YUNUS 1:3 - Allah Wene Fano Wene Hupla Inane

³ Oba nen, at Yunus endawimo nen he, Tuhan herakfisaluk agaiserogo heise o Spanyol yatmaat a'lima lagain, iluk anggasikhe. A'nogo anggasikhesik, o Yofa lagaikhe re, afuni kapal oba o Spanyol louwogeluk ugunem lagaikhe. Lagaikhesik he, kapal a'nogo onggo wogisasikhesik he, elonggoma kwisikhesik, Tuhan herakfisaluk it inom o Spanyol yatma andoma lagain iluk inom lagaukwa.

YUNUS 1:3 ပူးပေါင်းရင်းမြစ်များ

KEJADIAN 3:8

A'nogo hilingitukwasik were'ma nen hu'mokwe re inesanggo holhasukwa re, Tuhan Allah e enggen yabumo a'nogo nugunem abolok holhukwasik he, ”Eilenggen nisanogo,” iluk it emberegat e omanogo anggele'ma hina'lagaukwa.

KEJADIAN 4:16

A'nogo hilingitikhemo, at Kain a'nogo Tuhan Allah elokhoma nen lagaikhesik, mo lagai wagarek higithogo o Eden yabu yagoma abel elikwe kweang ekhe enu Nod agarek oba andoma lagaikhesik welagaikhe.

1RAJA-RAJA 19:3

A'nogo yagasi lagaikhemo, at Elia ailo hokho agaikhesik he, ebe wasinogo iluk amingmingengge mene emberek wagaukwasik, o Yehuda enu Betsyeba lagaukwa. A'nogo lagaukwasik, amingmingengge a'nogo andoma fuluk he,

1RAJA-RAJA 19:9

Andoma lagaikhesik, oumo nogo isikhe. A'nogo nogo ugunem, at Tuhan nen mel yagatikhe: ”Elia, hat he yoma ningginhi lagen,” iluk yagatikhe.

2 TAWARIKH 2:15

Nen nit he noe haren gandum elokhe pire mene inom, anggur inom, zaitun amusu inom, lakhinobagai wesigin iluk abok yaganisegen a'nogo nenangot hugu logogun andi.

2 TAWARIKH 2:16

Nit he e laik o Libanon tom oba omanogo noe hat hamolo mene higithogo musi lambik he i bene nen salmasuakhogo re heleba homagaisogo lakfei wagunem i nen waluk o Yobe wulibi waga logogin. Nen andoma wulibi wagunem he noe haren salmagaisogo re o Yerusalem fei laga logogin o, iluk lisu palogo lakfesikhe.

2 TAWARIKH 9:21

At Salomo re angge kapal hokhondek mene re mondok hokho-pokhorogo were'ma re hun raja Hiram mene inom i laut agumkwe andoma waluk nikhi lagaukwa. A'nogo nikhi la'luk 3 tahun hilinglagunem en inenggi we misigam enek inambotkwe kapal omanogoba no emas, perak inom, sapi andimuk inom, paik kera inom, sue enu merak andi mene inom waluk waga lagaukwa.

EZRA 3:7

Andi nen he, afuni Israel mene omanogo nen ap o helep oba afe halhigik wusugun mene omanogo inom, e meneba wusugun mene omanogo inom, inenggi onggo wogisikhi logouwogeluk, uang andogotukwa. A'nogo andogotukwasik, hobuk he, yi mene ti mene nunggu mene sumburu inom, anggur amusu inom, e zaitun enggen amusu inom, o Libanon andoma nen e wombi hangge enu cemara onggo oarogo i laut agum kwe nen o Yafo andoma lakfei wesuageluk, o kota Tirus inom, Sidon inom, lakfesukwa. A'nogo hilingitukwa andi re, ap kain Kores o Persia mene inoe raja nen, ”A'nogo hilingi'no,” iluk yagaisasikhemo hilingitukwa andi.

