YUNUS 1:16 - Allah Wene Fano Wene Hupla Inane

¹⁶ Hambuk isikhemo re, it ap omanogo Tuhan oba inailo mondok hokho agaikhe, inailo agaikhemo, it inebe kweang ambuema asi wulifukwasik he, Tuhan faget warogo wogetik, niren yi'nogo ti'nogo hilingiti logogun, iluk inane hombuk palogo Tuhan yagatik, isukwa.

YUNUS 1:16 ပူးပေါင်းရင်းမြစ်များ

KEJADIAN 28:20

A'nogo salhikhesik, Allah enu hombuk palogo mel isikhe: ”An laga lagi yi, neisena Tuhan nen fetnarek welagik, lebetniigik ikhi logolik, sumburu inom, nasu inom, wo'netunem,

KEJADIAN 8:20

At Nuh nen wam yi mene ti mene warogo Tuhan faget noleti logogin mene obalik helep sengget watikhe. A'nogo watikhesik, sue, wam, paik, yi mene ti mene enggi lek mene inom, werek mene inom, nenggarek mene inom nenggarek lek mene inom omanogo inunggulenu tomok misiktek warogo fesikhesik eisena Allah faget noletikhe.

2 RAJA-RAJA 5:17

A'nogo herakfisasikhemo, hobuk mel yagatikheat: ”Noe. An yogondak huli nen he, naiba lambik, afuni nen hunogo mene faget esinet fuluk wam, yi mene ti mene warogo fisigik, noletik, agarek andi hak an nen ariginhi'lek, we neisena Tuhan faget enek warogo noleti logolik fogerati logoinogen he, kweang yoma mene ekhe wam keledai ebe pire wuret fuluk elok waluk la higithogo kino yagaheti o, noe.

AYUB 37:24

Andiba re it afuni inebe mondogaren At enek along anggaluk legeisogo fikhi logogun fano. Aren he it afuni nen an nendawi werek nagun iluk anggagarek mene andoma faget inoba ebeterek lek,” iluk isikhe.

MAZMUR 107:22

Iren he, yi mene ti mene At faget fisaluk waluk waga logolik, At hai wati logouwak. Nen At obabut hilingiti lagaikhe mene andoma it afuni ekhe fakhogo yagaisikhi logolik he wuni inanggilukhogo wati logouwak.

MAZMUR 116:14

An nen neisena Tuhan faget, ”Yi'nogo hilingisigin,” iluk, wene waretigi mene andi At againafuri mondogat ineilhanem en At faget a'nogo hilingisigin.

MAZMUR 50:14

Hiren An nobaget wam yi mene ti mene warogo wo'nesu hak he, An hai warogo wa'neti lagep mene andi wo'neti logoni o, Nen hiren At Lego Mondok welagarek mene hinom wene wati legep mene andi nek tiphogo hilingiti logoni o.

PENGKHOTBAH 5:4

Wene wasigin oba nen higithogo hilingisigin lek andi re mondok weak, oba nen he wene wasigin lek andi nek he mondok fano.

YESAYA 26:9

O hubanggo an nendawimo nen he Hat faget ebet-ebet hilingiti lagi, nen, o hubet agunem he Hat hoba eberogo weri'lago. Hobuk Haren afuni kweangma werek mene ayo wurogo hilinginabigin oba andi re, afuni kweangma mene nen he eberogo mene re ebe yi aro iluk inelu asugun.

YEREMIA 5:22

An nebere Tuhan, nenahalok hiren An noba hinailo welagep lek nogo? Eberogo nenat he hiren An nobaget hinoak leigeti logou meneba nen o! An nenat i laut huli warek logouwageluk kar waganogo mondok-mondok faget hilingisogo fesigi. I laut agum founalhik, esinggen lenggalhik, hilingiterek oba nen he huli warek mene andi taganhogo lagaikherek mondok lek.

DANIEL 6:26

A'nogo arat hilingi'luk, at raja Darius nen he, lisu palogo afuni inunggulenu lombok, ineisok erokwe lombok, inane lombok, o yi awi ti awi welagaikharek mene inoba lakfikhi logolik: ”Hinendawinggen hambukhogo fano logobagaigiluk he, hai wathinafi o,” isikhe.

YUNUS 1:10

A'nogo yagaisasikhesik, ekhe mel isikhe: ”A'nogo fogeratirek meneat he, an nen Tuhan ane sagalogo herakfuluk, agaiserogo heise yatmaat a'lima lagain iluk wagari'mo nen o,” iluk yagaisasikhemo, it ap omanogo inesanggo holhukwasik he, ebenagaik mondok inailo agaukwasik, mel yagatukwa: ”Hat weak mondok hilingitenma o,” iluk yagatukwa.

YUNUS 1:14

Elo'legat hilinglagaikhemo re, iren inane hokhorogo Tuhan mel yagatukwa: ”Nineisena Tuhan! Hat hendawimo hamolo anggegen higithogo hilingninafi lagen andi nen, ap yi nen nit weak ekhe hilingninafi'lek meneat he, i lakfogoin andi, at amep nit ninoba fembik weagetninafun o!” iluk ayonggo fesukwa.

MARKUS 4:31

Andi ebe re, kibi-kibi enggen hangge o. Ap ekhe nen kibi-kibi awi feik lakfesikhe. Yi mene ti mene enggen awi andi mage meneat he, kibi-kibi awi andi nek he mondogat mage o.

KISAH PARA RASUL 5:11

Wene a'nogo hilinglagaikhemo re, it Allah againafuri mene mondogat inom, nen it afuni ekhe inesanggo holhukwa mene mondogat inom, inailo hokho agaukwa.

HAKIM–HAKIM 13:16

A'nogo yagatikhe meneat he, malaikat Tuhan a'nogo nen he, mel yagatikhe: ”An hit yethinarek yoma logogin meneat he, haren an faget isasigin mene andi, nagain legaro. A'nogo meneat he, haren isasigin egendi'mo re, isasigin mene andi re Tuhan nolesugun mene faget isasimbik he, At fisanogo,” iluk yagatikhe. A'nogo yagatikhemo, at Manoah nen he, ”Andi re malaikat Tuhan nen yaganete,” iluk futfigi'lek andi nen he, mel yagatikhe: ”Wene haren yaganisegen andi hobuk eberogoat hilinglagu halok he, niren agaugwethafi logouwogen he, hat henu yaganom o,” iluk yagatikhe.