YUNUS 1:10 - Allah Wene Fano Wene Hupla Inane

¹⁰ A'nogo yagaisasikhesik, ekhe mel isikhe: ”A'nogo fogeratirek meneat he, an nen Tuhan ane sagalogo herakfuluk, agaiserogo heise yatmaat a'lima lagain iluk wagari'mo nen o,” iluk yagaisasikhemo, it ap omanogo inesanggo holhukwasik he, ebenagaik mondok inailo agaukwasik, mel yagatukwa: ”Hat weak mondok hilingitenma o,” iluk yagatukwa.

YUNUS 1:10 ပူးပေါင်းရင်းမြစ်များ

KEJADIAN 3:13

A'nogo yagatikhemo, at nineisena Tuhan Allah nen he, at he a'nogo mel yagatikhe: ”Nenahalok a'nogo hilingiten?” iluk yagatikhemo, aren he, ”At kisu nen eranen lalnafemo enggen andi palogo ninggi o,” iluk yagatikhe.

2 SAMUEL 24:3

A'nogo yagatikheba nen he at Yoab en raja a'nogoba ikhi logolik he, ”Hat heisena Tuhan Allah andi nenat it afuni Israel mene inebe yogondak lambulogo werek mene andem he we endep hak werek kwelek, ekhe seratus nen hakhogo oba loukhogoat hilinghobagakhi logouwak, nen noe hebe heluk ekhe inomat logolik heilenggen isagainat logou hak. Oba nen he hun hokho haren inenu lisu pali lani iluk yaganisikhi lagen yi re ninggi'nogo mene faget nogo?” iluk yagatikhe.

AYUB 27:22

Endawirati'lek a'nogo oba asi wagunem, ningginik-ningginik koma hina'lasi lak iluk he leil warik nikherek.

YUNUS 1:11

A'nogo ugu kwelek aremnogoat, i ha'labu ebenagaik aninirogo mondok hilingitikhe. A'nogo hilingitunem, it ap omanogo nen he, Yunus mel yagatukwa: ”I ha'labu nen nit ninoasinogo iluk, abolok hambuk uageluk he, niren hat ninggi'nogo hilinghabuok?” iluk yagatukwama re,

YUNUS 1:3

Oba nen, at Yunus endawimo nen he, Tuhan herakfisaluk agaiserogo heise o Spanyol yatmaat a'lima lagain, iluk anggasikhe. A'nogo anggasikhesik, o Yofa lagaikhe re, afuni kapal oba o Spanyol louwogeluk ugunem lagaikhe. Lagaikhesik he, kapal a'nogo onggo wogisasikhesik he, elonggoma kwisikhesik, Tuhan herakfisaluk it inom o Spanyol yatma andoma lagain iluk inom lagaukwa.

YOHANES 19:8

Wene a'nogo yagatukwama, at Pilatus esanggo holhikhesik he, ebenagaik ailo mondok agaikhe.

YOSUA 7:25

Fisa lagaukwasik he, Yosua nen hun Akhan oba ikhi logolik he, ”Nenahalok haren nit mondogat ninoba enggin-fenggin andi hilingiten? Yogondak Tuhan en hat weaget habigin!” iluk yagatikhe. A'nogo yagatikhemo re afuni Israel mene mondogaren he hun Akhan ebe inom at eisok erokwe mene inom omanogo helep huk pinggi inoatukwa. Nen angge yi mene ti mene mondogat inom, nen ekhe mene-ekhe mene hinatikhe mene omanogo inom endumo mondogat nolhukwa.