AYUB 1:12

A'nogo yagatikhemo, At Tuhan nen Iblis afuni inendawimo kagalik nikherek mene a'nogoba re mel yagatikhe: ”Fano. Harenat. Hat hendawimo anggegen higithogo hilingi'nogen iluk, at Ayub angge yi mene ti mene mondogat henggiba figi o. A'nogo meneat he, at ebe nek he, henggi fakhagain mondok lego,” iluk yagatikhe. A'nogo yagatikhemo, at afuni inendawimo kagalik nikherek mene a'nogo Tuhan elokhoma aremnogo nen wulibi wagaikhesik lagaikhe.

AYUB 2:7

A'nogo yagatikhemo, at Iblis afuni inendawimo kagalik nikherek mene a'nogo Tuhan elokhoma omanogo nen wulibi lagaikhesik wagaikhe. Wagaikhesik, ap Ayub oba eiso'ma nen pikhit ungguloak huli oumo weak mene mondok lambukhogo fesikhe.

MAZMUR 107:23

It andi ekhe nen he, yi mene ti mene onggo saburouwogeluk, onggo wanhik hunitik nikharek mene, i laut hokho yenggele'ma andoma, e so warogo herarik laga lagaukwa.

YESAYA 2:16

Kapal mondok hokho mene fano pigin pugunhogo wurik mene re hobuk ima ubukhogo pelak fisagainat.

YESAYA 23:1

Tirus faget yagaisoageluk isikhe mene re yi: Yago, hit ap Spanyol hinap i laut ebene nen laga pu hilingiti lagep mene omanogo re le aga logoni. Hit o Siprus nen hinaiba wesuogeluk wagunemen yagahisikhi logolik, kota Tirus a'nogo re mondogat wolelenggenhogo pikhe, nen hit hinaiba inom hiren hinangge kapal fei waga lagep oba obalik omanogo inom he mondogat sunukhogo pilik lagama o, iluk ugunem holugun.

YESAYA 23:10

Ap kapal oba yabu hilingitarek inap omanogo re inebe mondogat lek enggere, hit ap Spanyol hinap yi re, hineabu helikhi logobagaigen he hela wilipni o.

YESAYA 23:6

Hit afuni i esanggokwe welagep mene andoma re le yakhilik-yakhilik hinonggwarek hinagap telogore hinawi meisalogo helaluk o Spanyol wura lani o.

YESAYA 60:9

Andoma re kapal Allah againafuri o yatma andoma nen woginarek wagasik yasi waga mene o. Emas, perak inom ogore iren nineisena Tuhan Allah a'nogo fogeratu mene faget waluk wagaikha aro. Andi re Israel mene ineisena Allah, Horek Mondok welagarek mene, Aren againafuri inoba agaugwerinabigiluk hilinginaferek mene a'nogo.

YEREMIA 10:9

Kembu andi ebere no emas, perak o Spanyol inom kota Ufas inomen waluk wagaukwa meneba laberogo hilingik, andoma mondogat he ap hesesengge wanhu inelu inaben inom emas oba pugunetu inelu inaben inomen hilingita mene. Asu re eil wurik weak meneba inom nen eil yanggorek meneba inom oba, ap su kwaterek elu mene nen halhaluk kwata meneba laberek.

YEHEZKIEL 2:8

Hat afuni wa'lagaikharek mene yi. An nen hat hoba yagaheti lagi mene andoma fanorogo holin. Hat he it hinom wene sagalhu mene hilinglasu fuk. Hambele anget fuluk he An nen wokhesigin mene ari nan,” iluk ugunem holhi.

YEHEZKIEL 27:12

Haren hasungge sik-pikhogo henggi werek welagen mene omanogo re o Spanyol onggo huniti lagagin, onggo palogo haren helikhi lagagin engge andoma re posie inom, perak inom, timah sing mene inom, kut mene inom, helikhi lagagin.

YEHEZKIEL 3:14

Tuhan omame a'nogo an noba nomamerogo kwelakfei wagama re, At Areagun nen an legeisogo wo'narek lagunem he nendawimo na'mage lagagik, nendawimo heiselhik, igi.

YUNUS 1:10

A'nogo yagaisasikhesik, ekhe mel isikhe: ”A'nogo fogeratirek meneat he, an nen Tuhan ane sagalogo herakfuluk, agaiserogo heise yatmaat a'lima lagain iluk wagari'mo nen o,” iluk yagaisasikhemo, it ap omanogo inesanggo holhukwasik he, ebenagaik mondok inailo agaukwasik, mel yagatukwa: ”Hat weak mondok hilingitenma o,” iluk yagatukwa.

