ZAKHARIA 12:1 - Allah Wene Fano Wene Hupla Inane

¹ Afuni Israel mene faget yagaisoageluk ikhe mene re yi. Tuhan nen pogot tiaganet figik, kweang elalogo figik, afuni inoba ineluk mene wogisigik, isikhe mene a'nogo nen ikhi logolik,

ZAKHARIA 12:1 ပူးပေါင်းရင်းမြစ်များ

KEJADIAN 1:8

A'nogo huli warogo amu-amu logouwageluk fesikhesik huli warogo ekhe pogot talagaikhe a'nogo enu pogot salhikhe. Salhikhemo nen enggi pirenek engge o hubagaikhesik he, o wei isikhe andi.

KEJADIAN 2:7

Tuhan Allah nen kweang endebat mene ekhe enggim wanhikhesik, ap misigat ekhe pugunhogo hilingitikhesik he, set inebe inelugerinaferek mene eleage ambisang elekwe furogo kwelakfesikhe. A'nogo kwelakfesikhemo, ap a'nogo arat eluk agaikhe.

AYUB 26:7

At Allah nen he pogot i yenggelek mene amboloba talogo fikhe. Nen kweang he we selek pele'ma kologo fesikhe.

AYUB 37:18

Hat hebe Allah higit a'luk henggi nen pogot hesagal enggen were'ma andi tualogo foumo re eloga, nen arigin fuluk afuni nen amulirengge eilafumak hangge mene inom, logam hangge inom kweisalogo haro asuageluk hilingfagarek andi hak hilingisumo eloga?

MAZMUR 104:2

Haren o pogot he tenda wurilogo talfugunem hakhogo talfesigin,

MAZMUR 134:3

At Tuhan pogot kweang elalhikhe mene andi nen, O Sion oba andoma hit hinebe fanot hinobagakhi logouwak!

PENGKHOTBAH 12:7

Nen ninagap he ambotkwe kweang al agik. Nen set ninelugeraterek mene a'nogo re sugulogo Allah were'ma lagik, igin. Andi re we At endawi fano nen weat wo'nisikhe mene hilingi'mo re a'nogo hilinglasigin.

YESAYA 40:12

Ap sa hagen i laut yagamaksek mene ari enggi agut oba ilirenggerogo walesu hak nogo? Athe pogot honggolek kweang honggolek tulem oma enggi si misik oba walesu hak nogo? Ap sa nen kweang oma enggin walhugu meneba walesu hak nogo? Athe tom inom punu inom obabut palhagarek meneba palu hak nogo?

YESAYA 40:22

Walhasikhe mene re kweang abuk-abuk waganek ari ambol oba hurek werego, afuni inebe At elokhoma re migindik-magendek no pulue hangge hilingik. Aren he, pogot ari re su kain hangge talogo fesikhesik, o sabu logogin oba wutarek higit wurogo fesikhe.

YESAYA 42:5

Nineisena Tuhan Allah nen pogot elalogo fesikhesik talogo figik, kweang ebe inom, yi mene ti mene oba fuleligin mene inom elalogo figik isikhe. Aren afuni inoba set inom ineluk logogun mene inom wogisasikhe, nen At amingmingengge mene oba re wene yi yagate:

YESAYA 44:24

Tuhan hinagap telhinaferek mene, hagaisa alabutmo oan werek kwelek pugun hafe mene a'nogo nen ikhi logolik, ”An hineisena Tuhan Allah nen yi mene ti mene andoma mondogat elalogo fesigi, An namu nenat pogot tiaganet figik, nen it ekhe nen lebetniigi'lek kwelek, kweang elalogo figik, isigi.

YESAYA 45:12

An he Tuhan kweang walhasigisik, afuni logouwageluk ogo elalinafigiat. An nomameba pogot tiaganet fesigi, higithogo hilingitu mene nek omamet lasuageluk hilingitigi, nen mo inom, tugi inom hesagal inom fanorogo afe halogo fisasigi.

YESAYA 45:18

Tuhan nenat pogot walhasikhe, At ebere Allah! Arenat kweang walhogo fesikhesik, kweang oba werek mene mondogat elalogo fesikhe, a'nogo hilingfesikhesik, hambuk lele warogo menfesikhemo werek andi. Aren obalik we selek logouwageluk elalhikhe fuk, oba nen he obalik andomaba logouwageluk elalogo fesikhe. At ane ikhi logolik, ”Tuhan he An namunek welagi o, amu mene ekhe werek lek,” isikhe.

YESAYA 48:13

An nenggiba nen kweang ubule warogo fesigi, nen An nenat helage palogo huli warogo fesigi. A'nogo walhogo fisasigi andi nen he An nen inenu uluk wolisugunem he ferekhogo nek elalagaikhe.

YESAYA 51:13

Haren he Tuhan elalogo hobagaikhe mene oba inom, pogot tiaganet figik, kweang ubule warogo figik isikhe mene a'nogo oba inom honggoragendik hilingiti lagen nogo? Nenahalok hat he lingge inukhogo hoak leigeti logolik afuni inoba weak beakhogo hilingfisigik, inaniniba weagerinafik agarek mene omanogo inoba hailorinafi lagen nogo? Ibi-eberogo nen he iren ina'mage lagaluk hit hinoba hilingisugun mene andi re omame werek lego.

