YUNUS 4:8 - Allah Wene Fano Wene Hupla Inane

⁸ A'nogo hilinglagaikhemo, ohealek hubet mo arat lagai wagaikhemo Allah nen, sogoi aganhan weak mene o mo lagai wagarek higiren funha wesuagaluk hilingitikhemo re, funha wagaikhe. A'nogo funha wagaikhemo mo aigen Yunus ungguloak hutethasikhemo re, eilfuruk feigeluk isikhe. A'nogo hilingitikhemo re, aren he, ”Nebe neluk logogin nabiro. Wa'lasigin namolo o,” iluk isikhe.

YUNUS 4:8 ပူးပေါင်းရင်းမြစ်များ

KEJADIAN 41:6

Nen, ekhe re, gandum ero misigat hunogo meneba enggen ebe 7 nenat sogoi aganhan weak mene nen enggen saweret fesikhemo amusu lek puget fesikhe mene, igisogo wulabi wagunem hasikheat.

1RAJA-RAJA 19:4

eisok oba o leimo afuni le'ma andoma ohealek huberen pikhit lagaikhe-lagaikhe o arat hu'mokwe agaikhemo, e enggi talek hokho mene ekhe eroma omanogo kamo i lagaikhesik welagaikhe. Andoma hu'lagaikhesik logolik he, nebe wa'lasigin namolo, iluk endawimo anggasikhesik, eisena Tuhan mel yagatikhe: ”Tuhan neisena. An nebe neluk logogin mondok elo'lego. We, an nebe fano ekhe welagi'lek. Nombalak weak welagaukwa andi hanggeat welagi andi nen he, an neluk wo'nabin o, neisena,” iluk yagatikhe.

1RAJA-RAJA 21:4

A'nogo yagatikhemo re, at Ahab wene Nabot en yagatikhe mene a'nogo esanggo holhikhesik he, endawimo mondok weak agaikhesik, a'mage lagasikhemo re ambotkwe aiba wagaikhesik, sumburu mondok ninggi'lek elokhonggen lagauk-pagauk isikhesik he, nogo ikherek oba weinglagaikhesik welagaikhe.

AYUB 2:10

A'nogo yagatikhemo, at Ayub en he, ”Allah nen he, fano mene wo'nisugunem helikhi logolik, weak mene wo'nisugu halok herakfisogoin nogo? Hat he, hemi inendawinggen lek mene nen agarek hangge egen o,” iluk yagatikhe. A'nogo yagatikhesik, at Ayub oba a'nogo agaikhe andi nen, ”An Allah nabit,” iluk ambe ba nen weak mene ekhe wulabi waga lagaikhe mondok lek.

AYUB 7:15

Andiba re an noba ou-pou hugu mondok welagirek mene andi herakfuluk he, nalonggop perelogo wa'la'le iluk anggikhi lagi.

MAZMUR 121:6

A'nogo were'ma re, o linggene mo aigen inom, hubanggo o tugi nen inom, hoba ouet hobagagin lek.

MAZMUR 39:9

An naweak omanogoba nen lologo nobagain, an ap kembu mene nen li'not nafungge hilingnobagau fugo.

PENGKHOTBAH 7:9

Ap morue mene nen ina'mage lagaikherek mene andi inendawimo hinagaisogo fetaluk welagaikharek hilingi'mo re, ina'mage weak-weagat lagaikherek andi weak.

KIDUNG AGUNG 1:6

Mo nen nagap hali nonggorek mene andoma faget, agap heiselek weak iluk heilenggen wo'nafi logou fugo. An nogogwi nen wena'neti logolik, anggur yabumo yabu hilingisuageluk miming nafu mondok were'ma re, an nebene pugunetu aple faget linggene selek ekhe werek lek andi nen hilingik welagi o.

YESAYA 49:10

It he, inagai inom inamburu inom nelerogo logogun lek, nen o leimo andoma it faget hibi fululung hibi lagagin legat. A'nogo hilingisigin andi re An nen it inoba inelagaik isikhi lagimo re, it woginarek lagik, hondoginarek i elesi agai fano meneba fisa lagik, hilinginafi logogin o.

YEHEZKIEL 19:12

Oba nen he, afuni ina'mage lagaluk inenggi nen sagarogo kweangma taiget fagarek. A'nogo hilingfugunem sogoi timur fikhiren funha waga logolik, enggen fano mene puget fikherek. E enggi re sia'luk pugagunem he endu nolharek.

