YUNUS 2:10 - Allah Wene Fano Wene Hupla Inane

¹⁰ Ayonggo a'nogo fesikhemo re, Allah nen ikan a'nogo yagati logolik, ”Yunus ebe hemelogo i esanggoma wulakfei lan o,” iluk yagatikhemo, wulakfei wagaikhe.

YUNUS 2:10 ပူးပေါင်းရင်းမြစ်များ

KEJADIAN 1:11

At Allah nen a'nogo isikhesik he, ekhe mel isikheat: ”Kweangma re, e yi agayo ti agayo engga yi engga ti engga, enggen ebe lek awi faget enek iterek mene inom, enggen ebe were'ma nenggarek mene inom, fulelogo wilibuago,” iluk isikhemo, arat fulelogo hilinglagaikhe.

KEJADIAN 1:14

Hobuk Allah nen he, ”O selek mene nen, kweangma selegeratik, o hup a'lugen wei ikhi logogin mene andi huli warogo figik, o lingge inenggi wenatik, mo lagagik, pigik, ugu kwelek yi tahun ti tahun inenggi wenatik, o andem higit Allah faget hilingiti logouwok, iluk inenggi wenatik, ikhi logouwagen pogoroba nen ekhe hilinglame o,” iluk yagatikhemo, arat hilinglagaikhe.

KEJADIAN 1:3

A'nogo hilingitunem At Allah nen ikhi logolik mel isikhe, ”O wei uago.” iluk isikhemo, arat wei isikhe.

KEJADIAN 1:9

Hobuk Allah nen he, mel isikhe: ”I pogot a'ma welagen ari, kweang weinam asimbik logouwagen he, elesi wulagaisogo misi'mo andogosi laga logoino o,” iluk isikhemo, arat hilinglagaikhe.

MAZMUR 105:31

At Allah nen he sobon wesuak, isikhemo esa logalfuluk arat saga i wagik, nen o ekhema-ekhema kolum mondok hokhorogo saga igik, isikhe.

MAZMUR 105:34

Hobuk Allah nen pulue ayonggo fesikhemo, esa mondok hokhorogo inenggi wenasu mondok elo'lek mene inoba lakfei wagaikhe.

MAZMUR 22:26

Haren yi wene ti wene hilingiti lagen mene andoma faget it afuni Hat hagainafuri inebe andogorek were'ma inanggele'ma andoma nen, an nen Hat fogethafi logogin o. It afuni Hat hane holfuluk hilingiri'lagwi mene andoma inelokhoma nen wam warogo nolhesigin iluk wene wathetigi mene a'nogo an nen warogo nolhesigin aro.

YESAYA 38:20

Tuhan neisena, Harenat an fano hilingisogo nobagegen andiba re, niren nineluk logogun huli andomaba pinggong kecapi kong eti logolik, Hat Hawi wuri'mo andoma nen fogethafarek awuniba Harenek fogethafi logogin o,” iluk wuni felalogo watikhe.

YESAYA 43:11

Hineisena Tuhan he An nami-namuat welagi o, An nebe lek logoumo nen he, ap ekhe mene nen hinagap telhinabugun mondok elo'lego.

YESAYA 50:2

An nen it inagainafuri wolinabi wagu sambul, nenahalok it An nagainafuri mene nen ap misigen iluk ogo ekhe onggo ili'lagwi lek? Iren anggikhi logolik An nen it inagap telinafik, lologo fisigik, hilingisu elo'legen iluk, inabolok lek werega? Ibi-eberogo nen he, An nen hilinglasuageluk ugunem he i laut firitok ikhi laga, nen i lagu agai mene omanogo terenghogo kweang iringik mene hilinglagunem, ikan mondogat wathigik lagunem fili a'luk amben mondok sang ikhi laga.

HOSEA 13:4

Tuhan nen ikhi logolik: ”Hit hinebe o Mesir en wokhinarek wulibi wagagi mene hineisena Tuhan Allah re, An aro. Allah amu mene ekhe werek lek, An nami-namu nenat hit hinagap telogo hinobagasigi o.

HOSEA 14:3

Andi nen he, hinebe hinambotkwe Tuhan oba we'luk he, wam, yi mene ti mene At obaget fisa hak, samban yi'nogo ikhi logoino: ”Tuhan neisena, nit hat hane sagalogo fogosik weak hilingiti lago mene yi sagalogo legetfisanogen iluk, yagaheti lago mene yi ninane hesanggo holin o. Ninane holhen halok, niren wene wathetugu higithogoat fogethafi logogun o.

YUNUS 1:17

It a'nogo hilingirik lagu kwelek he, Tuhan nen ikan hokho mene ekhe ayonggo fesikhesik lakfei wagaikhemo, Yunus ebe ikan a'nogo nen haumhogo nasikhe. A'nogo nasikhemo, at Yunus ebe ikan alabutmo kwalaikhesik werek kwelek hup enggi henagan welagaikhe.

YUNUS 3:1

At Yunus a'nogo wulakfei wagaikhemo, Tuhan nen attagat Yunus yagatikhe higithogo, hobuk mel yagatikhe: