YOSUA 9:8 - Allah Wene Fano Wene Hupla Inane

⁸ Andi isukwama iren ikhi logolik he, ”Nit he nineisena haren yi mene hilingi'ni iluk yaganisagain mene andoma re ninendawimo fanoba hilingisugun enego,” iluk isukwama, Yosua nen heinok wogisikhi logolik he, ”Hit he hinebe sani nogo? Nen hinawi ero koma nen wagep?” iluk heinok wogisasikhe.

YOSUA 9:8 ပူးပေါင်းရင်းမြစ်များ

2 RAJA-RAJA 10:5

Andiba re it ap raja ebe werek oba faget kepala welagaikhe mene inom, o kota andiba kain welagaikhe mene inom, it holhu mene faget welagaukwa mene inom, nen it hun Ahab againafuri inom, iren tagongge mene inom faget halinafu welagaukwa mene omanogo inomen he wene yi'nogo palogo hun Yehu ba lakfesukwa, ”Nit he ap sa iluk ogo raja menfogoin lego. We ninoe hat ha'ma sebeluk haren yi'nogo hilingi'ni iluk miming ninabigin mene andi nek hilingiti logogun o. Enggere hat ninoe hendawimo nen yi fano iluk anggagain mene andi nek hilingi'no o,” iluk isukwa.

ULANGAN 20:11

A'nogo nenangot isugunemen it omanogo nen inaiba kwe sou yagarek mene a'nogo hurogo nit hit hina'ma ago iluk ugu halok he, it inebe mondogat hit hinamingmingengge a'luk logolik yabu hinane ninghogo yagaisugu kwelek hilingitu logogun.

YOSUA 10:6

A'nogo wagaukwama, afuni Gibeon mene nen at Yosua o Gilgal su mene wuri'mo were'ma yagasi loagaluk wene warogo lakfisasukwama lagaukwasik he, mel yagatukwa: ”Noe, nit ninamunek obokhogo herakninobagagun o. It ap kaindek inunggulenu Amori mene tomkwe werek mene inogogwi inenupogot mondogat inagoromi tentara inom sebe agasik he, nit ninoasuogoluk wagaikhasik werek andi nen he, weak-weagat telninabi we'no o,” iluk yagasi lagaukwa.

YOSUA 9:11

Nit ninogogwi melalninafu mene inom, nen afuni nit ninaiba andoma werek mene inomen he, nit he nineisugwi hit hina'ma sebe ugun iluk sumburu kwemangge wo'nisagasik o andoma lani iluk la'ninobagai wagaikhama wago o. A'nogo wagonggere nineisugwi hinendawinggen mondok fanoba nit ninom hit inom wene wasuogo, isukwa.

YOSUA 9:23

Hiren a'nogo lalninafep andiba re, Allah nen hit wene hinoba fagain o. Hit hinunggulenu mene andoma re nit ninamingmingengge nek asimbik, o an neisena Allah awiba faget e wutik, i hinatik ikhi logogun.” iluk yagaisasikhe.

YOSUA 9:25

Nen yogondak nit he nineisena hat ha'ma welagonggere haren yi'nogo hilingfisagain iluk, hendawimo nen fano anggegen mene andi hilingninobagagin fano,” iluk yagatukwa.

YOSUA 9:27

Oba nen he, it inebe inamingmingengge hilinginafikhesik, afuni Israel mene faget inom nen wene warogo nolhuba mezbah faget inom, e wutik, i hinatik, ikhi logouwageluk fisasikhe. A'nogo hilinginafikhe andiba re, yogondak huli nen iren yabu andi mene nek At Tuhan obaget hilingiti logouwageluk enogo fisasikhemo andoma hilingitu mondok welagaikharek.