ZAKHARIA 10:3 - Allah Wene Fano Wene Hupla Inane

³ Tuhan en ikhi logolik, ”An nen it ap inalong logolik, An nagainafuri melalinafarek mene andoma na'mage inoba fugu welagi hilingi'mo re, it andi re unggum wogisagain o. Oba nen afuni Yehuda mene re An Nonggwarek mene, nen, An Tuhan Nomame Mondok Hokho mene a'nogo nen it andi halinafu logogin. It inebe re, An nen nanggo kuda weim mondok aninirogo yaferek mene hangge hilingisogo fisagain.

ZAKHARIA 10:3 ပူးပေါင်းရင်းမြစ်များ

AYUB 39:25

A'nogo inoba wulibuogoluk pinggong anet fugunem iget figi'lek irim esi lagaluk weim yafunem ebe yatma nen inamben palhik, ap tentara inogogwi mene nen, Yigit feino, tigit feino, iluk inane hokhorogo ugunem obabut hombunat logolik afe mot fisaluk welagarego.

KELUARAN 4:31

A'nogo hilingitukwama, it ap omanogo nen, eberogoat, iluk futfesukwa. It Musa Harun emberegen, ”Tuhan nen hit afuni Israel mene eilenggen wokhinafik, yi enggin ti enggin hugunem eilenggen hisigik, ikhemo o,” iluk yagaisasukwama inesanggo holhukwasik he, ineindep awi yagaisogo Allah fogeratukwa.

AMSAL 21:31

Aben weim yabuogeluk sige sikhe fougetfuluk inangge kuda hokhorogo fougerasugun meneba nen ogore, inomame agarek mene andi re we At Tuhan nen enek omamet fisikherek.

KIDUNG AGUNG 1:9

Hat he an nendawi hundik mene o, hat hebe re wam kuda holou mene ap raja Mesir angge kereta li'luk wagarek a'nogo hangge hilingik welagen.

YESAYA 10:12

Oba nen Tuhan nen ikhi logolik he, ”An nen punu Sion oba inom nen o Yerusalem oba inom hilingiti lagi mene andoma mondogat neilenggen hambik he, An nen ap raja Asyur mene andi winik-wonok ikhi logolik onggwarek legeisogo fakhili'lago mene andi unggum wogosigin o,” ikhe.

YESAYA 24:21

O andi sambul Tuhan nen he it pogot tulem oma inomame welagaikharek mene inom, raja-raja kweangma welagaikharek mene inom, unggum wogisagain.

YEREMIA 10:21

A'nogo ugunem an nen onggo ikhi logolik, ”Ap nit ninogogwi fetninarek welagaikharek mene andoma re mondogat kembu higi. Iren hilingisugun mene faget Tuhan nen yaganisoageluk kinori'lagwi lek andiba re ambisangma nonghong ili'lagwi. Nen nit he yi kwe ti kwe nalek-falek welagoat andi.

YEREMIA 11:22

Andiba re nineisena Tuhan yi'nogo ti'nogo hilingisu higit enek mene a'nogo nen ikhi logolik, ”An nen it inoba unggum wogisagain o! Ap souge it mene re weim elema nen wa'lasugun, nen it inagainafuri yenggerugwi mene re sumburu nele nen wa'lasugun.

YEREMIA 25:12

A'nogo hilingitu logombigen he An nen raja Babel mene inom afuni inunggulenu o andoma mene inomen inaweak hilingiti logogun mene andoma faget unggum wogisagain. O Babel kweang andiba re An nen meisak lambukhogo potfisamo re mondok-mondok faget wolelenggen tagalogo hilingik logouwageluk herakfisamo logogin.

YEREMIA 25:34

Yago, hit ap kaindek ferinarek welagep mene inom, hit ap gembala lak Tuhan againafuri halinafi lagep mene inom yoma sani! Hit hinebe hinoasigin huli a'nogo arat horogasi wagik, nen longgo uageluk nalek-falek hilinghinobagagin oba a'nogo horogasi wagik, ikhe andi nen he, hinane kwi kwerogo le aga logoni o! Wul ebene limbik lambagengge laga logoni. Hit he iwak kweang meneba fanorogo pugunsek meneba nen kobokhogo pikhi logolik halok ikherek andi hangge asugun.

