ZAKHARIA 1:2 - Allah Wene Fano Wene Hupla Inane

² Tuhan nen he at againafuri inoba wene yi'nogo ino iluk mimingnafe, ”O attagen enggere An nebe Tuhan Nomame Mondok Hokho welagirek mene a'nogo nen it hinambu-hinombalak inoba wenagisikhi lagagi.

ZAKHARIA 1:2 ပူးပေါင်းရင်းမြစ်များ

2 RAJA-RAJA 22:19

an neilhanem he, nit weak hilingitoma o, iluk hendawinggen sebelfakhegen mene andi An mondogat higi o. Nen An nen o kota Yerusalem inom, afuni inebe mondogat inom weagerinabigiluk arat tekhogo igimo o. A'nogo igimo andi nen he wene andi afuni ineilenggen hambik inailo agik, o kota Yerusalem homan ikfigimo andi nen he enu homan ugu igik, ikhi logogun o. Oba nen he, haren An nen wene hinoba fagain igi mene andi hesanggo holhendik hendawimo weakhogo hasu laberek mene tiliphogo lakfisigik, le agik egendik, samban oba yaganeten andi An arat holhi o.

2 RAJA-RAJA 23:26

Oba nen he, attak at Manasye inoe raja logolik weak mondok hilingiti lagaikheba Tuhan nen afuni Yehuda mene inoba a'mage fikhi lagaikhe. Nen At a'mage lagaikhi lagaikhe mene andi re lek aga lagaikhe lek.

EZRA 9:13

Nineisena Allah, niren Hat Hawene melalek a'nogo sagalogo herakfuluk hilingiti logolik, nit mondogat weak hilingitunem, Haren wene ninoba fegen. Oba nen he nineisena, wene ninoba fegen mene andi re niren wanu aple andi re mondok hogoenggin oba nen he we horok serogo ninoba fegendigen nit ninagap telogo ninobagegen mene andi ninelurek.

MAZMUR 60:1

Afuni nen wuni wulak fuluk inebe seberogo ugunem melalinafu mene faget, wuni unggulenu: Bunga Bakung enegengge agarek mene andi bene felalek werek higithogo, At Daud en yanggulinafi lagaikhe awuni.

YEREMIA 32:23

Oba nen he it o kweang yiba sebeli kwi wagaukwasik logolik, iren Hat hane ugu mene omanogo hologo hilingiti lagaukwa lek. Haren yagaisugu mene andoma mondogat he iren we misikhogo iluk ekhe hilingiti lagaukwa legat. Andiba re yogondak he Haren yi enggin ti enggin inoba lakfei waga lagen yi o.

YEREMIA 44:6

Andiba re, An na'mage a'nogo o kota Yehuda ba inom o Yerusalem oba ebekhe kwe andoma inom inoba figi andi. Andoma mondogat he An nen endu nolhimo re, mondogat endu hali nonggo nek kabok lagagunem yogondak hiren ogo hineil hikhi lagep aro.

RATAPAN 5:7

Nit ninambu ninombalak weak hilingitukwa mene re yogondak it inebe werek lek, oba nen he it inaweak hilingitukwa meneba yogondak nit ambisangma hikhi lago.

YEHEZKIEL 22:31

Andiba re yogondak An nanini a'nogo it inoba fikhi lagi, nen iren weak hilingiri'lagwi mene andi ambisangma re endu nen legetfisikherek higit An nen it inebe legetfisagain. An Tuhan Lego Mondok welagirek mene a'nogo nen nane mondogat igi,” ikhe.

YEHEZKIEL 8:18

Hit he An na'mage mondok elalinhogo hilingitunem hogoin! An nen hobuk nendawirinafik, inaweak sagalogo legetfisigik igin mene ekhe werek lek. Iren samban oba nenu hombuk palogo ugun oba nen he, hilingik kwelek An nesanggo holigin legaro!” iluk ikhe.

ZAKHARIA 1:15

Oba nen andi ero re it nagainafuri inoba na'mage fugu mene hambuget haluk welagiba nen it inunggulenu inap andi nen he, An nagainafuri inoba enggin-fenggin hugu mene a'nogo ekhe inom engginet fisugu weregen he, it inunggulenu inailo legengge fanorogo welago, iluk anggili'lagwi mene andi re, An na'mage inoba fugu welagi o.

ZAKHARIA 7:12

It he inendawinggen mondok omamerek logolik were'ma nen enek he inendawinggen mondogat helep aga lagaukwa. Nen an nawene melalek it ap nabi attak welagaukwa mene omanogo inebene nen wogisasigiba nen he hologo hilingiti lagaukwa lek andi nen he An na'mage lagaikhi lagaikhe andi.

ZAKHARIA 8:14

Tuhan Omame Mondok Hokho mene a'nogo nen ikhi logolik, ”It inambu inombalagen An na'mage kwelafi lagaukwaba re An nen it inoba unggum mondok omamerogoat wogisikhi lagagi aro. An nen hilingisigin anggigirek mene a'nogo agam eti'legengge, hilingisigin anggigirek mene a'nogoat hilingiti lagagi.

KISAH PARA RASUL 7:52

It ap Allah ane yagaisikhi lagaukwa mene omanogo, hinombalagen inebe weagerinafi'lek ekhe welagaukwa nogo? Weagerinafi lagaukwa nek anggigi. It Allah Ane yagaisikhi lagaukwa mene nen he: Allah amingmingengge obabut higithogo hilingisigin mene andi hobuk wesigin o, iluk ebe wagi'lek werek kwelek, abok tak ikhi lagaukwa mene inebe hinombalagenat inoati lagaukwa andi. Hobuk, iren abok tak isukwa mene andi ebe wagaikhemo re, hirenat at ebe wasuageluk yonggo lagik, ebe watik, egep andi.