ZAKHARIA 1:6 - Allah Wene Fano Wene Hupla Inane

⁶ An namingmingengge nabi andoma inebene nen An nen wene melalek inom, yi'nogo hilingi'no, ti'nogo hilingi'no iluk werek mene omanogo inom hit hinombalak inoba yagaisikhi lagagi. Oba nen iren herakfisaluk hilingiti lagaukwa andiba re, ambisangma aga lagaikhe mene andoma saburikhi lagaukwa. Andi nen iren nit ninobaburen hilingito iluk inendawimo waraluk he, An Tuhan Nomame Mondok Hokho mene a'nogo nen it hilingitu mene onggo, An nen hilingisigin mene iluk wephogo fesigi mene a'nogo it inoba hilingfisugu mene faget fageti lagaukwa o,” iluk yagaisano, yaganete.

ZAKHARIA 1:6 ပူးပေါင်းရင်းမြစ်များ

AYUB 6:29

Hinendawinggen wenggelha'ni! Hiren wene leatokhogo hilingiti'legengge hilingitu lek. Nen, an he ibi-eberogo nen weak hilingiti legenggere, hiren enggin-fenggin an noba fugu lek.

YESAYA 21:17

Ap Kedar mene weim yafarek inap andoma re mondok inelouk-pinelouk inap welagaikharek, oba nen he we it endebengge nek inagap telasugun. Iluk An Tuhan, afuni Israel mene ineisena Allah a'nogo nen nane mondogat igi o, iluk yaganete.

YESAYA 44:26

An nenat, An namingmingengge mene nen wene ili lagwi mene andoma omamet figik, hilingitu mene iluk werek mene omanogo An nayonggo mene nen inamolo anggagarek mene omanogo hilingitik, ikhi lagagi. An nen ikhi logolik, o Yerusalem hobuk ambotkwe afuni logogun o, nen o Yehuda ba kota-kota andoma re An nen ambotkwe wusigin, meisalhigik laga mene andoma hobuk obalikwe menegeisogo wurik lagain.

YESAYA 55:1

Tuhan nen ikhi logolik, ”Hit hinebe mondogat i nelethinabi'lago mene andoma re, i foukhogo werek enggere na we'ni o. Hit hinauang lek mene re we'ni o, gandum we onggolek hela wesimbik na we'ni! Anggur inom amusu inom foukhogo werek enggere, weat hela we'ni o!

YESAYA 55:11

andi hak he, An nane ikhi lagi mene andoma re, we alomarogo ambotkwe sugulogo An noba wesigin lego, meneat he An nendawimo anggigirek mene a'nogo ambisangma higithogo hilinglagik, nen An nen a'nogo asuak anggigirek mene omanogo higithogo tip igik igin o.

YEREMIA 23:20

Tuhan nen hilingisigin iluk wenggelogo werek mene omanogo mondogat hilinglagi'lek werek kwelek he At a'mage lagaikhe mene andi re sebeligin mondok lego. Hobugen enek he, it Tuhan againafuri nen wene andoma senggerogo fut fogoin o,” igi.

YEREMIA 26:15

Oba nen he hinendawinggen fanorogo wenggel hano, hiren an pinggi noasugun halok he, hit inom afuni o kota yi mene mondogat inom he ap weak hilingiti'lek kwelek wasugun mene andi faget ambisangma enek hogoin o. Wene yi re Tuhan nen an la'nobagai waga logolik he wene a'nogo ineluet fei lan o, iluk yaganetemo igiri'mo nen enggere,” iluk yagaisasigi.

YEREMIA 28:17

A'nogo yagatimo re tahun a'nogobaat tugi sabit meneba werek kwelek, Hananya ebe wa'lagaikhe.

YEREMIA 32:24

Ap Babel inaben he o kota sebeli kugun iluk leget pa'leget maserogo wanhasik he yogondak it pin kwili'lagwi. Weim en inom, sumburu ouwagen inom, ou amben weak meneba nen inom inoba foumo inomame legasumo re o kota yi it inenggiba asigiluk werek. Haren hane egen mene omanogo mondogat tiphogo nek hilinglarik lagunem yogondak Hat heilenggen enegat hikhi lagen andi o, neisena.

YEREMIA 36:28

buku yinggilik amu mene ekhe wanimbik he, buku attak meneba palek welaga aremnogo higithogo paluageluk yaganete.

YEREMIA 39:16

ap Ebed-Melekh awi Sudan mene andiba ikhi logolik he, Tuhan Omame Mondok Hokho mene, Allah afuni Israel mene ineisena nen yi'nogo ikhe ino, ”Attak an nane isigi hak he, An nen o kota yiba enggin mene fei wesigin o, sikhogo welagaikharek mene re lego. Nen, haren he andoma agunem heilenggen hagain aro.

