ZAKHARIA 10:6 - Allah Wene Fano Wene Hupla Inane

⁶ Tuhan nen ane ekhe inom ikhi logolik, ”It afuni o Yehuda mene re An nen inomamet fisagain o, Afuni Israel mene re An nen inagap telinabigin. An nen it inoba nendawirinafi lagimo re, woginarek nekhengge it inawi eroma fisa wesigin. An nen it ekhe inunggulenu mene inoba herakfisigi'lek wene warisasigi hakhogo, it inoba ogo mondok fanorogo hilinginabigin o. It ineisena Tuhan Allah re we An namu nek welagi hilingi'mo re, iren samban ugu mene An nen inane nesanggo holhi logogin.

ZAKHARIA 10:6 ပူးပေါင်းရင်းမြစ်များ

MAZMUR 89:21

An nen namingmingengge Daud ebe wenatirik he, minyak unggul oba kweisalogo ebe menfigi.

YESAYA 11:12

Tuhan nen he bendera misik ekhe yi afuni ti afuni faget liak fagain. A'nogo Aren inunggulenu Israel mene inom, Yehuda mene inom, o kweang wurep-wurep hesangge-pesangge werek mene omanogo woginarek weri'logo iluk enegengge re poksu a'nogo kelogo fagain o.

YESAYA 14:1

Tuhan nen he nekhengge At againafuri Israel mene endawirinabimbik At onggwarek mene asuageluk tegelinabigin. Aren he it inebe nekhengge inawi eroma inonggwaregen mene omanogoba logouwageluk fisa wesumo re ap pok mene yatma nen it inoba sebesi we'luk inom andoma logogun.

YESAYA 41:10

An ninom logogun enggere, hailo asu fugo, Hat heisena Allah re An nebeat andi nen he hendawinggen fisu fugo. Hat he An nen wuriget hafik lebethiigik ikhi logogin. An nenggi omameba wokharek laga logogin.

YESAYA 54:4

Hat henggalirogo hilinghobagagun lek enggere hailo su fugo, nen inane aik weak wenakhetik, yinggilogo hilinglagik igin mondok lego. Hat hebe sougwe logolik tiphogo hilingiti lagagin lek mene omanogoba honggoragik, nen hane tingi tongorogo welagagin mene a'nogo oba ekhe ebet higi'lek welagik, igin o.

YESAYA 54:8

An na'mage hat hoba figirik, we elama faget hebe obokhogo hobagagi o. Oba nen An nendawi hundik mondok hilinginafirek mene a'nogoba nendawi hundik hilinghafi lagi o,” iluk Allah hit hinagap telhinaferek mene a'nogo nen ikhe.

YEREMIA 23:6

Nen, aren melalinafunem he afuni Yehuda mene re inagap telek logogun, nen afuni Israel mene re inailo lekhogo logogun. Raja andi faget he Tuhan nit ninagap telherek mene ikhi logogun.

YEREMIA 3:18

Israel he Yehuda inom sebesimbik he it inebe ambine o sabu huginibi logoin oba andoma abel utara fikhiren wesugun. It he o kweang An nen it inombawi inoba it eise asuageluk wogisasigiba andoma sugulogo wesugun o,” ikhe isikhe.

YEREMIA 30:18

Tuhan ane ekhe inom ikhi logolik, ”Hit An nagainafuri re nendawi hundik hilinghinabigin, nen hit hinanggweang hinonggwaregen mene omaba re An nen halogo hinobagagin. O Yerusalem nekhengge wutik, nen ap raja were'ma re nekhengge pugunetik, igin.

YEREMIA 30:20

Hit hinunggulenu mene re attak hilingik welagaikhe hakhogo mondok-mondok logogun, nen An nagainafuri tagomangge mene mendek logogun. Hit mondogat sebelogo hinobagali'lagwi mene andoma re An nen unggum wogisagain.

YEREMIA 31:1

Tuhan ane ikhi logolik, ”Inenggi ekhe wesigin meneba re An he afuni Israel mene inunggulenu mondogat faget ineisena asigin, nen it he An nagainafuri asugun.

