ZAKHARIA 10:10 - Allah Wene Fano Wene Hupla Inane

¹⁰ O Mesir en inom Asyur en inom An nen it inaiba sugulogo woginarek wesigin. A'nogo fisa wesimbik, it inonggwarek inanggweang oba andoma fisamo logogun. An nen o Gilead inom Libanon inom ogo woginarek wesumo, o kweang andomaba mondogat it mene nek hoporek logogun o.

ZAKHARIA 10:10 ပူးပေါင်းရင်းမြစ်များ

YESAYA 60:22

Nen we it afuni ineisok erokwe inebe endebengge hilingik were'ma wenagisikhi logogun oba nen, hobuk inunggulenu hokho mene asimbik inomame mene logogun, Nen inenggi ekhe higit asi wesigin oba re, An Tuhan nen weak-weak hilingisigin o,” iluk ikhe isikhe.

YEREMIA 22:6

O istana raja Yehuda ebe werek oba andi re An nen hugunem he elokhe mondok fanore'ma re kweang o Gilead inom nen tom o Libanon oba inom elokhe mondok pugun pagansek omanogo hak hilingi'mo hikhi lagi, oba nen obalik andem he An nen lei pirimhogo afuni welagaikharek le'ma hakhogo hilingisogo fagain.

YEREMIA 50:19

An nen he afuni Israel mene it inonggwarek inanggweangma nekhengge fisa lagain. It he kweang tomkwe o Karmel inom, Basan inom andomaba nen enggen ugu ninggi logogun. Nen kweang o Efraim inom, Gilead inom oba nen enggen ugu mene andoma nen he it inoba homot fisikhi logogin.

HOSEA 11:10

Tuhan ane ikhi logolik, ”An nen singa ane kouwaterek hak it inaselei mene inailot fisagain sambul he An nagainafuri andoma An nombo'ne logoin o. An nagainafuri re mo ubuk ikherek fikhiren An napne wanuogeluk weak-weak wesugun.

HOSEA 11:11

It he sue nen tarogo lagarek hak o Mesir en weak-weak wesugun, nen o Asyur en he sue fibe nen elang paluk lagarek hak wesugun. A'nogo wagunem he An nen it inebe sugulogo woginarek it inonggwarek inailoba fisa lagain, iluk An Tuhan nen nane mondogat igi o,” ikhe isikhe.

OBAJA 1:20

It afuni Israel inap abel ambolkwe utara fikhit werek mene omanogo re inebe hele warogo lakfisasukwaba omanogo nen wesimbik o Fenisiaba nen he o Zarfat huli andoma logogun. Nen it afuni Yerusalem mene o Sardis hele warogo fisa lagaukwa mene omanogo re inambotkwe wesimbik o Yehudaba nen abel a'ma selatan fikhit inawi kota andoma sebelambik logogun.

MIKHA 7:14

Tuhan neisena. Hat hagainafuri haren wenaginafigin mene omanogo re, it inebe yat-yatkwe werek mene inom, solikwe werek mene inom, kweang heiselekwe werek mene inom were'ma, Haren halinafi logoin o. Neisena, it he o attak welagaukwa hakhogo inangge nunggu mene re o Basan engga wilibikwe andoma nen inom o Gilead kwe andoma nen inom helaluk ninggi logouwago.

ZAKHARIA 8:7

An nen he, nagainafuri o ekhema-ekhema it felelenghogo woginarek lagaukwakwe omanogo nen inagap telinabimbik,

ZAKHARIA 8:8

it inebe mo ero fikhiren inom, erumbul fikhiren inom woginarek wesumo re, it inebe nekhengge o Yerusalem logogun. It he An nagainafuri asumo re An he it ineisena Allah logogin. An nen he it inoba tiphogo hilingfisigik, higithogo ferinarek welagik ikhi logogin, ikhe ino,” iluk yaganete.