ZAKHARIA 11:4 - Allah Wene Fano Wene Hupla Inane

⁴ Tuhan Allah nen an noba ikhi logolik, ”Hat hobabut he ap gembala nen inanggo domba warogo senggelhu mene faget halhu mene logolik hilingitarek hak hilingiti logoino.

ZAKHARIA 11:4 ပူးပေါင်းရင်းမြစ်များ

MAZMUR 44:22

At Allah re, nit ninendawimo nen hinagaisogo ebeti lago mene ogore mondogat weinam enek nisili'lagoma re, At Allah nen fut ninobagau hagaro.

MIKHA 5:4

Nen, Aren he afuni fano liokhogo logouwageluk hilinginabigin. Ap tentara Asyur mene nen ninoasuogeluk o himbirengge leget pa'leget waganek mene omanogo langgukhogo filik kwi wagunem, nit ninogogwi kaindek inomame werek mene re it inoasuageluk inebe higithogo penogo menfisogoin. A'nogo menfisamo iren he nit ninebe ap Asyur mene inenggimo nen telninabimbik he it inasikhe inom, inarige kabelek inom oba re ap Asyur mene inaiba andoma sebelugun.

ZAKHARIA 11:7

An Zakharia nebe, it domba onggo palharek inap omanogo nen domba watu mene omanogo halhi logouwageluk onggo palnafa. Nen, an nandomuk he ebe pire mene were'ma re, ekhe enu, ”Endawi fano” salhigi, nen ekhe re, ”Hele homago” salhi. A'nogo salhirik he an nen domba omanogo halhu mene erorati.

ZAKHARIA 14:5

Hit he, punu andi pire pelanget lasumo re fanggong kwe andi nen heise logoin. Hit he attak hun Uzia afuni Yehuda mene faget raja mendek were'ma it inombalak o lugul inailo nen heise lagaukwa a'nogo hak, hilingisugun. A'nogo hilingisumo re, an Neisena Tuhan Allah ebe re malaikat inebe mondogat inom seberogo wesugun.

MATIUS 15:24

A'nogo yagatukwama, at Yesus nen he, mel yagaisasikhe: ”Allah nen it afuni Israel mene inebe re, wam domba longgo i lagarek andi hak werek andi nen, it enek isa lan iluk laknobagai wagama o,” iluk yagaisasikhe.

MATIUS 23:37

At Yesus nen a'nogo yagaisasikhesik he, ekhe mel yagaisasikhe: ”Eigo! Hit afuni o Yerusalem mene yi nendawilage! Hirenat ap Allah ane yagaisagarek mene inebe inoatik, ap Allah nen inayonggo fuluk lakfisa wagarek mene heleben tamuk-tamakhogo inoatik, ikhi lagep andi nendawilage. Sue ayam eagwi ogolabi a'ma andogorogo fisikherek andi hak, an nen hundik-handigat hit o yoma welagep mene mondogat a'nogoat andogorogo hinobagagin iluk anggikhi lagi meneat he, hiren, ”Ninabit,” ikhi lagep andi, nendawilage.

YOHANES 20:17

A'nogo hai watikhemo re, at Yesus nen he, mel yagatikhe: ”An nebe neisena oba lagagi'lek oan welagi andi nen he, henggi abirogo fetnarek logogun o. An nagoromi wene yi'nogo iluk, yagaisa Ian o, An inom, hit inom, nineisena Allah oba himbirik welagorek mene a'nogo oba lagaigeluk ikhi lagi, ikhe iluk nagoromi yagaisa Ian o,” iluk yagatikhemo,

ROMA 15:8

Wene andi faget ekhe yagahisak. At Kristus wagaikhesik he, it inagap inenggalimo mene palek Yahudi mene omanogo inawe a'ma kwisikhe andi. A'nogo kwisikhe andi re, Allah nen he: ”An nen yi'nogo hilinginabigin o,” iluk ninambulak abok yagaisikhi lagaikhe a'nogo eberogoat ebe agik,

EFESUS 1:3

Ninoe Tuhan Yesus Kristus eisena Allah at fogerati logouwogo. Nit Kristus ninom hundik were'ma, at Allah nenat fano mene mondogat ninendawinggen faget pogoroba nen wo'nisasikhemo welago.