YEREMIA 4:4

Hit An hineisena Tuhan ninom wene wat-wat agagu mene a'nogo pukhogo fisogo logoni o, nen hit afuni Yehuda mene inom Yerusalem mene inom he hinebe An nobaget enogo fakhaluk logoni o. A'nogo hilingiti logogun lek halok he An nanini endu wabunak ninggerek higit hilingi'mo, ap sa nen ogo nagulu mondok elo'lek a'nogo higit hinoba lakfei wesigin o. Mondogat andoma re hiren hina'mageba nek hilingiti logolik weak mondok hilingiti lagep andiba re enggin mene hinoba asi wesigin andi,” iluk ikhe isikhe.

YEREMIA 44:2

At Tuhan Omame Mondok Hokho mene, Israel mene ineisena Allah a'nogo nen it faget ikhe mene re yi, ”An nen afuni Yerusalem mene inom Yehuda ba nen o kota-kota amukwe omanogo inom oba enggin mene lakfei wagi aple andi re hiren ogo hineilenggen enek hegebat. Yogondak huli nen ogo o kota andoma mondok wolelenggen tagalogo hilingi'mo re afuni welagaikharek legat.

YEREMIA 44:28

We, ap inebe wenagaisogo miren mene hakhogo nek he, linet lasimbik sugulogo o Mesir en Yehuda ba andoma logoin. Andiba re, ap Yehuda mene o Mesir logogun mene nen he, iren inane aga mene andi higit asigin a? Athe an nen igi mene higit asigin a? Iluk inelu asugun o.

YEREMIA 44:29

An nen hit hinoba unggum wokhisagain iluk wenggelogo figi mene andi eberogo asuageluk he, An nen hit hinoba alomat lagu mene o yoma lakfei wesigin.

YEREMIA 44:6

Andiba re, An na'mage a'nogo o kota Yehuda ba inom o Yerusalem oba ebekhe kwe andoma inom inoba figi andi. Andoma mondogat he An nen endu nolhimo re, mondogat endu hali nonggo nek kabok lagagunem yogondak hiren ogo hineil hikhi lagep aro.

YEREMIA 5:14

A'nogo ugunem Tuhan yi'nogo ti'nogo hilingisu hagenek mene a'nogo nen he an noba ikhi logolik, ”Yeremia, afuni andoma a'nogo ugunem he, wene obabut weak mene iren asigin lek anggogoin mene a'nogoat inoba asi wesigin o. An nen he An nane andi re hat hambelema endu higit hilingfagain. Nen, inunggulenu andoma re e nolhu mene hak hilingfisamo re endu andi nen inebe mondogat nolinabigin o ikhe.

RATAPAN 1:18

Oba nen we Tuhan enek he eberogo mene werek. Aren wene melalek ikhe mene omanogo an nen sagalogo fikhi lagagi. Yago, hit yi afuni ti afuni hinunggulenu lombogen he an nane yi hinesanggo holini o, An yi enggin ti enggin hugu mandok welagi mene andi hineilenggen neani. An nagainafuri ap souge inom helime tugum inom mondogat hele warinafasik, felelenginarek hugisa lagaikharek oba omanogo fisa lagaikha.

RATAPAN 2:17

Tuhan nen a'nogo hilinghinobagagin iluk nit ebesuageluk yaganisikhi laga mene inom, Aren ebete mene inom, a'nogo mondogat hilingite. Nit he endawit ninafi'lek mondogat wolelenggen hogo ninobagaikhesik, nit ninaselei mene re inomanet fisikhe. Nit a'nogo weaget ninobagagunem nisaluk, it ninaselei mene inagaiyek hoageluk hilingfisikhe.

RATAPAN 3:42

”Tuhan nineisena, nit he Hat hane sagalogo fuluk weak hilingito, nen Haren nit ninaweak sagalogo leget ninobagegen lek.

YEHEZKIEL 20:43

Andoma nen hiren weak hebak inafe mene hilingitunem hinebe emetfakhasigip mene a'nogo ebet hogoin. Andi nen yi weak ti weak hilingiti lagagip mene andoma ebet haluk he hebak hinafe asugun.

YEHEZKIEL 37:11

Allah ane an noba ikhi logolik, ”Afuni wa'lagaikharek mene yi, ap oak andoma ebere it inunggulenu Israel mene faget ilirenggerogo hilingik. Iren ikhi logolik he nit he iringik welago, ninendawinggen wenggelek mene werek lek, nen hobuk ekhe logogun legat, iluk inane ikho wikho werek.

DANIEL 4:28

Andoma mondogat he an raja Nebukadnezar noba hilinglagaikhe.

