ZAKHARIA 1:17 - Allah Wene Fano Wene Hupla Inane

¹⁷ Malaikat a'nogo nen an mimingnafi logolik wene yi'nogo yagaisano iluk yaganeteat, ”Tuhan Omame Mondok Hokho mene a'nogo nen ikhi logolik he, At Awi kota a'nogoba andoma re nekhengge sik-pikhogo hilinglasigin o, nen aren nekhengge Yerusalem lebethambik An nonggwarek mene iluk fagesigin iluk wene wate ino,” iluk yaganete.

ZAKHARIA 1:17 ပူးပေါင်းရင်းမြစ်များ

NEHEMIA 11:20

Afuni Israel mene inom, it imam inom, it Lewi inap fenakwe alonghogo re, o Yehuda kweang oba andoma nen it inawi kota lombok ekhe kwe ekhe kwe welagaukwa.

NEHEMIA 11:3

Nen o kota amu-amukwe andomaba re it afuni Israel mene inom, imam inap inom, Lewi inap inom, it ap TUHAN Aiba yabu hilingiti lagaukwa inap omanogo inom, nen it hun Salomo obaget yabu hilingiti lagaukwa mene omanogo inambisangma mene inom, it inawi kota lombok he inanggweang inonggwaregen meneba nek welagaukwa.

MAZMUR 69:35

Hat pogot hebe inom, yi mene ti mene hoba mene inom, hat kweang hebe inom, yi mene ti mene hoba mene inom, hat i laut yenggelek inom, yi mene ti mene hoba werek mene inomen he, At Allah nek fogerati logoino.

YESAYA 14:1

Tuhan nen he nekhengge At againafuri Israel mene endawirinabimbik At onggwarek mene asuageluk tegelinabigin. Aren he it inebe nekhengge inawi eroma inonggwaregen mene omanogoba logouwageluk fisa wesumo re ap pok mene yatma nen it inoba sebesi we'luk inom andoma logogun.

YESAYA 44:26

An nenat, An namingmingengge mene nen wene ili lagwi mene andoma omamet figik, hilingitu mene iluk werek mene omanogo An nayonggo mene nen inamolo anggagarek mene omanogo hilingitik, ikhi lagagi. An nen ikhi logolik, o Yerusalem hobuk ambotkwe afuni logogun o, nen o Yehuda ba kota-kota andoma re An nen ambotkwe wusigin, meisalhigik laga mene andoma hobuk obalikwe menegeisogo wurik lagain.

YESAYA 49:13

At Tuhan againafuri koninabigiluk waga logolik, At unggulenu mene yi enggin ti enggin inoba fugu werek mene endawirinabigiluk weri'lago andi nen he: Hat pogot yi, wuni wulabin o, hat kweang yi re, hagaiyegesin o, hit tom-tom oma re, hinagaiyegen hinanggilukhogo hilingiti logoni o!

YESAYA 51:12

Tuhan nen ikhi logolik yi'nogo ikhe. ”An nenat hat konhabigin o. Nenahalok haren afuni legasugun mene andoma inoba inom, afuni engga hakhogo hugisogoin mene andoma inoba inom, hailorinafi lagen nogo?

YESAYA 51:3

Yerusalem, An nen hat konhobagakhi logogin, meisalhigik pikhe kwe welagep mene andoma mondogat konhinafi logogin o. Lei pirimsekwe andoma re an neabu Eden yabumo mondok fano heiselek welagaikhe a'nogo hak hilingisogo fagain o. Andoma ap inagaiyekhogo logolik inanggilukhogo hilingiti logogun, wuni wulagaisogo hai warogo hilingiti logogun.

YESAYA 52:9

Tuhan nen againafuri inendawinggen kon fisikhi logolik Yesusalem mene fikhalogo hinobagagin andi nen he, Hit afuni Yerusalem mene o meisalekwe welagep mene omanogo nen hinagaiyegen hinanggiluge'ni o,” igin.

YESAYA 54:8

An na'mage hat hoba figirik, we elama faget hebe obokhogo hobagagi o. Oba nen An nendawi hundik mondok hilinginafirek mene a'nogoba nendawi hundik hilinghafi lagi o,” iluk Allah hit hinagap telhinaferek mene a'nogo nen ikhe.

YESAYA 66:13

Omalik agaisa nen konherek higit, An nen hat Yerusalem a'nogoat konhafi logogin o.

