah amu nenat inawene pilingisogo ayo wurinabigin. Arenat it ekhe sebelfisigik, nen ekhe legeisogo fisigik, igin.

YESAYA 51:17

Yerusalem yei, helugame o! Helugame o! Tuhan anini nen unggum hokho mene hoba pelabi wagama hikhi logolik welagen mene a'nogo mondogat lek aga o.

YEREMIA 25:15

Tuhan afuni Israel mene ineisena Allah a'nogo nen an noba ikhi logolik, ”Haren iwak anggur amusu An na'mage hinagongge figimo werek mene ari wanin o. Wanimbik he hat hebe An nen yi afuni ti afuni inunggulenu lombok welagaikharekwe andoma lakhobagaumo laluk he, anggur agai ari noageluk yagaisano.

YEREMIA 25:17

A'nogo ikhemo re an nen iwak anggur agai hinago a'nogo Tuhan enggiba nen wo'netemo wanhirik he, an nebe Tuhan nen yi afuni ti afuni inunggulenu lombok welagaikharekwe omanogo laluk, an nen it andoma anggur agai a'nogo noageluk hilingiti lagi.

YEREMIA 49:12

Ap unggum inoba asu lek hak mene ogore unggum helagarek enego, hit he helogoin lek iluga? Eberogo nenat hit he unggum helogoin o!

YEREMIA 51:57

An nen he ap pemerintah Babel mene inobaget yabu hilingiri'lagwi mene andoma inom, ap Babel mene inendawinggen wenggelek inap andoma inom, inogogwi ferinarek mene inom, inasikhe fisogo mene inom he lugu-lugwit fisagain. Andiba re it ekhe menlagi'lek mondok mondogat nogokhi logolik logogun o, iluk An nen mondogat igi. An nebe re Raja, Tuhan Nomame Mondok Hokho welagi mene a'nogo.

YEREMIA 51:7

Attak Babel he piala emas hakhogo An nenggiba were'ma o kweangma mondogat lugu-lugwit fisikhi lagaikhe. Ap inunggulenu mene re piala emas mene andiba anggur agai nenggarek engge nen lugu lugwi palhi lagaukha.

YEREMIA 8:14

Allah againafuri nen ikhi logolik, ”Nenahalok niren o yoma hurek-hurek mondok logogun nogo? Nit he o kota leget omamerogo waganek oba a'lima nogo lambik logouwogen we'ni o. Nineisena Tuhan Allah nen he nit ninebe lek akhoak iluk wene mondogat tekhogo ikhe. Niren At oba weak hilingitugu andiba ninebe wa'lasuageluk Aren arik weak mene noageluk wo'nisikhe.

HABAKUK 2:16

Nen hiren a'nogo hilinginafi lagep andi nen he yogondak asi waga mene andi re hit fano agaugwet hinabigiluk waga re fuk, athe hinenggali wagoro weaget hinabigiluk waga o. Agaugwet hinafarek mene andi hebekhogo hinenggali asu mene hilinghinobagagin. Tuhan nen unggum i amusu arik weak mene hinago omameba wokhisamo nambik, talo-talongge hilingisugun.

ZAKHARIA 14:14

Ap mene nek o Yehudaba nen he, o Yerusalem ili wanhi logolik weim yafi logogun. Hugulengge wanhu mene iluk he iren ap inunggulenu inera'lukwe logogun mene omanogo inangge mondogat emas inom perak inom, inasu kabogeritikhi logogin mene omanogo inom helikhi logogun.

ZAKHARIA 14:2

Tuhan nen yi afuni ti afuni inunggulenu lombok andoget fisambik o Yerusalem inom weim yabi kuageluk yagaisagain. Ma re kota andi telambik o wurik andoma mondogat sebelogo fakhigik, nen hemi o andi mene pailak hilinginafik, nen it afuni o andi mene inebe fena minggilogo re hele warinarek laluk inamingmingengge hilingisogo fisigik, nen fena minggilik logogun mene re o kota logouwageluk fisigik ugun.

WAHYU 14:10

afuni nen, i inom lek, we anggur enggen amusu nek ale weak mene hinatarek andi hak, Allah a'mage hit endawithinafi'lek, wene ninghogo hinoba fagain o. A'nogo hinoba fembik, nit malaikat Allah faget welagorek mene inom, Domba Eak a'nogo inom, nineilhanem hinebe, endu inom, hendali al hangge amben weak mene enu belerang inom, ninggerek oba andoma lakhinobagaumo heinet watu mondok logogun o.

WAHYU 16:19

A'nogo ugunem he, o sili hokho a'nogo kweang pakhogo henagan minggilogo hilinglagik, afuni inunggulenu lombok Allah ebe inonggot mene inawi sili lombok mondogat sanik-sanokhogo wolelenggen tagalagik, ugunem, Allah nen he, ”An na'mage hokho anggur amusu hinago hak a'nogo, at o Babel hokho a'nogo wogosigin,” iluk abok yagatikhe mene andi endawimo ebetesik, wogeti laga higi.

WAHYU 18:6

Nen, hit he andiba wene fogoin mene nen, aren it hilinginafi laga hagat, wene ebe oba fikhi logolik, ekhe inom oba loukhogo feino o. Nen, aren i melagisikherek andi hagat, anini inoba fikhi laga mene andi, onggo wene oba fikhi logolik, ekhe inom oba loukhogo feino o.