YUNUS 4:2

A'mage lagasikhesik, Allah ayonggo fikhi logolik he, mel yagatikhe: ”Tuhan neisena! O attagenat an naiba logolik aremnogo Haren a'nogo hilingisigin iluk an nen isigi lek nogo? Isigiat anggigi! Hat he hobabut inelagaik isigik, afuni hendawi hundik hilinginafik, hendawinggen sakhorek oba hilingitik, hobabut fetakhogo hilingiti'lek logolik afuni weak hilingitu mene inoasigin iluk inabok palherendigen he, hobuk hendawirinafi legen a'nogo nelu logolik he, an heise o Spanyol lagaluk lagagi anggigi.

LUKAS 9:62

at Yesus nen he, mel yagatikhe: ”It afuni, inebe lombok yabu wanuogeluk sige waluk laluk, yabu ebe fakfagaresigat he, hobuk inelokhe hebekhogo inambotkwe yet lasi weri'lagwi halok he, Allah awe a'ma fisikhere'ma andoma kugun mondok lego,” iluk yagatikhe.

KISAH PARA RASUL 15:38

A'nogo ugunem, at Paulus nen he, ”Lego. Nit Allah faget ninom hilingirik louwogeluk lagosigen, o Pamfilia nen ambotkwe sugulogo waga a'nogo re, hobuk waluk logoin lego,” iluk yagatikhe.

KISAH PARA RASUL 26:19

A'nogo yagatikhesik, ekhe mel yagatikhe: ”Andi nen, Agripa noe. Allah nen Yesus nelokhoma menlasuageluk lakfei wagaikhe mene andi, ane hologo hilingiti logoigeluk nomamerogo hilingitu mondok welagi.

KISAH PARA RASUL 9:36

O Yope andoma, he ekhe enu Paik enu mene, afuni Yunani mene inaneba enu Dorkas u hak, it inaneba Tabita iluk ikhi lagaukwa mene welagaikhe. At he andi, Tuhan Yesus ane wanhikhesik, yi mene ti mene fano hilingiti logolik, afuni inenggi lek inelagaik mene leberisugu mondok welagaikhe.

KISAH PARA RASUL 9:38

A'nogo fei lagasukwasik werek kwelek, o Yope andoma nen, o Lida andi horogatma re, it afuni ekhe nen, ”Petrus ebe o Lida wagasik werego,” iluk ugunem, it afuni Yesus ane wanhukwa mene omanogo inesanggo holhukwasik he, it ap inebe pire Petrus ayonggo loageluk, mel yagaisasukwa: ”Hit lambik he, Petrus mel yaga'no: Halele abirogo welagi'lek ninom weak-weak louwogo, iluk yaga'no,” iluk liakfisa wagaukwama lagai wagaukwasik, yagatukwama, at Petrus nen he,

KISAH PARA RASUL 9:42

Wogisasikhemo re, wene hilinglagaikhe mene andi, it afuni o Yope andoma mene inebe mondogat inelu agaukwasik he, inebe hokhorogoat inendawinggen ninoe Enupogot Yesus telninaferek mene oba himbiret fesukwa.

KISAH PARA RASUL 9:43

A'nogo himbiret fesukwama, at Petrus a'nogo o Yope andoma logolik he, ap Simon paik agap wam agap nonggologo iring iti lagaikhe mene aiba emberek inenggi hokhorogoat welagaukwa.

1 KORINTUS 9:16

Fano wene yagaisilik nigirek andi re, yagaisagain meneat yagaisilik nigirek andi nen he, fogerakhagain mondok lego. Yagaisigi'lek kamo umo re, eige. Nonggwarek nebe weaget lagi hanogo o.

2 TESALONIKA 1:9

It a'nogo wene inoba fuluk he, ninoe Enupogot omame hokho mene andi nen fogeratu mondok welagaikhare'ma eilhanem andoma nenat wea'ma andoma mondogat logouwageluk lak fisagaino.

YOSUA 19:46

Me-Yarkon, Rakon, andi mene o Yope horok-horokwe kweang werek mene andoma inom wogisasikhe.