YEREMIA 50:6

An nagainafuri re ap domba konharek mene nen tomkwe herakfisugunem longgoluk welagarek hak werek. It he tom ekheba nen ekheba leil warik laga logolik inaiba ebe toma werek iluk he inonggot logolik hakhogo hilingirik nikho.

YEHEZKIEL 34:11

Tuhan Lego Mondok welagarek mene nen ikhi logolik, ”An nonggwaregenat domba andoma heraginabimbik halinafi logogin,

YEHEZKIEL 34:12

An nen he ap gembala nen at anggo domba heraginabi laluk, hesangge pesangge werek mene omanogo misi'mo kaboget fisa we'luk halinafarek hakhogo, It nagainafuri andi re inebe linggene mum mene weagerinaferek mene andiba nen nalek falek werek mene andoma woginarek fisa wesigin.

YEHEZKIEL 34:2

Afuni wa'lagaikharek mene yi re, haren ap raja Israel faget werek mene wenagisaluk he An Tuhan Lego Mondok welagirek mene nen it inoba ikhi lagi mene yi yagaisan o, ”Hit gembala Israel mene inobaget welagep mene andoma re alomat lakhikhi logoni o. Hiren he domba inobaget wenggelhi'legengge we hit hinonggwarek mene faget enek wenggelhi lagep.

DANIEL 11:32

A'nogo hilingitunem he, raja a'nogo awenggelek oba re it ap Allah fogeratarek mene a'nogo herakfuluk wulibugun mene omanogo at lebethikhi logouwageluk inendawimo kagalhi logogin. Oba nen it Allah ane hologo hilingiti logogun mene re inailoti'lek at ane sagalogo fuluk hilingiti logogun.

ZEFANYA 1:8

Tuhan nen ikhi logolik, ”Linggene inoasigin oba andi re, An nen afuni inogogwi kaindek-kaindek omanogo inom, nen it ap raja inagainafuri inom, nen it ap pok mene andoma nen it inawene holfuluk hilingitarek mene andoma inom, unggum inoba fagain o.

ZEFANYA 2:7

It afuni Yehuda mene fena endebengge wulibugun mene re hinawilokwe andoma logogun. Iren he inanggo kwe andoma konhi logolik o hubagunem it afuni Askelon mene inawilokwe andoma nogokhi logogun. Andi re it ineisena Tuhan Allah nen awe a'ma ferinarek were'ma, it inebeba inom inangge yi mene ti meneba inom hobuk ambotkwe fanotfisugunem he sik-pikhogo mondok logogun andi.

ZAKHARIA 11:17

Gembala we alomarogo werek mene andi re homan ugu logouwak! At he, domba halinafu mene omanogo hesanggema heilat fisaluk werek andi. Weim oba nen at along logogin mene a'nogo mondogat wurep kobok igin, nen, enggi omame legagik, eilenggen pikhit-fikhit mene mondogat pugagik, igin o.” iluk yaganete.

LUKAS 1:68

”Nit afuni Israel mene andi nineisena Tuhan Allah nen eilenggen nisa wagasik telninafe andi nen he, at fogerati logouwogo.

1 PETRUS 2:12

It afuni endakwe mene Allah inonggot mene hinom logolik, iren he, hit weak hilingiti lagep mene halok, ”It weak hilingiri'lagwi o,” iluk hinabok weak ikhi logoligat he, hit hinobabut fano hilingitunem ineilenggen hisikhi logombik he, afuni nen at Allah ebe hobuk wagunem fogerasuageluk hit hinobabut higithogo hilingiti logoino o.

RUT 1:6

Enggi miren hakhogo were'ma nen he, afuni ekhe nen ikhi logolik, ”Afuni Israel mene re, ineisena Tuhan nen yi mene ti mene awi yatha mene fanot fisikhemo, elok nili'lagwi,” iluk ugunem esanggo holhikhe. A'nogo holhikhesik, a'logomi amlogomi inagagwi aremnogo inom o Moab herakfisaluk wesuogeluk inasunggwe tegelogo fesukwa.