HOSEA 5:9

Hit afuni Israel mene yi sani, hinesanggo fanorogo holini o, wene hinoba fou higit obaat hinawi wei igin andi nen he alomat lasugun o,” iluk igi andi eberogoat hilinglasigin aro.

HOSEA 9:15

Tuhan nen ikhi logolik, ”Iren weak mondok hokhorogo hilingiri'lagwi mene andoma re, o Gilgal en eroratukwa. A'nogo hilingitukwa andem huli nen An nen it inoba nabit anggugu mene a'nogo eroratigi. Nen, iren ina'mageba hilingitarek mene andi nen An nen o An nanggweang oba yoma nen mugisogo wulaginabigin, An nen it inoba nendawi hundik hilinginabigin lek; it inogogwi ferinarek mene andoma mondogaren he, An nane oak sagalogo mondok hilingiri'lagwi.

AMOS 9:10

Nen, afuni ekhe weak hilingitarek mene an nagainafuri inanggelekwe welagaikharek mene andi nen ikhi logolik he, Nit mondok weak mene ninoba asuagaluk Allah nen hera'ninobagagin lego, iluk agarek meneat he, it inebe hobuk weim yafi logolik inoasugun aro,” iluk ikhe isikhe.

ZAKHARIA 1:7

Tugi Syebat andi re tugi nalonggop mene tanggall 24 oba raja Darius nen ferinarek were'ma nen enek he tahun pirenek mene werek kwelek, o hubanggo nabikanggoba Tuhan nen wene yi'nogo ino iluk yaganete.

MALEAKHI 3:18

It An nagainafuri mene nen he it afuni inobabut fano hilingitarek mene inom, weak hilingitarek mene inom, nen An nobaget kabogetarek mene inom, kabogetarek lek mene inom, inoba agamsek logogin mene andi re hobuk neilenggen hogoin aro,” iluk yagaisasikhe.

BILANGAN 23:19

Allah re, afuni nen, Nambigen igi e, igik, ineranen wene igik, agarek andi hak ikherek mondok lego. At Allah re, An nen yi'nogo hilingisigin, iluk abok yagaisaluk he, ebe tiphogoat hilingiterego. Nen, Aren ugunem ebe arat hilinglagarek enego.

BILANGAN 32:23

Oba nen he wenggel hano, hiren wene watep mene andi higithogo hilingisugun lek halok he Tuhan oba weak hilingisumo hinaweak andi onggo unggum helogoin a'naga.

BILANGAN 33:56

Hiren it pugulogo wulak fisogoin lek halok he, An nen hit hinebe it faget hilingiri'lagwi iluk An Nane igi higithogo hinebe leget hinobagagin.” iluk yagaisano iluk wogetikhe.

MATIUS 24:35

Pogot inom, kweang inom, legasigin meneat he, an nane andi legasigin mondok lego,” iluk yagaisasikhe.

ULANGAN 28:15

A'nogo yagaisasikhesik ekhe yagaisikhi logolik, ”Ariginik oba nen he, hiren hineisena Tuhan Allah ane hologo hilingiti'legengge, awene melalek inom, yi'nogo ti'nogo hilingi'no iluk yagahisikhe mene a'nogo inom tiphogo hilingiti'legengge hilingiti logogun halok he homan ugu mene hinoba asi waga logogin:

ULANGAN 28:2

Hiren hineisena Tuhan Allah oba ane hologo nek hilingiti logogun halok he Aren yi'nogo fanothinobagakhi logogin:

ULANGAN 28:20

Hiren hinanini weak logolik Tuhan hinabiret fuluk logogun halok, Aren he hiren yi'nogo ti'nogo hilingiti logogun meneba enggin-fenggin hikhi logouwageluk lakfei wagik, hinoba obabut nonghongsek mene lakfei wagik, hit hinanggele'ma andoma nalek-falek hinabi wagik umo re, linggene misik oba nek hit hinebe mondogat misigam legarik logoin o.

ULANGAN 28:45

Hiren At hineisena Tuhan Allah oba horokhogo welagi'lek, awene melalek yagahisikhe mene a'nogo furogo hilingiti'lek hilingiti logogun halok he, yi enggin ti enggin andi hinoba nek asi waga logolik lalhinafu werek kwelegenek hinebe mondok felelenghogo legasugun.

1 TESALONIKA 5:4

Menere, nerugwi nagaila'lak. Hit o mum oba logoilepma re, afuni inonggorat were'ma yogot wanuogeluk wagunem ina'manggen lagarek hak, andi sambul hit hinonggorat were'ma hina'manggen lelep andi. Menere, hit o mum oba welagep lek andi nen, hina'manggen logoin lek.