ZAKHARIA 1:18 - Allah Wene Fano Wene Hupla Inane

¹⁸ An nabikanggo amu mene ekheba hugunem en he, an nen sapi andimuk enggaminogo mene were'ma hasigi.

ZAKHARIA 1:18 ပူးပေါင်းရင်းမြစ်များ

1RAJA-RAJA 22:11

A'nogo yagaisikhi logolik, ap it mene ekhe enu Zedekia ap Kenaana amlogo andi nen he, posiemanggen mene wam sapi andimuk ungguloa'ma wulibik mene hangge hilingisogo fesikhesik he, Ahab mel yagatikhe: ”Nineisena Tuhan nen he, mel ikhe: Wam aik yi hak meneba re, haren afuni Siria mene inoasimbik, inebe mondok legetfisagain o, iluk ikhe,” iluk yagatikhe.

2 RAJA-RAJA 15:29

At Pekah ebe raja logolik melalinafi lagaikheba re raja Asyur mene hun Tiglat-Pileser a'nogo nen he o kota Iyon inom, Abel-Bet-Maakha inom, Yanoah inom, Kedes inom, Hazor inom, o Gilead kwe andoma inom, it afuni Naftali mene inaiba andoma inom, telhikhe. Telhikhesik he afuni hele warogo woginarek he o Asyur lagaikhe.

ZAKHARIA 1:17

Malaikat a'nogo nen an mimingnafi logolik wene yi'nogo yagaisano iluk yaganeteat, ”Tuhan Omame Mondok Hokho mene a'nogo nen ikhi logolik he, At Awi kota a'nogoba andoma re nekhengge sik-pikhogo hilinglasigin o, nen aren nekhengge Yerusalem lebethambik An nonggwarek mene iluk fagesigin iluk wene wate ino,” iluk yaganete.

ZAKHARIA 1:19

A'nogo hasigisik an nen malaikat ane an noba isikhe mene a'nogoba heinok wokhikhi logolik, ”Andimuk andoma re, wene ebe ninggi'nogo mene faget?” iluk yagati. A'nogo yagatimo aren onggo yaganeti logolik, ”Andimuk andoma ebere o ”kerajaan” mondok omame mene nen afuni Yehuda mene inom, Israel mene inom, Yerusalem mene inom, pugulogo nalek-falek hilingfisasukwa mene ilirenggerogo were'ma hegen o,” iluk yaganete.

ZAKHARIA 2:1

Nabikanggo ekhe hobuk meneba hasigi re ap misik ekhe hele ilirengge enggim fisogo were'ma higi.

ZAKHARIA 5:1

Hobuk an neilenggen ekhe inom were'ma nen he buku palek huli'lip segengge a'nogo selekwe poma tarogo lagunem higi.

ZAKHARIA 5:5

Malaikat a'nogo nekhengge weinam asi wagasik ane ikhi logolik he, ”Ekhe weri'lago mene ari yethan!” iluk yaganete.

ZAKHARIA 5:9

A'nogo hilingfikhemo an neilenggen liakhugunemen he hemi inebe pire an nebe pikhit tarogo wagunem yerisigi. It inagerabul he sue kuri agerabul omamerek andi hak hilingik welaga. Nen, iren he si ugu a'nogo waluk he nekhengge tarogo laga lagaikha.

ZAKHARIA 6:1

An nabikanggo amu mene ekhe wokhigi re yi'nogo. No kereta weim yafarek mene re ebe enggaminogo mene tom unggul pire mene honggolek elekwe nen wulibi wagunem isigi. Tom andem oba re no tembaga welagarek andom.

YOSUA 5:13

Inenggi ekhe sambul at Yosua o Yerikho horokhogo andoma logolik, ap ekhe karok lisogo waluk ka nen heat elokhoma menlagaikhesik mendek were'ma eilenggen hasikhe. A'nogo hasikhesik, oba horokhogo lagaikhesik he yi'nogo yagatikhe: ”Hat he, hebe nit werekwe mene a? At he, selei mene a,” iluk heinok wokhasikhemo, aren he,