YEREMIA 31:13

Linggene andi sambul helime silerik he inendawimo inagaiyek oba inawuni warikhi logogun. Nen ap yaman mene inom souge mene inom he, An nen inendawimo konogo hilingfisamo re inagaiyekhogo nek logogun. Fong watu mene andoma agamhogo re inagaiyegetu mene hilingfisagain, nen inendawinggen heiselhi logolik werek mene andoma inendawimo heanerogo werek mene hilingfisagain.

YEREMIA 33:13

O kota-kota tomkwe werek mene inom, tom erokwe mene inom, o Yehuda abel selatan fikhit andoma inom, wilayah Benyamin meneba andoma inom, desa-desa o Yerusalem haningisogo werekwe andoma inom, o Yehuda ba kota werek mene inom, he it ap domba konharek mene nen inanggo domba wenaginafi logogun. Iluk Tuhan nen nane mondogat igi,” ikhe.

YEREMIA 33:9

Yerusalem he An nen nagaiyek oba figik, enu werek welagik, agaugweratik, fogeratik ugu mene asigin. Yi afuni ti afuni inunggulenu lombok o kweangma welagaikharek mene nen he, An nen mondok fanorogo afuni Yerusalem mene inoba halfisikhi logogin mene andoma faget inom, nen o kota andiba yi mene ti mene sik-pikhogo logouwageluk hilingfisikhi logogin mene faget inom, inesanggo holhaluk he it inailo nen inoak leigetik, An nebe legeisogo nobagagik, ikhi logogun.

YEHEZKIEL 36:33

Tuhan Lego Mondok welagarek mene a'nogo nen ikhi logolik, ”Hit hinaweak andomaba nen An nen mondogat horogo legethinobagambik, An nen hit hinawi kota andoma afuni kwimbik logouwageluk hilingfigik, nen o meisalek kabok lagali'lago mene andoma halogo figik, uageluk yagahisagain o.

AMOS 9:14

Hobuk An nen afuni Israel mene inambotkwe fano logouwagaluk hilinginabigin. Inawi kota meisalagaikhe mene andi, iren hobuk ambotkwe wutfembik, inebe andoma logogun. Logolik, anggur awi yagaisogo enggen palogo ninggik, yabu ebe waganogo, yi mene ti mene yakfuluk, ebe palogo tagaisogo ninggik, ikhi logogun.

OBAJA 1:20

It afuni Israel inap abel ambolkwe utara fikhit werek mene omanogo re inebe hele warogo lakfisasukwaba omanogo nen wesimbik o Fenisiaba nen he o Zarfat huli andoma logogun. Nen it afuni Yerusalem mene o Sardis hele warogo fisa lagaukwa mene omanogo re inambotkwe wesimbik o Yehudaba nen abel a'ma selatan fikhit inawi kota andoma sebelambik logogun.

ZAKHARIA 1:14

nen, malaikat a'nogo nen he, Tuhan Omame Mondok Hokho mene a'nogo nen ikhe mene a'nogo an yaganeti logolik yi'nogo ikhe, ”An nen he, o kota Yerusalem An Nawi mondok horek mene andi faget nendawi hundik anggikhi logolik, obaget ebetu welagi o.

ZAKHARIA 1:18

An nabikanggo amu mene ekheba hugunem en he, an nen sapi andimuk enggaminogo mene were'ma hasigi.

ZAKHARIA 2:12

Ekhe inom it Yehuda mene re kweang mondok horek meneba andoma Tuhan onggwaregen mene asigin. Nen, Yerusalem he, kota aren endawi hundik mene hilinglasigin.

ZAKHARIA 2:4

Ambi agaikhasik malaikat attak mene a'nogo nen ekhe pirenek mene a'nogoba ikhi logolik, ”Ap alage mene andi ambit weak-weak lambik yagati logolik he, o Yerusalem he afuni nen inom inanggo takhagarek mene nen inom mondok hopo igin enggere leget pa'leget haning leget wanu re elo'lek agunem hogoin o.

ZAKHARIA 3:2

A'nogo were'ma malaikat Tuhan a'nogo nen Iblis oba ikhi logolik he, ”Hat Iblis yi re, Tuhan nen unggum wokhesuago! Tuhan o Yerusalem endawi hundik hilingiterek mene andi nenat unggum wokhesuago. Ap yire endu amulok lagagunem endu ambisang lisogo wanharek andi hak werego.” iluk ugunem higi.

EFESUS 1:4

At Allah nenat ninebe at onggwarek faget fakhaluk, at eilhanem tegelek logouwageluk, pogot kweang oan elalhi'lek logolik, wena'ninafikhe andi ebe at Kristus nenat wena'ninafikhe o.