YEREMIA 31:20

Israel ao, hat hebe re An nomalik nendawinggen hundik mene o, nendawi hundik hilingik welagi mene, nendawinggen tulem mene welagen. An nen hat wenakhe'luk hagut palhealugen he, nendawi ou agunem hat hobaget ebet hiugu welagi. Hat he An nen mondogat nendawit habimbik fanorogo hilinghobagagin.

YEREMIA 31:31

Tuhan nen ikhi logolik, ”Linggene ekhe asi wesigin oba re An nen afuni Israel mene inom Yehuda mene inom, ninom wene ket mene wasugun.

YEHEZKIEL 36:11

Afuni inom, hinanggo inom, An nen ekhe inom oba loukhogo wokhisugunem, attak he maben hak welaga oba nen he, mondok hokho-pokhorogo sik pik ugun, nen iren he, inagainafuri inom, inombawi inom, hokhorogo taginabugun. It inebe re o andoma attak welagaukwa hakhogo were'ma An nen sik pikhogo ekhe hikhi lagaukwa lek mene hilingfisagain. Andiba re, iren An Tuhan welagirek mene a'nogo inelu asugun.

YEHEZKIEL 36:37

Tuhan Lego Mondok welagarek mene a'nogo nen ikhi logolik, ”Hinunggulenu Israel mene yi sani, hit he An nen lebethinabuageluk kino yaganeti logoni, iluk yagahisagain aro, An nen hit hinebe hokho-pokhorogo domba esa welagarek andi hak hilinghinobagagin o.

YEHEZKIEL 37:16

”Afuni wa'lagaikharek mene yi re, tomuk misik ekhe wanimbik he, lisu amboloba yi'nogo palfein, ’Kerajaan Yehuda’ iluk palfuluk he, tomuk amu mene ekhe waluk ane amboloba re, ’Kerajaan Israel’ iluk palfeino.

YEHEZKIEL 39:25

Tuhan Lego Mondok welagarek mene a'nogo ane ikhi logolik, ”Oba nen he yogondak Yakub ambisangma ta'lagaikha mene afuni Israel mene andoma An nen nendawi hundik hilinginafik, nen it attak welagaukwa hak inangge hokhorogo logouwageluk hilingfisigik, igin o. A'nogo hilingfisagain andiba re An nenu a'nogo legeisogo fikhi logouwageluk hal fikhi logogin.

HOSEA 1:11

A'nogo yagaisambik, afuni inunggulenu Yehuda mene inom, Israel mene inom, hobuk inambotkwe lambulogo misi'mo fisugunem, iren inoe kain raja misik mene nen ferinarek logouwagaluk menfogoin o. A'nogo menfembik inaiba andoma were'ma, inebe hokhorogo sik-pik igik, inenggi werekhogo welagik, ugun o. O andi sambul he, An nen afuni Israel mene inebe sumburu awi kweang fano heisele'ma yatarek hak yaginabigin, iluk u hak he, hari enu Yizreel igi andi esin mene asigin o,” iluk yaganete.

HOSEA 1:7

Oba nen he, An Tuhan, it ineisena Allah nen afuni Yehuda mene andi nendawirinabimbik telinabigin o. A'nogo meneat he, sikhe oba inom, karok oba inom, weim yafarek mene ekheba inom, ap tentara kuda ba lagaluk yafarek meneba inom, telinabigin lego,” iluk yaganete.

HOSEA 14:9

Hobuk afuni Israel mene nen tugwi kembu fogeratarek mene omanogo herak fisogoin. A'nogo herakfisugunem, An nen it ferinarek logolik, iren nayonggo fugunem inane nesanggo holhi logogin. E engga hokho mene a'ma kun welagarek andi hak, it inebe An nawe a'ma fano sebelinarek logogin. A'nogo were'ma, yi agayo ti agayo enggen iterek hak, yi mene ti mene fano mene andi ero Anat andi nen he, Anenat wogisikhi logogin, iluk An Tuhan nen nane arat igi o,” iluk yaganete.

HOSEA 2:23

An nen nagainafuri hinebe hinaiba andoma fano mondok logobagaigeluk hilinghinabigin. Hit faget ikhi logolik he, Nabit mene, iluk igi mene andi, hobuk An nen hit hinebe nendawit hinafi logogin o. Nen, Hinebe An nagainafuri lek, iluk isigi mene andi, hobuk An nen, hit An nagainafuri o, iluk igik, nen, hiren he nit nineisena re Allah aro, iluk yaganetik, ikhi logogun o,” iluk ikhe.

