Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




ZAKHARIA 1:14 - Allah Wene Fano Wene Hupla Inane

14 nen, malaikat a'nogo nen he, Tuhan Omame Mondok Hokho mene a'nogo nen ikhe mene a'nogo an yaganeti logolik yi'nogo ikhe, ”An nen he, o kota Yerusalem An Nawi mondok horek mene andi faget nendawi hundik anggikhi logolik, obaget ebetu welagi o.

အခန်းကိုကြည့်ပါ။ ကော်ပီ




ZAKHARIA 1:14
19 ပူးပေါင်းရင်းမြစ်များ  

Tuhan Omame Mondok Hokho mene a'nogo nen a'nogo hilinglasigin iluk mondogat enogo fisikhemo re, afuni fena re o Yerusalem oba inom punu Sion oba inomen inagap telinabigin.


Heisena Allah nen ikhi logolik he, ”An nunggulenu mene andoma re inendawinggen serogo logouwak serogo logouwak, ili'logo!


Ap Yerusalem mene re inendawinggen hambukhogo logouwago, sebelhinarek mene a'nogo arat wurep kobok ikhe o. Kwanirek mene iren hilingiri'lagwi mene omanogo re An nen mondogat leget figi o, iluk ikhe yagaisano. Nen it weak inoba fili'lagwi mene andoma inoba re An nen unggum altap pireba wogisigi o” iluk ikhe.


Ane ekhe ikhi logolik he, ”Yagaisan o!” Ugunem he, ”An nen wene ninggi'nogo mene yagaisagain?” igimo re, ”Afuni mondogat he engga hak, athe owil-owilengge we elama elokhe fano werek andi hak werego,” iluk yagaisan, yaganete.


At Tuhan he ap weim aninirogo yaferek mene hangge inom, tentara mene nen weim inomamerogo yafarek andi hangge inom, Aren weim a'nogoat yaferek. Aren weim yafi logolik he ami'mit suphogo At omame werek mene a'nogo it aselei mene omanogo inoba inugisikherek.


Aren he katokhogo hilingitu mene inom, inagap telhu mene inom a'nogo re, su posiemanggen mene hangge hilingisogo figik, nen, unggul topi re baja mene hangge hilingisogo figik, ikhe. Aren he, it inebe hilingik mene andoma halfisigik, katokhogo hilingitu lek mene andoma unggum wogisigik, hilingisigin iluk wenggelhe.


Tuhan neisena. Hat hebe pogoroba obalik mondok fano hore'ma ombak-bak eterek oba andoma nen heilenggen pela'nisame o. Hendawi nen hendawinggen waraluk homamerogoat lebetninafendek mene a'nogo koma lagama? Hendawinggenma abolok ugunem, hilingninafi lagen mene a'nogo inom hendawi nisaluk hilingninafi lagen mene a'nogo inom koma lagama? Andoma nit ninoba nen elele waganogo fisogo logou ugo.


Tuhan nen afuni Israel mene weak mondok hilingitunem wene inoba mondogat fesikhe.


An nanini noba louksek logolik An nen it inunggulenu hit haningisogo werek mene andoma inoasigin iluk nane arat igimo o, nen ebe tukhumhogo re it Edom mene andi faget igi. Andi erore iren inagaiyekhogo inalitnorati logolik An nanggweang a'nogo heligik, nen o lei engga werek mene teligik, aga andi nen hilingisigin.


A'nogo isikhesik, Tuhan nen mel yagaisasikhe: ”Hit afuni Israel mene yi. An nen hit hinebe mondok-mondok herak hinobagaluk lagik igin nogo? Mondok elo'lego. An nen afuni Adma mene inebe mondok legetfisasigi andi hak, legethinafik, afuni Zeboim mene hilinginafigi andi hak hilinghinafik, igin nogo? Mondok lego. An nen hit hinebe nendawi hundik mondok hokho meneba hilinghinarek welagi andi nen he a'nogo hilinghinabigin lego!


A'nogo yagaisasigisik were'ma re, At Tuhan nen anggweang andoma endawiratikhesik kweang andoma fanot figik, nen At againafuri endawirinafik hilingisigin anggasikhe.


Nineisana Tuhan Allah re afuni nen At inom higirabetarek mene andi re mondok abit. Nen, ap At ane oak sagalharek mene andi re unggum helogoin werek. Nen At a'mage mondok hokho a'nogoba re, it inoba onggo lagalogo inoaterek.


A'nogo ugunem he, Tuhan nen malaikat a'nogoba onggo endawimo agaiyek asu hak mene yagatunem higi,


Malaikat a'nogo nen an mimingnafi logolik wene yi'nogo yagaisano iluk yaganeteat, ”Tuhan Omame Mondok Hokho mene a'nogo nen ikhi logolik he, At Awi kota a'nogoba andoma re nekhengge sik-pikhogo hilinglasigin o, nen aren nekhengge Yerusalem lebethambik An nonggwarek mene iluk fagesigin iluk wene wate ino,” iluk yaganete.


A'nogo were'ma re, an nen heinok wogikhi logolik, ”Kuda oma re ebe ninggi'nogo faget nogo?” iluk heinok wokhigimo re, Aren onggo ikhi logolik, ”Oma ebe ti'nogo faget iluk andi re, An nen inuk heagain o.


Malaikat an noba ane yaganete mene a'nogo nekhengge nambit wagasik he, afuni nogogunem elelinafarek hak elelnabi wagasik heinok wo'niikhi logolik,


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