YUNUS 2:8 - Allah Wene Fano Wene Hupla Inane

⁸ It afuni ekhe tugwi kembu ebe lek meneat fogerati logouwogeluk, hoba lomborogo welagi'lek herakhobagaluk wulifukwa andi.

YUNUS 2:8 ပူးပေါင်းရင်းမြစ်များ

2 RAJA-RAJA 17:15

It Israel mene inom Yehuda mene inom he Tuhan en wene yi'nogo hilingi'no ti'nogo hilingi'no iluk yagaisasikhe mene omanogo hilingiti'lek, nen Tuhan nen wene it ineisugwi inom wat-wat agaukwa mene a'nogoba tiphogo welagi'lek hilingiti lagaukwa. It he Tuhan en a'nogo hilingusugun lek iluk komo wene yagaisugu mene a'nogo re fut figi'lek he, iren kembu weak mene omanogoba fogerati lagaukwaba it inebe inom weak arik laga lagaukwa. Tuhan nen a'nogo hilingisu fuk iluk yagaisikhi lagaikheba nen iren afuni inunggulenu amu mene it were'ma andoma maserogo welagaukwa mene nen hilingiti lagaukwa mene omanogo inobabut waganogo hilingiti lagaukwa.

MAZMUR 142:4

An noba lebelek agu sambul he an nen hilingisigin mene Hat mondogat helu welagen. Ebekwe an lagain iluk hilingiti lagikwe omanogo it naselei mene nen linglong an nobaget hele yebet fili'lagwi.

MAZMUR 31:6

An nebe mondok-mondogat Hat henggiba fikhi lagi o, Neisena Tuhan Allah, higithogo nek hilingiti lagen mene, Harenat an hele fikhalogo wulak nobagakhi lagen o.

MAZMUR 69:14

A'nogo meneat he, neisena Tuhan an nen Hat hayonggo fikhi lagi o, neisena Allah Haren hamolo anggagain oba halok, wene onggo yagane'no o. Hendawit nafu welagendek andi nen he, noba lombokhogo logoin o. Lebetnafu welagendek andi nen he, an nebe telnabino o.

YEREMIA 10:8

It inanggembu dewa andoma re e mene hilingi'mo re fano meneba yanggulinabu lek hak, it andoma mondogat he kemburek logoligen hilingik.

YEREMIA 16:19

Tuhan neisena, ”Harenat an hawe a'ma fe'narek logolik an nomame wo'neti lagen, An nelokhoma lek were'ma Harenat lebetniikhi lagen. Yi afuni ti afuni o kweang unggut-unggut welagaikharek mene andoma nen Hat hambit we'luk iren ikhi logolik, ”Nit ninombawi re tugwi kembu we eberogo lek mene fetaluk welagaukwa.

YEREMIA 2:13

An nagainafuri nen he weak ebe pire mene yi'nogo hilingita: An nebe inelugerinafirek mene it inagai elesi a'nogo re inambotma heraknobagagasik, i mogo habulik mene forogo lagunem i yenggelu elo'lek welagarek andi higit hilingfakhaga o,” iluk ikhe.

MIKHA 1:2

Hit afuni hinunggulenu lombogen he an wene igin mene andi fanorogo holini o! Hit afuni o yi awi ti awi welagep mene nen he an nen wene igin mene andi furogo futfikhi logoino. Tuhan Lego Mondok welagarek mene a'nogo nen hit hilingiti lagep mene At eil oba nen fakhogo hinenggali wasigiluk, At onggwarek aiba mondok hore'ma omanogo nen ane ili'lago a'li andi hinesanggo holini o.

1 SAMUEL 12:21

Hiren At ebe herakfisaluk, tugwi kembu ebe lek mene andi faget, aren telhinafik, lebethisigik, ikhi logogin iluk hinendawinggen oba himbiret fuluk at faget hilingirik laga logogubo.