YUNUS 3:4 - Allah Wene Fano Wene Hupla Inane

⁴ A'nogo were'ma, Yunus o kota andoma arat kwi lagaikhesik, ohealek huberen pikhit hu'mokhokwe o silikwe omanogo laga lagaikhesigen wene mel yagaisasikhe: ”Eiga! Nineisena Allah nen enggi 40 hari logombigen, hit afuni o kota Niniwe welagep mene yoma wulil tagalogo hinoasigin o!” iluk yagaisasikhe.

YUNUS 3:4 ပူးပေါင်းရင်းမြစ်များ

2 RAJA-RAJA 20:1

A'nogo agaikheba andem he raja Hizkia oumo pot mene oba agaikhemo re at ebe wa'lasu hak agaikhe. A'nogo agaikhesik were'ma re at Yesaya hun Amos amlogo a'nogo nen ha wagaikhesik wene yagati logolik mel yagatikhe, ”Noe Tuhan nen ikhi logolik hat hebe fano asigin lego, we eil misik logombik hebe wa'lasigin, iluk ikhenggere noe haren yabu ekhe mene ekhe mene hilingiti lagen mene omanogo mondogat halogo feino o,” iluk yagatikhe.

2 RAJA-RAJA 20:6

An nen he hat heluk logoinogen iluk umur 15 tahun ekhe inom hilingisogo hobagagin o. Nen, hat hebe inom kota Yerusalem inom he raja Asyur mene enggimo nen telogo wokhesigin o. O kota ari re An Nonggwarek nalong anggaluk nalisikhogo inom nen at namingmingengge Daud ninom wene wat-wat agagu mene a'nogo alisikhogo inom he An nen along palogo kagalek logogin ikhe,” iluk yaga'no ikhemo yagaheti o.

YESAYA 30:18

A'nogo hilingitu kwelek oba nen Tuhan nen endawi hundik hilinginaferek mene a'nogo hit hinoba inuk hisagain iluk nenangot hisikhi logolik werek. Hit endawi hundik hilinghinabigiluk fik-fouksek logolik werek. Andi re At Tuhan he ebe Allah tiphogo mondok hilingiterek mene hilingi'mo re, ap At oba inendawinggen tibet fuluk logogun mene re inagaiyekhogo logouwago.

YEREMIA 42:10

”Hiren ambi o kweang yiba femhogo logogun halok he wene hit hinoba hilinglari'lago mene andoma faget An nen nendawinggen warikhi lagi hilingi'mo re, An nen hit sebelogo hinobagakhi logogin lego oba nen legeisogo hinobagakhi logogin. Nen An nen hit pelakhinobagakhi logogin lek oba nen he menegaisogo hinobagakhi logogin o.

YUNUS 3:10

A'nogo hilingitukwama, Tuhan eilenggen isasikhesik he, ”It andi inobabut weak hilingiti lagaikha mene herakfisaga higi,” iluk isikhesik he, attak wene inoba fembik inoasigin iluk isikhe mene a'nogo sugirogo herakfisasikhe.

MATIUS 12:41

At Yunus andi nen it afuni o Niniwe mene andoma Allah ane yagaisikhi lagaikhemo re, inobabut hebelagaukwasik, yi weak ti weak hilingiti lagaukwa mene herakfisasukwa o. Mene re, at Yunus andi enu endep sebelek hak. We, an yoma welagi yi nek he, esinat andi nen he, o wurep oba Allah nen afuni wene inoba figik, kotik, igin andi sambul he, afuni o Niniwe mene andoma inebe menlasimbik, hit afuni o yogondak welagep mene yi mel yagahisogoin: Hit weak, hinenggali, iluk yagahisogoin o.

LUKAS 11:30

At Yunus andi afuni o Niniwe mene andoma wene futfouwageluk ebe welagaikhe andi hak he, an abat ta'lasi wagagi a'nogo re, hit afuni o yogondak welagep mene yoma nen nebe futnobagauwageluk welagi o.

LUKAS 11:32

Nen, at Yunus andi nen it afuni o Niniwe mene andoma Allah ane yagaisikhi lagaikhemo re, inobabut hebel lagaukwasik yi weak ti weak hilingiti lagaukwa mene herakfisasukwa o. Mene re, at Yunus andi enu lek hangge aro. We, an yoma welagi yi nek he, esinat andi nen he, o wurep oba Allah nen afuni wene inoba figik, kotik, igin andi sambul he, afuni o Niniwe mene andoma inebe menlasimbik, hit afuni o yogondak welagep mene yi mel yagahisogoin: Hit weak, hinenggali, iluk yagahisogoin aro,” iluk yagaisasikhe.

ULANGAN 18:22

Ap ekhe Allah ane yagaisikherek mene nen wene hobuk hilinglasigin mene faget nineisena Tuhan enu uluk yagaisagain meneat he, ebe hilinglagi'lek halok he, wene andi nineisena Tuhan nen yagatemo ikhe igin lego. We, at andi nen wene at onggwarek enu uluk igin andi nen he, hit at ebe hinailorogo logogun lego,” iluk yagaisasikhe.