YUNUS 4:5 - Allah Wene Fano Wene Hupla Inane

⁵ A'nogo yagatikhemo re, Yunus o kota nen wulifikhesik, o mo liabi wagarek fikhit andoma lagaikhesik hurek welagaikhe. Andoma logolik o sabu ekhe wutikhesik he, elonggoma kwisikhesik hurek logolik he, ”Afuni o kota Niniwe mene inoba ninggi'nogo hilinglasigin,” iluk nenangot hikhi logolik welagaikhe.

YUNUS 4:5 ပူးပေါင်းရင်းမြစ်များ

1RAJA-RAJA 19:13

Ane a'nogo isikhemo at Elia esanggo holhikhesik he, elokhe sogoi su meneba yanggulogo oumo a'nogo ambeba menlasi wulibi wagaikhe. A'nogo wulibi wagaikhe hak he, ane ekhe mel yagatikhe, ”Elia. Hat yoma ninggi'nogo hilingiti lagen,” iluk yagatunem esanggo holhikhe.

1RAJA-RAJA 19:9

Andoma lagaikhesik, oumo nogo isikhe. A'nogo nogo ugunem, at Tuhan nen mel yagatikhe: ”Elia, hat he yoma ningginhi lagen,” iluk yagatikhe.

YESAYA 57:17

Iren weak hilingisuogeluk enek he ilil mulil tagan ili'lagwi andiba re An na'mage kwelabi'lagwi o, A'nogo hilingiri'lagwi andiba An nen it inoba unggum wogisasigisik oboget isasigi andi. Oba nen he it inungguloak mondok haro logolik it inonggwaregen hilingisugun mene omanogo nek wenakfakhaluk hilingiri'lagwi andi o.

YEREMIA 20:9

Oba nen an nendawimo nen anggikhi logolik, ”Tuhan andi re oba nonggorasimbik logoigen, At enuba yagaisugu aplere nabit,” iluk ikhi lagiba nen he Hat hane ikhi lagen mene andi re endu hangge nendawimo fil-fil hili'logo. A'nogo hilingitunem an nen hambuget hagain iluk walhikhi lagiba nen, hilingisu elo'lek mene ari'logo.

YUNUS 4:4

A'nogo yagatikhemo re, Tuhan nen onggo yagati logolik mel yagatikhe, ”Hat he wene ha'mage lagau legobaat ha'mage lagegendigen ikhi lagen o,” iluk yagatikhe.

YUNUS 4:6

Were'ma re, Tuhan nen at Yunus endawimo fanorogo kunmo logouwagaluk hobut hangge mene ekhe yakfei wagaikhe. A'nogo yakfei wagaikhemo re at Yunus endawimo agaiyek mondok hokhorogo agaikhesik kun a'ma welagaikhe.