YESAYA 57:16

An he nagainafuri inoba mondok- mondok faget weagerinafirek mondok lego, hobuk faget inom An nen na'mage inoba fikhi lagi legaro, An nenat it ineluk logouwageluk hilingfisikhi lagimo re, iren inoba lebelek a'luk hilingiti logoinogo.

YEREMIA 10:12

Tuhan Omameba kweang elalogo fesikhe, ungguloak kagalek obare kweang mondogat hilingisogo fesikhe, nen awenggelek obare pogot tiaganet fesikhe.

YEREMIA 30:10

An nagainafuri Israel mene re hinailosu fugo! An namingmingengge Yakub he hoak leigesu fugat! Hat inom hat hambisangma mene nen tagomangge mene inom he o kweang mondok yatma hit hinenggi hele warogo hinobagasukwama andoma nen hinagap telogo hinobagagin. Hit hinambotkwe hinaiba wesimbik hinailo legengge logogun. Hiren hinailoratu mene ekhe logogin lek, hinabolok legengge fano liokhogo logogun.

YEREMIA 30:16

Oba nen hit pilhisikhi lagaikha mene andoma yogondak he it ogo mondogat pilisagain. Nen hit hinaselei mene re hele warogo huginabi lagaikharek oba andoma fisa lagain. Nen ap hit sebel hinobagakhi lagaikha mene andi re An nen ogo sebelogo fisagain, nen it inenggi abisak wanharek mene nen weaget hinafi lagaikha mene andi re An nen ogo weagerinabigin aro.

YEREMIA 38:16

A'nogo igimo nen he at raja Zedekia nen ane linglong an noba ikhi logolik, ”Allah mondogat eluk werek, Allah nen ineluk hilingfisikherek mene andi enuba an nen hombuk palhi laginggere an nen hat hebe hoatik, nen aben hoasuageluk ap inenggimo hobagagik, igin lego,” iluk yaganete.

YEREMIA 50:34

Oba nen An he it inagap telinafu mene mondok nomame mene welagi, nen Nenu re Tuhan, Nomame Mondok Hokho welagirek mene a'nogo aro. An namu nenat it inawene andi faget ero pilingisimbik he, o kweangma andoma inendawinggen serogo logouwageluk hilingfisa wesigin o. Oba nen afuni Babel mene inoba re, yei wene inom inailo mene inom lakfei wesigin,” ikhe.

YEREMIA 51:15

Tuhan nen he At omameba kweang elalhikhe, Endawinggen wenggelek oba re kweangma mondogat pugunhogo fesikhe, At hebelek oba pogot tiaganhogo fesikhe.

RATAPAN 2:14

It ap nabi nen hat yagaheti lagaukwa mene omanogo re, we ineranhogo wene inom lalogo wene inom enek yagaheti lagaukwa. Iren he hat haweak werek mene a'nogo weinamet fikhi lagaukwa lek, andiba re hat hobabut agaum eti lagagin lek andi o. Hebekhogore iren hat hoba yagaheti logolik inane nen lalek wene inom hendawinggen wanhu mene inom enek yagaheti lagaikha.

YEHEZKIEL 18:4

Afuni inebe lombok inareagun andi re An mene werek, ap inalue mene inom yenggerugwi magendek mene inom andoma inareagun he An mene nek were'ma re. ap ekhe weak hilingitu halok he ap andi ebeat wa'laga logogin.

YOEL 3:19

Meneat he, it Mesir mene nen inom, Edom mene nen inom, afuni Yehuda mene weak hilingiti'le'maat, inaiba andoma were'ma inamep wulagaisogo inoatukwa andi nen he, o Mesir he lei kweang amusu mondok iringi'mo hilinglagik, O Edom he esilek lei mondok pirim-pirim uguba hilinglasumo re, afuni inebe andoma ekhe logogun mondok lego.

ZAKHARIA 9:1

Tuhan nen wene wulafikhe a'nogo re yi. An nen he, it o Hadrakh mene andoma inom, kota Damsyik mene inom wene inoba fagain iluk wenggelogo figimo werego. It Israel mene nek he lek, oba nen he it o ibukota Siria mene inom andoma re, An hineisena Tuhan nonggwarek mene o.

MALEAKHI 1:1

Tuhan nen ane afuni Israel mene yagaisoagaluk ap Maleakhi oba fesikhe re, yi.

BILANGAN 16:22

A'nogo isikheba nen, Musa Harun emberek inelokhe kweangma sagaumeti logolik mel isukwa, ”Allah nineisena, Haren enek ineluk welagaikharek mene andoma eluk logouwageluk wogisikhi lagen. Ap misigen weak hilingituba re Haren afuni mondogat inoba ha'mage fisa hak nogo?” isukwa.

IBRANI 12:9

Nen, nit nineisugwi ninebe ta'ninafa mene nen komotninafunem, inane hologo agaukhogo hilinginaforek andi hak, nineluk logouwageluk nineisena nen ninendawimo ket ta'ninabi'logo mene ane hologo agaukhogo hilingisugun lek nogo? At ane hologo hilingisugun aro.