YUDAS 1:7 - Allah Wene Fano Wene Hupla Inane

⁷ It hilingitukwa higithogoat he, it afuni o Sodom mene inom, Gomora mene inom, o sili inera'lukwe mene inomaren, pailak fakfisigik, ap-ap, hemi-hemi hilingisu lek mene hilingitik, isukwaba unggum he, endu nunggu mondok welagare'ma mondok logouwageluk, lakfisasikhemo andoma werek, iluk, nit afuni mondogat futfikhi logogun.

YUDAS 1:7 ပူးပေါင်းရင်းမြစ်များ

KEJADIAN 13:13

O kota Sodom andoma re, afuni Allah elokhoma inobabut mondok weak hilingiti lagaukwa mene welagaukwa.

KEJADIAN 18:20

Endawimo a'nogo anggasikhesik he, nineisena Tuhan nen Abraham mel yagatikhe: ”It afuni o Sodom, Gomora mene weak hokhorogo hilingiri'lagwi iluk yaganeri'lagwi o.

KEJADIAN 19:5

A'nogo logolik, inane hokhorogo Lot oba wene mel iluk heinok wokhasukwa: ”Ap hat haiba nogo uogeluk wagaikha omanogo, inebe koma werek? Nit it ninom hemi fakfisagarek hak hilingisuogeluk inebe wo'nisan o,” iluk yagatukwa.

YESAYA 1:9

Nineisena Tuhan Omame Mondok Hokho werek mene a'nogo nen endephogo ekhe telninabilep le'ma nen he nit ninebe re afuni o Sodom, Gomora mene Allah nen felelenghogo leget fisasikhe a'nogo higit leget ninobagailep mene welago.

YESAYA 13:19

O kerajaan Babel oba andoma nen o sili mondok fano mene it afuni andoma werek mene nen inagaiyek hagarek aiba a'nogo re An Tuhan nen o Sodom inom Gomora inom weaget fesigi hak weaget fagainat.

YESAYA 33:14

Afuni weak hilingitarek mene o Sion werek mene andoma re inailo nen inoak legeti logouwak. It inane ikhi logolik he, ”Allah nen wene sikhiphogo palherek mene andi re endu amulok lagaikherek andi hak mondok-mondok logogin mene palhere'ma re, afuni nen endu nolinafarek mene andiba nen amulok lagagunem hambuget hogoin mene ekhe logogun nogo?

YEREMIA 20:16

Ap wene waluk laga mene andi re o kota Tuhan nen endawirati'lek wolelenggen isikhe mene andoma higit logouwak. At andi o hubet he heinet watunem holhik, nen lingge tulem weim abolok enek ugunem holhik, ikhi logouwak.

YEREMIA 50:40

An nen, o Sodom, Gomora inom o sili haningisogo werek mene inom mondogat legetfesigi andem hak, at Babel he a'nogoat legetfagain. Ma re, afuni misik ogo andoma ekhe logogun lek. Iluk An, Tuhan nen nane mondogat igi.

RATAPAN 4:6

It Sodom inap inoba afuni nen yi'nogo ti'nogo ekhe hilingiti'le'ma nen unggum Allah enggiba nen ferekhogo wogisikhe mene andi re mabensek oba nen, an nagainafuri nek he unggum engginhogo wogisikhe.

HOSEA 11:8

A'nogo isikhesik, Tuhan nen mel yagaisasikhe: ”Hit afuni Israel mene yi. An nen hit hinebe mondok-mondok herak hinobagaluk lagik igin nogo? Mondok elo'lego. An nen afuni Adma mene inebe mondok legetfisasigi andi hak, legethinafik, afuni Zeboim mene hilinginafigi andi hak hilinghinafik, igin nogo? Mondok lego. An nen hit hinebe nendawi hundik mondok hokho meneba hilinghinarek welagi andi nen he a'nogo hilinghinabigin lego!

AMOS 4:11

Afuni hit mene fenakwe re An nen afuni o Sodom inom, Gomora inom wulil tagalogo legetfisasigi andi hak inebe leget fisigimo, fena ekhe hineluk welagep mene andi, hinebe endu aro endumo nen yegelogo wanharek andi hak welagebo. A'nogo meneat he, hit hinambotkwe sugulogo An noba wesu hinabirat welagep.