HOSEA 13:15

Israel mene re kweang muli fanoma engga mondok muli welagarek andi hak, fano mondok werek meneat he, An nen sogoi aganhan hokho mene o leimo mo liabi wagarek fikhiren inoba lakfei wesigin o. A'nogo lakfei wesumo, sogoi andi nen i elesi wiliferek mene inom, i mogo habulikwe yenggelek mene andoma inom mondogat firok ilik lagunem, yi mene ti mene onggo hokho mene andoma mondogat lek arik lagain o,” ikhe.

IMAMAT 10:3

Wa'lagaukwama at Musa nen Harun yagati logolik, ”Tuhan nen Afuni An nobaget hilingiti logogun mene halok he, An Nebe horek welagi mene a'nogo legeisogo nobagakhi logolik fogetnafi logogun, nen An nebe nanggiluk welagi mene a'nogo afuni An nagainafuri inunggulenu mene inoba inugisikhi logogin, iluk, Tuhan nen ikhe,” iluk Harun yagatikheba nen he, at ane igi'lek wamborek welagaikhe.

YUNUS 1:17

It a'nogo hilingirik lagu kwelek he, Tuhan nen ikan hokho mene ekhe ayonggo fesikhesik lakfei wagaikhemo, Yunus ebe ikan a'nogo nen haumhogo nasikhe. A'nogo nasikhemo, at Yunus ebe ikan alabutmo kwalaikhesik werek kwelek hup enggi henagan welagaikhe.

YUNUS 1:4

Laga logolik, at Yunus a'nogo kapal a'nogo a'ma pisikhesik nogo obabelek agaikhe. A'nogo nogo ugu kwelek, At Tuhan nen sogoi aninirogo i laut oba lakfei wagaikhe. Sogoi a'nogo hokhorogo funhikhi logolik he, i ha'labu hokhorogoat foinalhi logolik, kapal a'nogo halogesu hak hilingitikhe. A'nogo hilingitikhemo re, it ap kapal waluk lagaukwa mene omanogo inailo hokhorogo agaukwasik, it mene tugwi kembu omanogo nen telninabuageluk inane hokhorogo kwetukwama, kapal a'nogo se asuageluk sunggwe kapal elema kwelabek mene omanogo hambokhogo i lakfisigik, isukwa. It a'nogo hilingirik laga logolik he,

YUNUS 4:3

Yogondak he Tuhan neisena, an nebe wa'la'le anggikhi lagi o. Neluk werek aple re nabiro,” iluk yagatikhe.

YUNUS 4:9

A'nogo isikhemo, At Allah nen he, ”Hat he hele ari faget hendawimo weak a'luk logou re lek meneba nen hilingiti lagen o,” iluk yagatikhemo, at Yunus nen he, ”Nenahalok lek nogo? An na'mage lagau obaat lagaikhemo re, nebe wa'lasigin namolo o,” iluk yagatikhe.

MATIUS 20:12

It hobuk wagaikha mene yi re, we, satu jam hangge endebat hilingiti lagaikha meneat he, nit huberat lagosik, mo aik ambik oba ninoba weak-peakhogo wanho mene ninom higirat wo'nisegen andi nenahalok, iluk yagatukwama re,

WAHYU 3:19

A'nogo komothinafi andi re, it afuni an nendawinggen hundik mene halok, inebe lombok komorogo lambisogengge yei inoatirek enek andi nen he, weak hilingiti lagep mene andi herakfisaluk, hinobabut hebela'luk he, anggilukhogo hilingiti logoino o.

WAHYU 7:16

A'nogo fisamo were'ma, Domba Eak a'nogo Allah kain welagarek mene obuluk oba ebe tulem logolik, afuni nen wam konharek andi hak, it kwelaginarek mondok logolik, i afuni inebe inelugerinaferek mene noageluk, i elesimo woginarek lagik, Allah nen ineil amusu tetik, ikhi logogun andi nen he, sumburu inom, i inom, nele aga logogun mondok lego. Nen, mo nen inom, endu nen inom, aigen heinet wati logogin mondok legaro,” iluk yaganete.

1 SAMUEL 3:18

A'nogo yagatikhemo, at Samuel en he, wene Allah nen yagatikhe mene omanogo ekhe hinati'lek mondok felelenghogo yagatikhe. A'nogo yagatikhemo, at Eli nen he, ”Andi re Tuhan nenat yagahetemo re, Aren yi fano anggikhe mene andi nek hilingisuago,” iluk isikhe.