YOSUA 9:9 - Allah Wene Fano Wene Hupla Inane

⁹ Heinok a'nogo wogisasikhemo re, iren onggo yi'nogo yagatukwa, ”Nineisena, nit wago re o mondogat yatma nen wago. Andi re niren holhunemen he, Tuhan Allah nineisugwi hiren apne wanhi lagep mene andi nen o Mesir oba elalinhogo hilingiri'lago aple andoma inom,

YOSUA 9:9 ပူးပေါင်းရင်းမြစ်များ

1RAJA-RAJA 8:41

Haren hagainafuri elalin mene hokhorogo hilinginafendek andi faget habok fano igik, fogethafik, ugunem afuni pok mene inawi yatma nen inesanggo holfuluk, o Hat faget hilingiti logogun oba wuri'mo yi we'luk, fogethafik, kino yagahetik, ugunem,

NEHEMIA 9:5

Samban a'nogo isukwasik, o andi sambul he, ap Lewi mene, Yesua inom, Kadmiel inom, Bani inom, Hasabnea inom, Serebya inom, Hodia inom, Sebanya inom, Petahya inom, it andemen Allah againafuri nen Allah fogerasuagaluk mel isukwa: ”Ninebe menlasimbik he, nineisena TUHAN Allah fogerasuogo. Nineisena TUHAN fogeratu mondok werek mene a'nogo fogerasuok. It ekhe endebat hangge fogerinabugun mene re, At enek he, enu elalin mene yi awi ti awi mondogat lili'lago a'nogo enu seralhu mondok logouwogo,” iluk isukwa.

MAZMUR 148:13

It ap inenupogot ekhe inenu lek hangge werek kwelek, At Allah nek he enu werek logolik, pogot inom, kweang inom At enggiba welagarek, andi nen he hit hinebe mondogaren At enu nek, seralhi logoino.

MAZMUR 72:19

At enu esin mondok welagarek andi nen he, fogeratu mondok logouwok. Nen o yi awi ti awi mondogat he At ombakbagen enek sagorek logouwak. Eberogo nen a'nogoat aga logouwak Amin, iluk igi andi.

MAZMUR 78:12

It inombawi ineilhanem he o Mesir Zoan tonggoma andoma nen, Allah nen elalin mene hilingitikhe.

MAZMUR 83:18

It andi re mondok-mondok andoma inenggalirogo hilingfisamo re inailorogo logombik, youk la'lak inebe wa'lakhoago.

KELUARAN 15:14

Afuni inunggulenu lombok ekhe inesanggo holimbik, ina'manggen hokho mene lagain, Afuni Filistin mene inom, Afuni Edom mene inogogwi inom, Inesanggo holimbik, inoagelekwe lei'leik ugun.

KELUARAN 9:16

A'nogo meneat he, yi mene ti mene inugisagarek andi hak, An nomame hoageluk, An nenu o yi awi ti awi loageluk, hinebe mondok hinoati'lek herakhinobagagi andi o.

YESAYA 55:5

Hiren he it inunggulenu amu mene inayonggo fisamo re, iren weak-weak hit hinambit wesugun, An Tuhan Allah Israel mene ineisena horek mondok welagirek mene a'nogo nen hit hinenu legeisogo hinobagasigimo re nonggwarek nenuba igi o,” ikhe.

YESAYA 66:19

An nen it inanggele'ma andoma enegengge misik ekhe fagain o. Nen, it mene fena we endebengge nek inagap telinabigin. It he An nen yi afuni ti afuni inunggulenu lombok o kweangma yatkwe-yatkwe An nen hilingiti lagi mene holi'lagwi lek mene inom, nen An nebe Lego Mondok logolik Nomame welagirek mene a'nogo ineilenggen hili'lagwi lek mene inom werekwe omanogo lakfisagain o. It logoin kwe andoma re: O Spanyol inom, Libia inom, Lidia inap inasikhe inenggi puk mene werekwe inom, o Tubal inom, Yunani kwe inom, logoin. Lambik iren he An nomame hokho welagi mene a'nogo yi afuni ti afuni inunggulenu lombok inanggelekwe andoma sagarik logoin o.

BILANGAN 14:15

Haren hagainafuri inebe andi mondogat inoasigin halok he, afuni inunggulenu lombok ekhe nen hat habok o yi awi ti awi lagunem inesanggo holha mene andi nen he,

BILANGAN 20:14

At Musa nen agoromi ekhe inayonggo fuluk o Kades andoma nen it afuni inunggulenu Edom mene inoe raja oba lakfisasikhemo lagaukwasik mel yagatukwa: ”Noe, nit ninebe re, hat hagaila'lak Israel mene ninom hundik welago a'nogo mene o. Hat he, nit ninoba enggin-fenggin hokhorogo aga laga andi helu o, noe.

ULANGAN 20:11

A'nogo nenangot isugunemen it omanogo nen inaiba kwe sou yagarek mene a'nogo hurogo nit hit hina'ma ago iluk ugu halok he, it inebe mondogat hit hinamingmingengge a'luk logolik yabu hinane ninghogo yagaisugu kwelek hilingitu logogun.

ULANGAN 20:15

O kota o hit welagep oba andoma nen yat-yat werek mene andomaba re a'nogo hilingfisikhi logogun.

YOSUA 9:10

nen, ekhe Tuhan nen raja Amori mene inebe pire o i Yordan ima nen mo ero fikhit andoma werek mene, hun Sihon raja Hesybon agun andi inom, hun Og raja Basan agun o Asytarot werek mene andi inom inoba hilingfisasikhe mene andoma holhosik wago o.

YOSUA 9:16

Palhukwaba nen he mondogat wene ap Israel mene inom, Gibeon mene inom watfuluk aremnogo re, linggene henagan welagaukwasigen he, afuni Israel mene a'nogo nen o kota Gibeon inom, Kefira inom, Beerot inom, Kiryat-Yearim inom andoma ineil halik lagaukwa. Andiba nen enek he afuni andi inaiba re yatma lek we horokhogo logolik hilingita iluk inelu agaikhe.

YOSUA 9:24

A'nogo yagaisasikhemo iren onggo ikhi logolik he, ”Nineisena, niren a'nogo hilingito andi re, nit ninesanggo holho re, Tuhan Allah hat nineisena nen apne wanhi lagen mene andi nen Musa at amingmingengge andi mimingiti logolik he, nineisena hat hebe nen o kweang yi sebeli kwi waga logolik afuni yoma werek mene mondogat inoatik, nen kweang yi abirengge nineisena hat wokhetik, hilingisuageluk mimingite mene andi faget ninesanggo holhosik he, nit ogo ninomat ninoasugun hea iluk ninailo nen a'nogo hilingito andi.