MATIUS 10:15

Yogondak he, an nane eberogoat yagahisak. Hobuk Nineisena Allah pogoroba mene nen wene inoba figik, kotik, igin andi sambul he, it afuni o Sodom Gomora mene andoma re, wene inoba fembik weagerinabigin meneat he, se hangge aro. Meneat he, it afuni o sili hit wokhinafi'lek herakhinobagagun mene andi nek he, wene enggin mene inoba fembik mondok weagerinabigin o,” iluk yagaisasikhe.

MATIUS 11:24

Hobuk Allah nen wene inoba figik, kotik igin andi sambul he, it afuni o Sodom welagaukwa mene wene inoba fembik serogo hak inoasigin meneat he, hit enek he, mondok engginhogo hinoasigin andi nen he futfeni o,” iluk yagaisasikhe.

MATIUS 25:41

Nen, it nenggi harekwe fisagain mene andi mel yagaisagain: An neisena nen hit homan hinobagaikhe mene yi ri! An sumburu nele were'ma, hiren mela'neti'lek, i nele were'ma, hiren wo'neti'lek, ap pok were'ma hiren wo'nafi'lek, su laberek lek were'ma hiren ekhe labetnobagagi'lek, ou warek were'ma inom, nenggi hele warek were'ma inom, nea lagi'lek hilingiti lagagibo. Halok he, an neisena nen, at Iblis agoromi inebe hokhorogo inom, endu aik hokhoma nagulagarek le'ma andoma logouwageluk inobalik halogo fisasikhemo andoma hela lani o, iluk yagaisagain.

LUKAS 17:29

ap Lot a'nogo o Sodom herakfisaluk wulibi lagaikhemo re, Allah pogoroba nen meiso endu mene inom, hendali hangge mene inom, pelakfei wagaikhemo re, it afuni omanogo inebe felelenghogo inoatikhe.

1 KORINTUS 6:9

Afuni weak hilingiri'lagwi mene Allah awe a'ma fisikhere'ma andi eisewerek asugun lego, iluk he, hinonggot nogo? Hinonggwaregen lalagubo. Pailak fakfisagarek mene inom, tugwi kembu oba himbirik logolik fogeratarek mene inom, ap inagagwi mene pailak fakfisagarek mene inom, aben hemi fakfisagarek hak it ap-ap fakfisagarek mene inom,

ULANGAN 29:23

Hit hineabu re lei pirim ugunem he mayu inom, aspal ebekwe talharek mene a'nogo hangge enu belerang inomen salek logogin. Hinanggweang he awi yasu elo'lekhogo engga inom wilibu elo'lekhogo hilingik logogin. Hit hinawi sili andoma re o kota Sodom inom, Gomora inom, Adma inom, Zeboim inom, At Tuhan obaharoba mondok endu fesikhe a'nogo hakhogo hilingik logogin.

2 PETRUS 2:2

A'nogo meneat he, it inendawinggen en nunggunem inenggali legat yi weak ti weak hilingitunem, afuni hokhorogoaren it inobabut waganogo hilingiti logogun andiba, it afuni ekhe nen, Yesus ombo'ne lagaikharek wene, ebe wene andi, abok weak uguno.

2 PETRUS 2:6

Nen andi higirat he, afuni hobuk Allah inabit a'luk weak hilingiti logogun mene inendawimo nen he, ”Nit ninobabut a'nogo hilingiti logogun halok, Allah nen herakninobagagi'lek a'nogoat ninoasigin higi,” iluk futfikhi logouwageluk, afuni o Sodom Gomora mene inom, Allah nen wene inoba fisasikhesik mondok felelenghogo enduba inoatikhe andi.

2 PETRUS 3:7

Mene re, pogot andi inom, kweang andi inom, hobuk enduba weagetfeigeluk Allah ane andibaat elama faget fisogo logombik he, afuni Allah ebe inabit logolik inobabut weak hilingiri'lagwi mene andi, wene inoba fuluk weagerinafik, kweang pogot weagetfigik, misik sambulat hilingisigeluk eranenat enggi fisogo werego.