YUNUS 3:6 - Allah Wene Fano Wene Hupla Inane

⁶ ”A'nogo hilingiri'lagwi,” iluk isukwama, afuni Niniwe mene inoe raja a'nogo esanggo holhikhesik he, at ebe kain logolik hurek welagarek oba aremnogo nen weak-weak pi wagaikhesik he, ebe raja logolik asu laberek welagaikhe mene nonggologo fesikhesik, karung meneba laberogo re wul oba hu'lagaikhe.

YUNUS 3:6 ပူးပေါင်းရင်းမြစ်များ

1RAJA-RAJA 21:27

At Elia nen wene a'nogo arat yagatikhemo, at Ahab esanggo holhikhesik he, ”An weak hilingiti o,” iluk asu ebe laberek welagaikhe mene tiliphogo lakfisasikhesik he, sumburu ninggi'lek logolik asu karung meneba laberogo welagaikhe. Nen nogogiluk ogore, su karung mene andi laberogo nogokhi lagaikheat, nen kwe lageluk he obabut isorogo laga lagaikhe.

AYUB 2:8

A'nogo fesikhemo re, at Ayub ebe yi mene ti mene hugisa lagaikharek oba wea'ma omanogo hurek logolik, piring serelek meneba ebene kibilhi logolik welagaikhe.

AYUB 42:6

Andi nen he, an nane igi mene mondogat nendawimo ebethaluk he, nenggali ari'lago. An nendawimo nen he, Nane weak igimo, iluk anggigirik he, nebe kweang alolongengge oba inom, wul oba inom hurek welagi o, neisena,” iluk yagatikhe.

YESAYA 15:3

Afuni ebekhe kwe werek mene re fong warogo welago iluk enekhogo re su karung su laberogo logogun, afuni andoma re olulu afuni lambulharekwe omanogo nen inom, o tum ebene omanogo nen inom fong watik, le agik, ikhi logogun.

YEREMIA 13:18

Tuhan nen an noba ikhi logolik, ”Raja inom at agaisa inom takhta ba re mahkota ebe mene at ungguloba puksegengge a'nogo waganogo pikhenggere hurek werek oba andoma nen puakhogo yagaisan o.

YEREMIA 36:13

A'nogo were'ma re at Mikhaya nen he hun Barukh en o Tuhan Awi wuri'mo nen pilingite mene omanogo mondogat tindelogo yagaisikhe.

YEREMIA 36:24

A'nogo hilingitunem at Elnatan inom, Delaya inom, Gemarya inom he, ineisenaba a'nogo hilingitu lek iluk kini wani agama nen he at raja nen it inane holhi'legat hilingite. At raja ebe inom nen it yabu legoma hilingitarek inaben inomen he buku a'nogoba palek mene inesanggo holha mene omanogo faget inailoratik, nen inendawimo warigik, hilingitarek mene omanogo a'nogo ekhe hilingita lek.

YEREMIA 6:26

A'nogo hilinglaga andi nen, At Tuhan nen againafuri faget mel ikhe: ”Hit hinaselei mene nen hinoasugun mene andi re, hit hinobakhe palek were'ma hinoasi wesugun andi nen he, hinasu karung su laberogo wulkwe limbik lambak laga logolik, inagainafuri manggusa mene wa'lagunem, fong watu logolik le mondok weakhogo agaikharek andi hak, li le aga logoino o,” iluk ikhe.

RATAPAN 2:10

O kota ba ap yi kain ti kain omanogo re inane igi'lek kweangma hurek mondok werek; it he fong warogo iluk he wul inunggulkwe liakfigik, su karung mene labetik, agasik werek. Nen helime tugum he inunggul wamborogo kweangma pelakfuluk werek.

RATAPAN 3:29

Andi faget he hobuk asigin mene werek hilingi'mo ninamu nen hilingisu lek hak iluk sebelfakhaluk logoumo re fano.

YEHEZKIEL 26:16

Hat hoba asigin mene andoma heambik, it raja inunggulenu ekhe mene ekhe mene i laut esanggokwe werek mene omanogo re takhta hurek werek oba andoma nen siakhogo menlasimbik he, inasu fano mene raja nen laberek mene omanogo re nonggologo herakfembik inoak leikhogo kweangma hu'lasugun. It inailo hokho mene asimbik inebe hambukhogo welagi'lek logogun.

DANIEL 9:3

A'nogo ebetirik, neisena Tuhan Allah nen endawit nabuagaluk su karung mene laberogo, sumburu ninggi'lek heang nebe wul oba hurek logolik, samban nane nelagaik nane Allah ayonggo figi.

MIKHA 1:10

Nit ninoba weak mene asi waga andi faget, nit ninaselei mene o Gat mene andoma yagaisa fugo. Hit le aga lagep mene andi it ineilenggen hisoageluk weinama le asu fugo. Yago hit afuni o Bet-Le-Arfa hinap yi. Nit mondogat weak asugun iluk ikhi lagep mene andi enek asuageluk he wul ebene andoma limbik-lambak ikhi logoni o!

MATIUS 11:21

”Hit afuni o Korazim mene inom, o Betsaida mene inom, eige! Nendawilage. Afuni nen hilingisu lek mene an nen elalinat hit ninom logolik hilingiti lagi a'nogo, o Tirus Sidon andoma hilingiti logoilema re, it afuni o andoma mene heang fuluk hilingitarek hak, inasu weak mene laberigik, wul fesi inunggul oba yuguligik, ikhi logolik he, weak hilingiti lagaukwa mene andi hebisaluk inobabut fageat hebela'lep meneat he, hit he, a'nogo hilingisu hinabit andi nen weaget hinabigin o!

LUKAS 10:13

”Hit afuni o Korazim mene inom, o Betsaida mene inom, afuni nen hilingisu lek mene, an nen elalinat hit ninom logolik hilingiti lagi a'nogo, o Tirus Sidon andoma hilingiti logoilema re, it afuni o andoma mene inobabut hebela'luk he, heangfuluk hilingitarek hak, inasu weak mene laberigik, wul fesi inunggul oba yuguligik, ikhi logolik he, weak hilingiti lagaukwa mene andi hebisaluk, inobabut fageat hebela'lep meneat he, hit he, a'nogo hilingisu hinabit andi nen weaget hinabigin o!