OBAJA 1:18

An nagainafuri Israel mene re endu higit asimbik, yabukwe engga lei ninggerek andi hak it Esau ambisangma mene omanogo re mondogat endu nogoin. A'nogo hilinglasumo re Esau ambisangma mene andoma misik iluk ogo ekhe linet lasugun mondok lego,” iluk An Tuhan nen nane mondogat igi!

MIKHA 4:13

Tuhan nen ikhi logolik, ”Hit afuni o Yerusalem welagep mene yi. It hinaselei mene andoma hineisogen alperelogo fisobagaigen he lani o. An nen wam sapi andimuk besi meneba inom, eisok a'lip tembaga meneba inom hilingik hak hilingisogo hinobagagin. Nen, hiren he afuni inunggulenu lombok inebe hokhorogo alperelogo inoatik, inangge yi mene ti mene onggo hokho mene hugul helasukwa mene andoma hiren wanimbik he, An hineisena Tuhan o kweangma yi awi ti awi mondogat faget welagirek mene a'nogo nobaget feino o,” iluk yagaisikhe.

MIKHA 4:6

Tuhan nen ikhi logolik, ”Afuni An nen wene inoba fisasigimo hele warinarek lagaukwama yi enggin ti enggin hugu welagaikharek mene andoma hobuk An nen andogorogo fisa wesigin sambul werego.

MIKHA 5:3

Ap enupogot omame hokho mene andi hobuk arat waga halok he Aren nineisena Tuhan Allah a'nogo omameba At againafuri ferinarek logogin. A'nogo ferinarek were'ma afuni yi awi ti awi welagaikharek mene re At omame mondok hokho mene werek iluk fok tiarogo liafunem he, Aren againafuri mondok fano liokhogo were'ma ferinarek logogin.

MIKHA 5:8

Hobuk it Israel mene nen he it inaselei mene mabenet fisaluk inebe mondogat legetfisogoin.

MIKHA 7:16

A'nogo hilingitunem it afuni inunggulenu amu mene andoma nen ineilenggen healuk he, iren ninomame werek iluk anggili'lagwi mene andoma re, hilingisu lek hak iluk futfuluk inenggali asuak. Nen, iren inelouk-pineloukhogo hilingitarek mene andoma mondogat longgo ugunem he, inane igi'legat inesanggo holhi'legat logouwak.

ZAKHARIA 1:16

Yogondak he, An nebe nambotkwe o Yerusalem sugulogo lambik o kota andiba inagap telogo fisa lagain o. An nawi a'nogo nekhengge wusimbik he o kota Yerusalem andi hobuk ambotkwe fanorogo wusugun o,” iluk yaganete.

ZAKHARIA 10:12

An nen nagainafuri inomamet fisagain, andi nen he, iren An nane hologo hilingiti logolik An nobaget enek hilingitu logogun, iluk An Tuhan nen nane mondogat igi o.” isikhe.

ZAKHARIA 13:9

We minggilogo fena sepertiga nen enek he linerisogoin. Andi nen he, it andem enek he afuni nen perak endu oba ebe mene weinam asuageluk weratarek andi hakhogo enogo horinabigin o. Nen, it he emas ebe meneba nen weak mene iluk walhagarek a'nogo hakhogo it andi re An nen inobabut paligin. A'nogo hilingiti logolik iren samban An noba ugunem An nen onggo yagaisikhi logogin. Nen An nen it inoba re hit An nagainafuri o iluk yagaisagain, nen iren ogore An faget Nineisena Tuhan Allah re At aro, iluk fakhogo ugun o,” iluk isikhe.

ZAKHARIA 8:11

yogondak it inunggulenu yiba nen fena ineluk werek mene andoma re, An nen it attak inoba hilingfisikhi lagagi hakhogo re lek oba nen, we mondok hunikhogo ekhe hilingfisagain o.

ZAKHARIA 9:16

Linggene andi sambul weinam asi wagunem, ap gembala nen inanggo domba telogo fagarek hak, An Tuhan nen nagainafuri inagap telinabigin. It he An Tuhan nanggweangma andoma nen mahkota permata eil amuilit mondok tibelenggeterek andi hak, hilingik logogun.