ZAKHARIA 1:16 - Allah Wene Fano Wene Hupla Inane

¹⁶ Yogondak he, An nebe nambotkwe o Yerusalem sugulogo lambik o kota andiba inagap telogo fisa lagain o. An nawi a'nogo nekhengge wusimbik he o kota Yerusalem andi hobuk ambotkwe fanorogo wusugun o,” iluk yaganete.

ZAKHARIA 1:16 ပူးပေါင်းရင်းမြစ်များ

AYUB 38:5

Kweang talek welagarek mene yi, sa nen walhasikhe nogo? Hele ilirenggeba uankwe tiba logouwak, horokwe tiba logouwak iluk, sa nen walhasikhe nogo? Haren onggo elok yaganesigin aro!

YESAYA 12:1

Lingge ekhe weinam asi wesigin meneba re, hiren wuni ikhi logolik: ”Tuhan, attak he Haren an noba hobaharo welagen, oba nen yogondak he Hat hobaharo a'nogo arat lombuk ikhe, Haren an nendawimo konnafi lagen ma re, an nen Hat hai wathafi lagi.

YESAYA 34:11

Sue siomayo inom, tabi hangge mene enu landak inom, sue sumu-sumu inom, sue gagak inom, o andoma logogin. Tuhan nen kweang andiba attak pogot kweang walhigi'lema hilingik welagaikhe hakhogo we hesangge-pesangge afe hale'legengge hilingfoumo logogin.

YEREMIA 30:18

Tuhan ane ekhe inom ikhi logolik, ”Hit An nagainafuri re nendawi hundik hilinghinabigin, nen hit hinanggweang hinonggwaregen mene omaba re An nen halogo hinobagagin. O Yerusalem nekhengge wutik, nen ap raja were'ma re nekhengge pugunetik, igin.

YEHEZKIEL 40:3

An wo'narek andoma lagama neilenggen hugunemen he ap mene ekhe amulit no perunggu amulit yararet hikherek andi hakhogo kwe hokho mene fikhit andem mendek welaga. Mendek logolik enggimore hele ilirengge linen mene fisogo logolik e ilirenggetu mene inom senek welaga.

YEHEZKIEL 47:3

Lagunem he sige tomuk ilirenggetugu mene a'nogoba ilirengge wal hikhi logolik, ap andi nen an hondo'narek he abel timur fikhit i a'nogo wulibi lagarek higit 500 meter hakhogo uanhogoat andoma lagasik he, an noba yaganeti logolik i ari palogo wulibi lan o, iluk yaganete. Andi yaganetemo i a'nogo ima kugunemen he huli-huli re neisok nangguli bene hilingik welaga.

YEHEZKIEL 48:35

Leget pa'leget andoma mondogat uanhogo re sembilan kilometer en. Yogondak yi huli nen enggere kota andi enu ikhi logolik he, ”Tuhan ANDOMA WEREK!” iluk agarek.

HAGAI 1:14

A'nogo Tuhan nen at Gubernur Zerubabel inom Imam Agung Yosua inom, afuni hele warogo lakfisasukwama nen sugulogo inambotkwe wagaukwa mene omanogo inebe mondogaren he Tuhan Omame Mondok Hokho mene it ineisena Allah a'nogo awi wusuageluk inendawimo hilingfesikhe.

ZAKHARIA 10:6

Tuhan nen ane ekhe inom ikhi logolik, ”It afuni o Yehuda mene re An nen inomamet fisagain o, Afuni Israel mene re An nen inagap telinabigin. An nen it inoba nendawirinafi lagimo re, woginarek nekhengge it inawi eroma fisa wesigin. An nen it ekhe inunggulenu mene inoba herakfisigi'lek wene warisasigi hakhogo, it inoba ogo mondok fanorogo hilinginabigin o. It ineisena Tuhan Allah re we An namu nek welagi hilingi'mo re, iren samban ugu mene An nen inane nesanggo holhi logogin.

ZAKHARIA 2:4

Ambi agaikhasik malaikat attak mene a'nogo nen ekhe pirenek mene a'nogoba ikhi logolik, ”Ap alage mene andi ambit weak-weak lambik yagati logolik he, o Yerusalem he afuni nen inom inanggo takhagarek mene nen inom mondok hopo igin enggere leget pa'leget haning leget wanu re elo'lek agunem hogoin o.

ZAKHARIA 2:5

Tuhan nen wene wati logolik, At onggwarek ebe o kota andi faget pa'leget higit endu meneba haningisogo logolik along palogo fisogo logogin, nen, At ebe re along-palonghogo logolik omame hokho mene logogin, ikhe iluk yagasi lan o,” ugunem higi.

ZAKHARIA 2:6

Tuhan nen At againafuri inoba ikhi logolik he, ”An nen hit hinebe o onggut-onggut, esanggo-esanggo telfol hisasigi. Oba nen, yogondak he, yago! Hit afuni hele warogo fisagarek oba welagep mene andoma re, o Babel en heise wilibimbik weak-weak hinambotkwe o Yerusalem we'ni o.

ZAKHARIA 4:9

yi'nogo ikhe, ”At Zerubabel en he, an nawi a'nogo ubule fikhe, nen, aren he, o andi mondogat wusigin. Nen, andi eberogo agu halok he, An Nagainafuri nen he hat Zakharia re An nen lakfei wagama iluk inelu asugun.

ZAKHARIA 8:3

An nebe sugulogo o An Nawi Yerusalem kota mondok horek mene a'nogoba wesimbik andoma logogin o. Nen, o Yerusalem andi re kota tiphogo hilingitu mene iluk inelu mondok logogun, nen Tuhan Omame Mondok Hokho mene Andom andi re Punu mondok Horek mene iluk ikhi logogun.